L'APAC vole reabilità u patrimoniu funerariu aiaccinu
Natu trè mesi fà da a passsione è l'impegnu di François Roux, l'aaoci patrimuniale Aiaccinu è Corsu travgllia nantu à u patrimoniu funerariu di a Cità......
L’APAC vole reabilità u patrimoniu funerariu aiaccinu.
Natu trè mesi fà da a passione è l’impegnu di François Roux, l’Associu Patrimuniale Aiaccinu è Corsu travaglia nantu à u patrimoniu funerariu di a Cità Imperiale è masimu u cimiteriu di e sette cappelle…
Cunniscimu, dapoi qualchì annu, l’impegnu di François Roux per ciò chì tocca à u travagliu in i campusanti isulani. Dapoi qualchì tempu, hà vulsutu mette u so sapè fà è a so passione circhendu à reabilità e tombe di u campusantu aiaccinu, è masimu quellu di « E sette cappelle », induve ci sarianu centucinquante sepulture à reabilità. « L’associu hè natu trè mesi fà, spiega u so capimachja, hè a cuntinuità di ciò ch’eu facciu dapoi qualchì annu, ma sta volte, u travagliu hè dedicatu di manera specifica, à issu campusantu quì. »
Piazzatu vicinu à u quartieru di a « Résidence des Îles », issu campusantu, chì face parte di u famosu « Cannicciu » (locu di u cimiteriu aiaccinu), saria, primu, limitatu à u bordu di strada. « S’è no fighjulemu bè, e cappelle si sparghjenu altrò. È sò belle numarose, e tombe ancu o senza sepulture, quessa ùn si sà per avà. U nostru travagliu serà di cercà à reabilità u tuttu... »
Circà l’antenati
A squadra di l’associu s’hè messa à travaglià subbitu. « Ùn si pò fà n’importa chè, aghjusta François Roux, ci hè un travaglione. Prima à u nivellu di a lege postu chè sò sepulture è sò prutette. Dopu, a maiò parte sò private è liate dinò à l’indivisione. In fine, u locu hè frustu, tralasciatu, cupertu da a machja, certe tombe collanu à u principiu di u XIXu seculu. Famiglie sane sò quì, anziani, assai ghjovani, sminticati da tutti... »
In e so prime ricerche, François Roux s’hè arrimbatu nantu à persone chì vulianu circà i so antenati. Inseme anu pigliatu ritratti è circatu nanzu à tuttu, prupietarii chì firmavanu.
« Aghju dinò messu i me cumpetenze persunale à prò d’issu travagliu. U cimiteriu hè assai più maiò chè quelli di certi paesi, ci hè un travagliu monda più impurtante à fà. Si tratta quì, d’un pezzu di u patrimoniu aiaccinu è ùn ci vole micca lascià lu sparisce. Ma avanzemu à pocu à pocu. Tutte e sepultre anu un numaru di parcella, è què ci aiuta monda.»
L’aiutu di l’Architetti di i Bastimenti di Francia
Nutizia bona, a mediatisazione di l’associu, è dinò u so scopu, anu permessu à ghjente di chjamà per dà qualchì rinsignamentu è purtà, à tempu, à so petra à st’iniziativa quì. L’associu ùn travaglia micca solu, u statu, per via di l’architetti di i Bastimenti di Francia, hè à fiancu à ellu, ch’elle ci sò sepulture magnifiche chì dumandanu un travagliu particulare.
« Prima, avemu da fà l’inventariu di tuttu cù l’aiutu di quelli chì entrenu in issu prughjettu è sò di più in più numarosi, è dopu circheremu à mette in vale, ste sepulture. Cù un travagliu cullettivu. Hè per quessa ch’avemu lampatu una chjama. À un mumentu datu, avemu da esse bluccati à u nivellu di a lege. Avemu bisognu, dinò, di mezi umani è finanziarii per avanzà. »
U prughjettu face a so strada. Tutte l’infurmazione racolte seranu messe à a dispusizione di l’Aiaccini, chè issu cimiteriu face parte di u so patrimoniu. Frà tempu, una petizione serà lampata nantu à e rete suciale, per avanzà megliu. François Roux, ellu, cuntinueghja u so travagliu di ricerca, sperendu sbuccà prestu nantu à un resultatu per ciò chì tocca à « E sette cappelle ».
