Sapè Fà : Matteu Graziani : a passione di a liuteria
À trentasei anni, issu liutaghju stallatu in Balagna, hà travagliatu dece anni in e scole e più famose d’Italia nanzu di vultà in Corsu è campà d’una passione zitellina…
Sapè Fà : Matteu Graziani : a passione di a liuteria
À trentasei anni, issu liutaghju stallatu in Balagna, hà travagliatu dece anni in e scole e più famose d’Italia nanzu di vultà in Corsu è campà d’una passione zitellina…
Ci sò, in a vita d’un omu, destini chì sò scritti da zitellu. È pocu impreme ciò chì accade, s’è noi semu cunvinti o nò, a strada hè dighjà sculpita. Per Matteu Graziani, hè stata appena più faciule ch’ellu sappia prestu prestu ciò ch’ellu vulia fà di a so vita : liutaghju. Una passione nata à menu di quindeci anni. « In fattu, spiega l’artisgianu, aghju amparatu a cetera à cinque anni cù Ugo Casalonga chì t’avia una scola in Pigna. Aghju travagliatu u strumentu dece anni ma, à tempu, amparatu u viulinu à u cunservatoriu. Aduprendu, quantunque, e duie manere di sunà, classica è tradiziunale (l’archittata scambia). »
Dece anni in Italia
A quindeci anni, u ghjuvanottu si scrive in un liceu di...Cremona, in Italia. Famosa cità, referenza mundiale per ciò chì tocca à a liuteria (cità di Stradivariu…). Passa u so basciliè cinque anni più tardi (specialità liuteria), sempre in Cremona, nanzu di cuntinuà i so studii in Genova, ind’è Alberto Giordano, monda reputatu. À tempu, travaglia cù Carlo Pierini (fabricazione, ristori…). L’inseme li permette di piglià si un diploma di Maestru Liutaghju.
À partesi da u 2011 è dopu à una sperienza di dece anni in Italia, u liutaghju volta in Corsica è apre un primu attellu in Bastia. « Era un attellu dedicatu à i quartetti (viulinu, altu, cellu…), ripiglia l’artisgianu, ma era un pocu difficiule chè e dumande sò poche in viulinu classicu in Corsica è u prezzu abbastanza altu (trà 12000 è 15000 e). Ùn hè micca listessa scola è listessu prestigiu. Tandu mi sò specializatu ind’a ghitarra. Ciò ch’ùn m’impedia micca di cuntinuà à fà ristori. »
Una marca : grazianiguitars
Matteu sona di cetera, viulinu è canta ciò chì li permette di girà in Corsica è in altrò cù u famosu gruppu « Meridianu », in tantu chè intermittente di u spettaculu. L’altra parte di u so tempu hè cunsacrata à u so attellu. « Dui anni fà, aghju fattu a scelta d’arrestà cù u gruppu è d’esse à 100 % liutaghju. Mi sò stallatu in Balagna è aghju creatu a me marca « grazianiguitars ». U travagliu, ùn manca, cù sette cumande per u solu annu 2021. « Una ghitarra dumanda da 200 à 270 ore di travagliu, ciò chì riprisente à pocu pressu, un mese è mezu. Ùn ci vole micca à cuntà l’ore. »
L’artisgianu adopra legni diversi (aceru, noce, ebanu, palissandru indianu) è prupone duie catugurie di strumenti : attellu (à partesi da 2500 e) è cuncertu (à partesi da 4500 e). « Aghju dumande da gruppi o musicanti isulani. Mancaria qualchì salonu internaziunale per fà a prumuzione di a me marca. Mi tocca à aspettà a fine di a crisa sanitaria, ma ùn ci lagnemu micca. U travagliu ci hè ma ùn contu l’ore (10 à ghjorni è dinò a dumenicata…), cù dinò ristori è d’altre cumande (cetere, manduline...) »
Matteu hà tramandatu a so passione di a musica à u so figliolu, Petru (ottu anni) , « li piace assai, ma ferà a so vita cum’aghju fattu a meia. Ùn lu vogliu impone nunda. »
À trentasei anni, l’artisgianu pò quantunque esse fieru d’avè realizatu un sognu zitellinu. « Ùn si pò esse artisgianu d’arte senza esse passiunatu, pocu impreme a tematica scelta. »
Un artisgianu da seguità…
Ph.P.
