Un' adunita per securizà l'usu di a lingua corsa
Langues régionales : l 'article 2 bloque tout ou presque
Un’adunita per securizà l’usu di a lingua corsa
Purtati da i respunsevuli di l’associu « Scola corsa », in u quadru d’una ghjurnata naziunale, 400 persone si sò ritruvate in Aiacciu è Bastia a dumenicata scorsa cù u scopu di fà avanzà u cartulare di a lingua corsa…
Nata à u principiu di l’anni settanta da Ghjuvan Battista Stromboni è Carlu Castellani, è appena abandunatu dopu, l’associu « Scola Corsa » hè statu rilanciatu à partesi di l’annu 2021 cù u travagliu fattu da Ghjiseppu Turchinu, oghje presidente di a struttura. À pocu à pocu, a struttura hà fattu a so strada. Per prova, hà principiatu cù trè scole immersive da i chjucucci à i maiò cù dodeci impiegati, trè siti (Bastia, Biguglia, Sarrula è Carcupinu) è sessanta dui sculari. In u 2023, dui classe di CP sò state aperte in Bastia è Biguglia è una nova scola in Corti. « Scola Corsa » s’impegna dunque à prò di a lingua corsa, participendu, cù quattru altre strutture, à a rete internaziunale Eskolim. Ma a lotta per ottene a cuntratualisazione, a mudificazione di a custituzione ma dinò l’allarghera di u cuncettu cuntinueghja. Hè per quessa chè guasgi 400 militanti, spertuti trà Aiacciu è Bastia, si sò ritruvati in e duie cità sabbatu scorsu.
Una ligna rossa micca francata
Un’adunita « naziunale » postu ch’ella era privista in parechji lochi di Francia. Tandu, è arrimbatu à a chjama di u cullettivu « per ch’elle campenu e nostre lingue », si trattava in Corsica, u Paese Bascu, l’Uccitania, a Brittagna o l’Alsazia, di dumandà a mudificazione di l’articulu dui di a custituzione. Precisendu chè u francese hè a sola lingua di a Republica (una ligna rossa ch’ùn era stata francata, nè di Emmanuel Macron, nè di Gérald Darmanin à l’occasione di u prucedimentu Beauvau), iss’articulu impedisce tutte l’avanzate vulsute da u cullettivu... « Dapoi parechje anni, spiega Ghjiseppu Turchini, vulemu fà passà certe discipline di u Brivettu è u Basciliè in corsu per quelli ch’anu seguitatu un percorsu bislinguu, vulemu fà campà a nostra lingua... »
A necessità d’avè un quadru legale
Per u presidente di Scola Corsa, e lingue dettu minuritarie serianu assai minacciate. « Hè l’Unesco chì a dice, s’ùn femu nulla, tutte e lingua regiunale anu da sparisce una apressu à l’altra. Per salvà le, ci hè bisognu d’un quadru legale. Datu da u Statu. Certi mudeli esistanu dighjà, anu fattu e so prove, ci pudemu arrimbà à nantu... »
Per ghjustificà a so pusizione, u presidente di Scola Corsa face valè l’esempii baschi è brittoni. « À u Paese Bascu, sò 15000 à seguità un insignamentu immersivu da a scola materna à u liceu. Un zitellu nantu à dui à primariu... »
Ma per l’associ, a demarchja ùn si pò spiccà d’u fattu puliticu. È què, ùn hè vintu... « U scopu hè di riesce à fà caccià iss’articulu, aghjusta torna Ghjiseppu Turchini, ci vole à dà un statutu à tutte ste lingua ma sopra tuttu securizà i dispusitivi d’insignamentu publichi o privati. È in u quadru di e negusiazione di u prucedimentu di Beauvau, ùn si pò cuncepisce un statutu d’Autonumia senza un statutu di a lingua. »
Hè detta ma da u dì à u fà, a strada hè torna longa…
Ph.P.
Purtati da i respunsevuli di l’associu « Scola corsa », in u quadru d’una ghjurnata naziunale, 400 persone si sò ritruvate in Aiacciu è Bastia a dumenicata scorsa cù u scopu di fà avanzà u cartulare di a lingua corsa…
Nata à u principiu di l’anni settanta da Ghjuvan Battista Stromboni è Carlu Castellani, è appena abandunatu dopu, l’associu « Scola Corsa » hè statu rilanciatu à partesi di l’annu 2021 cù u travagliu fattu da Ghjiseppu Turchinu, oghje presidente di a struttura. À pocu à pocu, a struttura hà fattu a so strada. Per prova, hà principiatu cù trè scole immersive da i chjucucci à i maiò cù dodeci impiegati, trè siti (Bastia, Biguglia, Sarrula è Carcupinu) è sessanta dui sculari. In u 2023, dui classe di CP sò state aperte in Bastia è Biguglia è una nova scola in Corti. « Scola Corsa » s’impegna dunque à prò di a lingua corsa, participendu, cù quattru altre strutture, à a rete internaziunale Eskolim. Ma a lotta per ottene a cuntratualisazione, a mudificazione di a custituzione ma dinò l’allarghera di u cuncettu cuntinueghja. Hè per quessa chè guasgi 400 militanti, spertuti trà Aiacciu è Bastia, si sò ritruvati in e duie cità sabbatu scorsu.
Una ligna rossa micca francata
Un’adunita « naziunale » postu ch’ella era privista in parechji lochi di Francia. Tandu, è arrimbatu à a chjama di u cullettivu « per ch’elle campenu e nostre lingue », si trattava in Corsica, u Paese Bascu, l’Uccitania, a Brittagna o l’Alsazia, di dumandà a mudificazione di l’articulu dui di a custituzione. Precisendu chè u francese hè a sola lingua di a Republica (una ligna rossa ch’ùn era stata francata, nè di Emmanuel Macron, nè di Gérald Darmanin à l’occasione di u prucedimentu Beauvau), iss’articulu impedisce tutte l’avanzate vulsute da u cullettivu... « Dapoi parechje anni, spiega Ghjiseppu Turchini, vulemu fà passà certe discipline di u Brivettu è u Basciliè in corsu per quelli ch’anu seguitatu un percorsu bislinguu, vulemu fà campà a nostra lingua... »
A necessità d’avè un quadru legale
Per u presidente di Scola Corsa, e lingue dettu minuritarie serianu assai minacciate. « Hè l’Unesco chì a dice, s’ùn femu nulla, tutte e lingua regiunale anu da sparisce una apressu à l’altra. Per salvà le, ci hè bisognu d’un quadru legale. Datu da u Statu. Certi mudeli esistanu dighjà, anu fattu e so prove, ci pudemu arrimbà à nantu... »
Per ghjustificà a so pusizione, u presidente di Scola Corsa face valè l’esempii baschi è brittoni. « À u Paese Bascu, sò 15000 à seguità un insignamentu immersivu da a scola materna à u liceu. Un zitellu nantu à dui à primariu... »
Ma per l’associ, a demarchja ùn si pò spiccà d’u fattu puliticu. È què, ùn hè vintu... « U scopu hè di riesce à fà caccià iss’articulu, aghjusta torna Ghjiseppu Turchini, ci vole à dà un statutu à tutte ste lingua ma sopra tuttu securizà i dispusitivi d’insignamentu publichi o privati. È in u quadru di e negusiazione di u prucedimentu di Beauvau, ùn si pò cuncepisce un statutu d’Autonumia senza un statutu di a lingua. »
Hè detta ma da u dì à u fà, a strada hè torna longa…
Ph.P.
