Sapé Fà : Natacha Bouscayrol
<< Natacha >>, l'universu creativu di Natacha Bouscayrol
« Natachat », l’universu creativu di Natacha Bouscayrol
Passiunata dapoi a so zitellina da a creazione, Iss’Aiaccina sviluppa u so arte intornu à a pittura, a scultura nantu à u legnu è i sacchi. Sempre cù a particularità di cuncepisce animali diversi...
Sacchi in coghju o tissuti diversi, sculture in legnu, tele culurite, semu à mezu à l’universu artisticu di Natacha Bouscayrol, una creatrice chì solca a so particularità in a manera d’accuncià e so pruduzzione in animali diversi, mansi (ghjatti, ghjacari) o salvatichi (volpe, orsi, balene…). Un universu, fruttu d’un arte sviluppatu da zitella. « M’hè sempre piaciutu a creazione, spiega l’artista, s’hè d’altronde arrimbatu nantu à u me percorsu studientinu cù un basciliè Arti Plastichi, ottenutu à u liceu Letizia à u principiu di l’anni novanta.»
Primi passi in scultura è pitture
Di fattu, a donna, di ceppu aiaccinu, hà sempre travagliatu à mezu l’arte : ballu classicu, pianò, teuria musicale. Un percorsu sbuccatu di manera logica in a scola di « Les Beaux Arts » di Tulò. « A creazione, aghjusta Natacha, hè a me passione. Ma, à dilla franca, ùn aghju truvatu a me strada in issa scola quì. Certu, ùn sappiu micca troppu chì fà chè l’arte hè abbastanza largu è mi n’andava in tutti i sensi, ma a manera di travaglià in a scola, ùn mi cunvenia micca. Mancava di tecnica. »
A donna si cerca è travaglia in Parrighji in tantu chè... assistante dentista nanzu di chjappà si un BTS turisimi in Ecchisi. « Ci vulia à campà. »
À tempu, cummencia à fà disegni, sempre intornu à l’animali. « Hè una spezia chì mi piace assai, masimu i felini ma dinò i ghajcari è d’altri cum’è a cuppulata, u pandà o a balena... »
Dopu à u so BTS, Natacha travaglia in l’aerianu è si mette à viaghjà, ciò chì li permette di sviluppà u so imaginariu è di cuncepisce, in u a so mente, ciò chì diventeranu qualchì tempu dopu, e so prime pruduzzione dopu à un travagliu intornu à u legnu è dinò tele. « Mi piace assai un legnu, a so densità, a so sensualità dinò. Un me universu piglia e so radiche à l’epica di l’anni settanta cù una certa ambianza musicale discò, pagliucce è BD...».Tandu nascenu animali o persunaghji mezu donne, mezu animali…
Da e maschere sanitarie à i sacchi
In tempi di a crisa sanitaria, li vene l’idea di creà sacchi. « Un idea pertuta da e maschere ch’ellu ci vulia à fà. Ùn aghju mai cusgitu è comu, ùn mi garbava micca tantu di fà maschere, aghju principiatu à fà un saccu in tele per andà à u mare, cusì, per u piacè. Amiche m’anu dumandatu di fà ne per elle...tandu, mi sò messa à fà sacchi. »
Cusì, trè anni fà, nasce « Natachat », una sucetà induve l’Aiaccina, stallata in Bastelicaccia, face e so creazione. « Travagliu sola è facciu tuttu da per mè. I viaghji m’anu permessu d’arrichisce issa passione. »
L’artista acconcia un locu dedicatu à u so arte in a so casa di Bastelicaccia è principia a so attività chè e duie altre (pitture è sculture nantu à u legnu esistianu dighjà). À partesi di materie più o menu nobile cum’è u coghju, cosge, acconcia, mette e stacche, chjode è pinghje. Tandu nascenu volpe, ghjacari, ghjatti di sicuru, l’animale chì mi piace u più, pandà è tanti altri animali. Di sicura, ùn si contanu l’ore. « Possu passà trè settimane nantu à una creazione... »
Un arte chì permette à l’Aiaccina di campà di a so passione…
Ph.P.
