A storia di u Gazelec Cuntatta ind'una mostra
A l'occasione di i 115 anni di a nascita di u club , ......
A storia di u Gazelec cuntatta ind’una mostra
À l’occasione di i 115 anni di a nascita di u club, qualchì membre, tutti benevulenti anu messu in piazza una mostra prisentata a settimana scorsa à l’uffiziu di u turisimu d’Aiacciu. Una manera di creà un ponte necessariu trà eri, oghje è dumane…
Per sapè induve andemu, ci hè bisognu di sapè d’induve ghjunghjemu. Un custattu adattatu à tutti i duminii di u nostru cutidianu. Cù a so storia abbastanza ricca, u ghjocu à ballò hè arradicatu in a memoria. È ghjè per mantene, ghjust’à puntu, issa memoria ch’unepochi di sustenidori di u Gazelec anu messu in piazza, in qualchì mese, una mostra chì ci conta a storia di u club da l’anni sessanta sin’à d’oghje. « Ci semu arrimbati nantu à a storia, spiega Antò Dumè Cesari, benevulente di u Gaz, partendu da ritratti di l’anni 30, 40 è 50 à l’epica di u « Bistrot », nantu à un screnu, semu ghjunti à i tempi d’oghje, passendu per tutti l’anni sculpiti in a memoria di u club. »
Mantene a storia
Di fattu, eranu quattru, sulchendu parechje generazione di sustenidori, à cuncepisce issa mostra : Antò Dumè Cesari è Arthur Solinas, di a nova generazione, urganizatori in leia cù l’associ di sustenidori, Alexandre Nari chì hà imprestatu tutte e magliette è Jean-Philippe Carolaggi per tutti l’articuli di stampa è dinò e sciarpe. L’inseme hà datu una mostra d’una qualità maiò prisentata a settimana scorsa à l’uffiziu di u turisimu di a Cità d’Aiacciu. Ci si truvemu articuli di stampa di l’epica di a fine di l’anni sessanta cù i quattru tituli di campione de Francia amatore di u GFCA, sciarpe di tutte l’epiche, è assai magliette chì ci contanu a storia mitica d’issu club, maismu in cuppa di Francia. Una famosa, di GFCA-OM (ghjennaghju 1990), i percorsi di u Gaz in sta cumpetizione, un altru famosu, GFCA-Montpellier di u 2012…
Sulcà issa memoria in u stadiu Ange Casanova
U tuttu cù magliette di e prime accezzione in Divisione 2 (anni settanta), l’anni ottanta, novanta è sin’à a prima annata in Lega una (2015). « Ci hè vulsutu à pocu pressu sei mesi per mette tuttu in piazza, aghjusta Antò Dumè Cesari, un travaglione. Per noi, u scopu era di manente, per e nove generazione, una leia cù u passatu. »
Issa mostra averà una seguita. « « Vestisce » in u stadiu Ange Casanova, vicinu à i spugliatoghji, cù ritratti chì contanu a nostra storia. Tuttu què per ramintà l’impurtanza d’issu club aiaccinu è fà luccicà a so fiara accesa 115 anni fà. »
Una maglietta « Collector »
Un usu adupratu da parechje squadre assai rinumate in Inghliterra, Germania, Italia è appena dinò in Francia per e squadre famose (OM, Saint-Etienne, Lens…). L’urganizatori, elli, ùn contanu micca arrestà si quì.
Una maglietta « Collector » hè stata creata à l’occasione di l’ultima partita di R1 in Mezavia dumenica scorsa contru à Afà è dinò issa dumenicata in a Ghisunaccia per l’ultimu macciu di u GFCA in R1. Ch’à partesi di settembre prussimu, i « rossi è turchini » apreranu una pagina nova di a so storia. Ghjè, aldilà di u solu aspettu spurtivu, un pocu di l’anima di u club, mantenuta dapoi anni è anni malgratu tuttu ciò ch’ellu hà pussutu traversà, ch’è noi ritruvemu in a mostra. Un anima chì hà permessu à u club d’esse sempre arritu dopu à ciò ch’ellu hà campatu dui anni fà. Hè segnu, cum’è a dicia u tintu Fanfan Tagliaglioli, chè « u Gazelec hè immurtale... »
F.P.