Graziani Guitars
5 rue Louis Philippe, 20200 Isula Rossa
Situ : www.grazianiguitars.com : contact@grazianiguitars.com
Tel : 06-73-19-83-85
À trentasei anni, issu liutaghju stallatu in Balagna, hà travagliatu dece anni in e scole e più famose d’Italia nanzu di vultà in Corsu è campà d’una passione zitellina…
Ci sò, in a vita d’un omu, destini chì sò scritti da zitellu. È pocu impreme ciò chì accade, s’è noi semu cunvinti o nò, a strada hè dighjà sculpita. Per Matteu Graziani, hè stata appena più faciule ch’ellu sappia prestu prestu ciò ch’ellu vulia fà di a so vita : liutaghju. Una passione nata à menu di quindeci anni. « In fattu, spiega l’artisgianu, aghju amparatu a cetera à cinque anni cù Ugo Casalonga chì t’avia una scola in Pigna. Aghju travagliatu u strumentu dece anni ma, à tempu, amparatu u viulinu à u cunservatoriu. Aduprendu, quantunque, e duie manere di sunà, classica è tradiziunale (l’archittata scambia). »
Dece anni in Italia
A quindeci anni, u ghjuvanottu si scrive in un liceu di...Cremona, in Italia. Famosa cità, referenza mundiale per ciò chì tocca à a liuteria (cità di Stradivariu…). Passa u so basciliè cinque anni più tardi (specialità liuteria), sempre in Cremona, nanzu di cuntinuà i so studii in Genova, ind’è Alberto Giordano, monda reputatu. À tempu, travaglia cù Carlo Pierini (fabricazione, ristori…). L’inseme li permette di piglià si un diploma di Maestru Liutaghju.
À partesi da u 2011 è dopu à una sperienza di dece anni in Italia, u liutaghju volta in Corsica è apre un primu attellu in Bastia. « Era un attellu dedicatu à i quartetti (viulinu, altu, cellu…), ripiglia l’artisgianu, ma era un pocu difficiule chè e dumande sò poche in viulinu classicu in Corsica è u prezzu abbastanza altu (trà 12000 è 15000 e). Ùn hè micca listessa scola è listessu prestigiu. Tandu mi sò specializatu ind’a ghitarra. Ciò ch’ùn m’impedia micca di cuntinuà à fà ristori. »
Una marca : grazianiguitars
Matteu sona di cetera, viulinu è canta ciò chì li permette di girà in Corsica è in altrò cù u famosu gruppu « Meridianu », in tantu chè intermittente di u spettaculu. L’altra parte di u so tempu hè cunsacrata à u so attellu. « Dui anni fà, aghju fattu a scelta d’arrestà cù u gruppu è d’esse à 100 % liutaghju. Mi sò stallatu in Balagna è aghju creatu a me marca « grazianiguitars ». U travagliu, ùn manca, cù sette cumande per u solu annu 2021. « Una ghitarra dumanda da 200 à 270 ore di travagliu, ciò chì riprisente à pocu pressu, un mese è mezu. Ùn ci vole micca à cuntà l’ore. »
L’artisgianu adopra legni diversi (aceru, noce, ebanu, palissandru indianu) è prupone duie catugurie di strumenti : attellu (à partesi da 2500 e) è cuncertu (à partesi da 4500 e). « Aghju dumande da gruppi o musicanti isulani. Mancaria qualchì salonu internaziunale per fà a prumuzione di a me marca. Mi tocca à aspettà a fine di a crisa sanitaria, ma ùn ci lagnemu micca. U travagliu ci hè ma ùn contu l’ore (10 à ghjorni è dinò a dumenicata…), cù dinò ristori è d’altre cumande (cetere, manduline...) »
Matteu hà tramandatu a so passione di a musica à u so figliolu, Petru (ottu anni) , « li piace assai, ma ferà a so vita cum’aghju fattu a meia. Ùn lu vogliu impone nunda. »
À trentasei anni, l’artisgianu pò quantunque esse fieru d’avè realizatu un sognu zitellinu. « Ùn si pò esse artisgianu d’arte senza esse passiunatu, pocu impreme a tematica scelta. »
Un artisgianu da seguità…
Ph.P.
Graziani Guitars
5 rue Louis Philippe, 20200 Isula Rossa
Situ : www.grazianiguitars.com : contact@grazianiguitars.com
Tel : 06-73-19-83-85