Natachat, Bastelicaccia
situ : www.natachat.odexpo.com
Instagram : « les natachacs »
Mail : natacat73@yahoo.fr
Cuntatu : 0659348560
Passiunata dapoi a so zitellina da a creazione, Iss’Aiaccina sviluppa u so arte intornu à a pittura, a scultura nantu à u legnu è i sacchi. Sempre cù a particularità di cuncepisce animali diversi...
Sacchi in coghju o tissuti diversi, sculture in legnu, tele culurite, semu à mezu à l’universu artisticu di Natacha Bouscayrol, una creatrice chì solca a so particularità in a manera d’accuncià e so pruduzzione in animali diversi, mansi (ghjatti, ghjacari) o salvatichi (volpe, orsi, balene…). Un universu, fruttu d’un arte sviluppatu da zitella. « M’hè sempre piaciutu a creazione, spiega l’artista, s’hè d’altronde arrimbatu nantu à u me percorsu studientinu cù un basciliè Arti Plastichi, ottenutu à u liceu Letizia à u principiu di l’anni novanta.»
Primi passi in scultura è pitture
Di fattu, a donna, di ceppu aiaccinu, hà sempre travagliatu à mezu l’arte : ballu classicu, pianò, teuria musicale. Un percorsu sbuccatu di manera logica in a scola di « Les Beaux Arts » di Tulò. « A creazione, aghjusta Natacha, hè a me passione. Ma, à dilla franca, ùn aghju truvatu a me strada in issa scola quì. Certu, ùn sappiu micca troppu chì fà chè l’arte hè abbastanza largu è mi n’andava in tutti i sensi, ma a manera di travaglià in a scola, ùn mi cunvenia micca. Mancava di tecnica. »
A donna si cerca è travaglia in Parrighji in tantu chè... assistante dentista nanzu di chjappà si un BTS turisimi in Ecchisi. « Ci vulia à campà. »
À tempu, cummencia à fà disegni, sempre intornu à l’animali. « Hè una spezia chì mi piace assai, masimu i felini ma dinò i ghajcari è d’altri cum’è a cuppulata, u pandà o a balena... »
Dopu à u so BTS, Natacha travaglia in l’aerianu è si mette à viaghjà, ciò chì li permette di sviluppà u so imaginariu è di cuncepisce, in u a so mente, ciò chì diventeranu qualchì tempu dopu, e so prime pruduzzione dopu à un travagliu intornu à u legnu è dinò tele. « Mi piace assai un legnu, a so densità, a so sensualità dinò. Un me universu piglia e so radiche à l’epica di l’anni settanta cù una certa ambianza musicale discò, pagliucce è BD...».Tandu nascenu animali o persunaghji mezu donne, mezu animali…
Da e maschere sanitarie à i sacchi
In tempi di a crisa sanitaria, li vene l’idea di creà sacchi. « Un idea pertuta da e maschere ch’ellu ci vulia à fà. Ùn aghju mai cusgitu è comu, ùn mi garbava micca tantu di fà maschere, aghju principiatu à fà un saccu in tele per andà à u mare, cusì, per u piacè. Amiche m’anu dumandatu di fà ne per elle...tandu, mi sò messa à fà sacchi. »
Cusì, trè anni fà, nasce « Natachat », una sucetà induve l’Aiaccina, stallata in Bastelicaccia, face e so creazione. « Travagliu sola è facciu tuttu da per mè. I viaghji m’anu permessu d’arrichisce issa passione. »
L’artista acconcia un locu dedicatu à u so arte in a so casa di Bastelicaccia è principia a so attività chè e duie altre (pitture è sculture nantu à u legnu esistianu dighjà). À partesi di materie più o menu nobile cum’è u coghju, cosge, acconcia, mette e stacche, chjode è pinghje. Tandu nascenu volpe, ghjacari, ghjatti di sicuru, l’animale chì mi piace u più, pandà è tanti altri animali. Di sicura, ùn si contanu l’ore. « Possu passà trè settimane nantu à una creazione... »
Un arte chì permette à l’Aiaccina di campà di a so passione…
Ph.P.
Natachat, Bastelicaccia
situ : www.natachat.odexpo.com
Instagram : « les natachacs »
Mail : natacat73@yahoo.fr
Cuntatu : 0659348560
