Antoine Bonifaci : s'hè spentu una legenda
Ghjucadore maiò di l'anni cinquanta......
Antoine Bonifaci : s’hè spentu una legenda
Ghjucadore maiò di l’anni cinquanta, Antoine Bonifaci s’hè spentu a settimana scorsa à l’età di 90 anni in Villefranche Sur Mer induve elle passò a maiò parte di a so vita.
S’ellu hè natu in Bezons, vicinu à Parrighji in u 1931 è s’ellu hà passatu a so vita in Cuntinente nanzu è dopu à a so carriera prufessiunale in Nizza, in Italia è à u Stade Français, Antoine Bonifaci hè sempre statu arradicatu à a Corsica. In Tavagna (Tagliu Isulaccia) da u cantu di u so babbu è l’Alesgiani (Ortale) da u cantu di a so mamma. Duie famiglie ma una sola casata : Bonifaci. Fattore, u so babbu avia fattu a scelta di fà a so vita altrò, à un’epica (trà e duie guerre) induve ci vulia à parte da l’isula per pudè campà. A Corsica serà d’altronde, sempre à fiancu à ellu durante a so carriera è dopu. Per prova, i ritratti posti nantu à i muri in a so casa, e visite regulare in Bastia induve campanu sempre cugini numarosi è di sicuru Ortale d’Alesgiani è Tagliu Isulaccia. In Cismonte, u so ricordu hè sempre vivu. Per indettu ind è u famosu albergu « Chez Walter »…
Da Nizza à l’Italia
U percorsu d’Antoine Bonifaci hè statu principiatu in Villefranche Sur Mer, « un’epica, spiegava u ghjucadore, induve passavamu ghjorni sani à stuccià nantu à i muri fendu rimbumbà u ballò, à corre per isse strette è ancu à dorme cù u ballò per fà chè nimu ùn pudessi arrubbà lu. »
Hè quallà, in Villefranche, induve a mamma tenia un’usteria, ch’ellu s’hè fattu cunnosce per ghjunghje ghjucà in Nizza in tantu chè prufessiunale à 17 anni in u 1948. Senza u sguardu mediaticu d’oghje, hè rimarcatu è face ancu i so primi passi in squadra di Francia dui anni dopu à mezu à i ghjucadori maiò di l’epica (Vignal, Jonquet, Marche, Strappe, Cisowski…). Eppo, un’epica in Nizza sbuccata nantu à dui tituli di cuppa di Francia è una cuppa di Francia. In u 1953, serà u primu ghjucadore francese à zifrà in Italia, induve l’universu prufessiunale era monda più sviluppatu chè in Francia. Resultatu, ottu anni à l’Inter, Bologna, Torino è Vicenza cù un Scudettu (1953 cù l’Inter), stadii carchi, partenarii di nivellu internaziunale ( Benito Lorenzi, Istvan Nyers, Lennart Skoglund à l’Inter, Enzo Bearzot à u Torino…). Una nuturietà chì li costerà a so piazza in a squadra di Francia (12 selezzione) per un’affare d’assicuranza chè a FFF ùn pudia pacà à l’epica, ciò chì u priverà di participà à e cuppe di u mondu 1954 è sopratuttu 1958.
Ma s’arricurdava di u primu Francia-Germania dopu à a guerra in Colombes. « Quandu si ghjucava l’innu germanu, aghju capitu ciò chì era u silenziu... » Tenerà issu macciu in a so mente cum’è un ricordu tamantu...cù dinò a maglietta di Fritz Walter capighjucadore di i Tedeschi à l’epica. Eppo compie a so carriera à u Stade Français nanzu di vultà in Villefranche Sur Mer ripiglià u cumerciu di a so mamma. Frà tempu, una prima è ultima selezzione...Corsa di fronte à Reims in u 1963 (1-1). In u so appartamentu, ritratti di a squadra di Francia, u Torino è l’Inter di l’epica sò tanti testimonii d’una vita prufessuinale induve i so amichi eranu Pagnol, Anquetil, Cocteau...è di sicuru i ghjucadori di a squadra di Francia (Kopa, Piantoni, Fontaine, Dumè Colonna…) tutti spariti fora di i dui ultimi. Dicia sempre « Semu i Poilu di u ghjocu à ballò francese...cù un certu sensu artisticu di macagnà. Sempre à capu di l’attualità di u football naziunale è internaziunale, avia una capacità à fà un’analisa abbastanza ghjusta di i macci, dumandendu sempre i resultatu di e squadre corse…
Assai faticatu iss’ultimi tempi, Antoine Bonifaci s’hè spentu nanzu à a fine di l’annu à mezu à i soi. Anziani, amichi, parenti ghjunti da a Corsica, abitanti di Villefranche, eranu assai numarosi à rendelu un ultimu umaggiu à u principiu di a settimana. Cù u « Diu » cantatu à a fine cum’è un ricordu à e so radiche isulane…
Ghjucadore maiò di l’anni cinquanta, Antoine Bonifaci s’hè spentu a settimana scorsa à l’età di 90 anni in Villefranche Sur Mer induve elle passò a maiò parte di a so vita.