F.P.
Photos : F.P
Natu trè mesi fà da a passione è l’impegnu di François Roux, l’Associu Patrimuniale Aiaccinu è Corsu travaglia nantu à u patrimoniu funerariu di a Cità Imperiale è masimu u cimiteriu di e sette cappelle…
Cunniscimu, dapoi qualchì annu, l’impegnu di François Roux per ciò chì tocca à u travagliu in i campusanti isulani. Dapoi qualchì tempu, hà vulsutu mette u so sapè fà è a so passione circhendu à reabilità e tombe di u campusantu aiaccinu, è masimu quellu di « E sette cappelle », induve ci sarianu centucinquante sepulture à reabilità. « L’associu hè natu trè mesi fà, spiega u so capimachja, hè a cuntinuità di ciò ch’eu facciu dapoi qualchì annu, ma sta volte, u travagliu hè dedicatu di manera specifica, à issu campusantu quì. »
Piazzatu vicinu à u quartieru di a « Résidence des Îles », issu campusantu, chì face parte di u famosu « Cannicciu » (locu di u cimiteriu aiaccinu), saria, primu, limitatu à u bordu di strada. « S’è no fighjulemu bè, e cappelle si sparghjenu altrò. È sò belle numarose, e tombe ancu o senza sepulture, quessa ùn si sà per avà. U nostru travagliu serà di cercà à reabilità u tuttu... »
Circà l’antenati
A squadra di l’associu s’hè messa à travaglià subbitu. « Ùn si pò fà n’importa chè, aghjusta François Roux, ci hè un travaglione. Prima à u nivellu di a lege postu chè sò sepulture è sò prutette. Dopu, a maiò parte sò private è liate dinò à l’indivisione. In fine, u locu hè frustu, tralasciatu, cupertu da a machja, certe tombe collanu à u principiu di u XIXu seculu. Famiglie sane sò quì, anziani, assai ghjovani, sminticati da tutti... »
In e so prime ricerche, François Roux s’hè arrimbatu nantu à persone chì vulianu circà i so antenati. Inseme anu pigliatu ritratti è circatu nanzu à tuttu, prupietarii chì firmavanu.
« Aghju dinò messu i me cumpetenze persunale à prò d’issu travagliu. U cimiteriu hè assai più maiò chè quelli di certi paesi, ci hè un travagliu monda più impurtante à fà. Si tratta quì, d’un pezzu di u patrimoniu aiaccinu è ùn ci vole micca lascià lu sparisce. Ma avanzemu à pocu à pocu. Tutte e sepultre anu un numaru di parcella, è què ci aiuta monda.»
L’aiutu di l’Architetti di i Bastimenti di Francia
Nutizia bona, a mediatisazione di l’associu, è dinò u so scopu, anu permessu à ghjente di chjamà per dà qualchì rinsignamentu è purtà, à tempu, à so petra à st’iniziativa quì. L’associu ùn travaglia micca solu, u statu, per via di l’architetti di i Bastimenti di Francia, hè à fiancu à ellu, ch’elle ci sò sepulture magnifiche chì dumandanu un travagliu particulare.
« Prima, avemu da fà l’inventariu di tuttu cù l’aiutu di quelli chì entrenu in issu prughjettu è sò di più in più numarosi, è dopu circheremu à mette in vale, ste sepulture. Cù un travagliu cullettivu. Hè per quessa ch’avemu lampatu una chjama. À un mumentu datu, avemu da esse bluccati à u nivellu di a lege. Avemu bisognu, dinò, di mezi umani è finanziarii per avanzà. »
U prughjettu face a so strada. Tutte l’infurmazione racolte seranu messe à a dispusizione di l’Aiaccini, chè issu cimiteriu face parte di u so patrimoniu. Frà tempu, una petizione serà lampata nantu à e rete suciale, per avanzà megliu. François Roux, ellu, cuntinueghja u so travagliu di ricerca, sperendu sbuccà prestu nantu à un resultatu per ciò chì tocca à « E sette cappelle ».
F.P.
Photos : F.P