Photo : Julien Berto
À l’occasione di i 115 anni di a nascita di u club, qualchì membre, tutti benevulenti anu messu in piazza una mostra prisentata a settimana scorsa à l’uffiziu di u turisimu d’Aiacciu. Una manera di creà un ponte necessariu trà eri, oghje è dumane…
Per sapè induve andemu, ci hè bisognu di sapè d’induve ghjunghjemu. Un custattu adattatu à tutti i duminii di u nostru cutidianu. Cù a so storia abbastanza ricca, u ghjocu à ballò hè arradicatu in a memoria. È ghjè per mantene, ghjust’à puntu, issa memoria ch’unepochi di sustenidori di u Gazelec anu messu in piazza, in qualchì mese, una mostra chì ci conta a storia di u club da l’anni sessanta sin’à d’oghje. « Ci semu arrimbati nantu à a storia, spiega Antò Dumè Cesari, benevulente di u Gaz, partendu da ritratti di l’anni 30, 40 è 50 à l’epica di u « Bistrot », nantu à un screnu, semu ghjunti à i tempi d’oghje, passendu per tutti l’anni sculpiti in a memoria di u club. »
Mantene a storia
Di fattu, eranu quattru, sulchendu parechje generazione di sustenidori, à cuncepisce issa mostra : Antò Dumè Cesari è Arthur Solinas, di a nova generazione, urganizatori in leia cù l’associ di sustenidori, Alexandre Nari chì hà imprestatu tutte e magliette è Jean-Philippe Carolaggi per tutti l’articuli di stampa è dinò e sciarpe. L’inseme hà datu una mostra d’una qualità maiò prisentata a settimana scorsa à l’uffiziu di u turisimu di a Cità d’Aiacciu. Ci si truvemu articuli di stampa di l’epica di a fine di l’anni sessanta cù i quattru tituli di campione de Francia amatore di u GFCA, sciarpe di tutte l’epiche, è assai magliette chì ci contanu a storia mitica d’issu club, maismu in cuppa di Francia. Una famosa, di GFCA-OM (ghjennaghju 1990), i percorsi di u Gaz in sta cumpetizione, un altru famosu, GFCA-Montpellier di u 2012…
Sulcà issa memoria in u stadiu Ange Casanova
U tuttu cù magliette di e prime accezzione in Divisione 2 (anni settanta), l’anni ottanta, novanta è sin’à a prima annata in Lega una (2015). « Ci hè vulsutu à pocu pressu sei mesi per mette tuttu in piazza, aghjusta Antò Dumè Cesari, un travaglione. Per noi, u scopu era di manente, per e nove generazione, una leia cù u passatu. »
Issa mostra averà una seguita. « « Vestisce » in u stadiu Ange Casanova, vicinu à i spugliatoghji, cù ritratti chì contanu a nostra storia. Tuttu què per ramintà l’impurtanza d’issu club aiaccinu è fà luccicà a so fiara accesa 115 anni fà. »
Una maglietta « Collector »
Un usu adupratu da parechje squadre assai rinumate in Inghliterra, Germania, Italia è appena dinò in Francia per e squadre famose (OM, Saint-Etienne, Lens…). L’urganizatori, elli, ùn contanu micca arrestà si quì.
Una maglietta « Collector » hè stata creata à l’occasione di l’ultima partita di R1 in Mezavia dumenica scorsa contru à Afà è dinò issa dumenicata in a Ghisunaccia per l’ultimu macciu di u GFCA in R1. Ch’à partesi di settembre prussimu, i « rossi è turchini » apreranu una pagina nova di a so storia. Ghjè, aldilà di u solu aspettu spurtivu, un pocu di l’anima di u club, mantenuta dapoi anni è anni malgratu tuttu ciò ch’ellu hà pussutu traversà, ch’è noi ritruvemu in a mostra. Un anima chì hà permessu à u club d’esse sempre arritu dopu à ciò ch’ellu hà campatu dui anni fà. Hè segnu, cum’è a dicia u tintu Fanfan Tagliaglioli, chè « u Gazelec hè immurtale... »
F.P.
Photo : Julien Berto