S’ellu hè natu in Bezons, vicinu à Parrighji in u 1931 è s’ellu hà passatu a so vita in Cuntinente nanzu è dopu à a so carriera prufessiunale in Nizza, in Italia è à u Stade Français, Antoine Bonifaci hè sempre statu arradicatu à a Corsica. In Tavagna (Tagliu Isulaccia) da u cantu di u so babbu è l’Alesgiani (Ortale) da u cantu di a so mamma. Duie famiglie ma una sola casata : Bonifaci. Fattore, u so babbu avia fattu a scelta di fà a so vita altrò, à un’epica (trà e duie guerre) induve ci vulia à parte da l’isula per pudè campà. A Corsica serà d’altronde, sempre à fiancu à ellu durante a so carriera è dopu. Per prova, i ritratti posti nantu à i muri in a so casa, e visite regulare in Bastia induve campanu sempre cugini numarosi è di sicuru Ortale d’Alesgiani è Tagliu Isulaccia. In Cismonte, u so ricordu hè sempre vivu. Per indettu ind è u famosu albergu « Chez Walter »…
Da Nizza à l’Italia
U percorsu d’Antoine Bonifaci hè statu principiatu in Villefranche Sur Mer, « un’epica, spiegava u ghjucadore, induve passavamu ghjorni sani à stuccià nantu à i muri fendu rimbumbà u ballò, à corre per isse strette è ancu à dorme cù u ballò per fà chè nimu ùn pudessi arrubbà lu. »
Hè quallà, in Villefranche, induve a mamma tenia un’usteria, ch’ellu s’hè fattu cunnosce per ghjunghje ghjucà in Nizza in tantu chè prufessiunale à 17 anni in u 1948. Senza u sguardu mediaticu d’oghje, hè rimarcatu è face ancu i so primi passi in squadra di Francia dui anni dopu à mezu à i ghjucadori maiò di l’epica (Vignal, Jonquet, Marche, Strappe, Cisowski…). Eppo, un’epica in Nizza sbuccata nantu à dui tituli di cuppa di Francia è una cuppa di Francia. In u 1953, serà u primu ghjucadore francese à zifrà in Italia, induve l’universu prufessiunale era monda più sviluppatu chè in Francia. Resultatu, ottu anni à l’Inter, Bologna, Torino è Vicenza cù un Scudettu (1953 cù l’Inter), stadii carchi, partenarii di nivellu internaziunale ( Benito Lorenzi, Istvan Nyers, Lennart Skoglund à l’Inter, Enzo Bearzot à u Torino…). Una nuturietà chì li costerà a so piazza in a squadra di Francia (12 selezzione) per un’affare d’assicuranza chè a FFF ùn pudia pacà à l’epica, ciò chì u priverà di participà à e cuppe di u mondu 1954 è sopratuttu 1958.
Ma s’arricurdava di u primu Francia-Germania dopu à a guerra in Colombes. « Quandu si ghjucava l’innu germanu, aghju capitu ciò chì era u silenziu... » Tenerà issu macciu in a so mente cum’è un ricordu tamantu...cù dinò a maglietta di Fritz Walter capighjucadore di i Tedeschi à l’epica. Eppo compie a so carriera à u Stade Français nanzu di vultà in Villefranche Sur Mer ripiglià u cumerciu di a so mamma. Frà tempu, una prima è ultima selezzione...Corsa di fronte à Reims in u 1963 (1-1). In u so appartamentu, ritratti di a squadra di Francia, u Torino è l’Inter di l’epica sò tanti testimonii d’una vita prufessuinale induve i so amichi eranu Pagnol, Anquetil, Cocteau...è di sicuru i ghjucadori di a squadra di Francia (Kopa, Piantoni, Fontaine, Dumè Colonna…) tutti spariti fora di i dui ultimi. Dicia sempre « Semu i Poilu di u ghjocu à ballò francese...cù un certu sensu artisticu di macagnà. Sempre à capu di l’attualità di u football naziunale è internaziunale, avia una capacità à fà un’analisa abbastanza ghjusta di i macci, dumandendu sempre i resultatu di e squadre corse…
Assai faticatu iss’ultimi tempi, Antoine Bonifaci s’hè spentu nanzu à a fine di l’annu à mezu à i soi. Anziani, amichi, parenti ghjunti da a Corsica, abitanti di Villefranche, eranu assai numarosi à rendelu un ultimu umaggiu à u principiu di a settimana. Cù u « Diu » cantatu à a fine cum’è un ricordu à e so radiche isulane…
