Natale in festa : una fola per tramandà....
Esciuta qualchì tempu fà, issa fola scritta da Stefanu Conca, si passa à u mumentu di Natale è ci conta a passata d’animali di a furesta d’Aitone, in periculu di pettu à un timpurale ch’affacca.
Natale in festa : una fola per tramandà…
Esciuta qualchì tempu fà, issa fola scritta da Stefanu Conca, si passa à u mumentu di Natale è ci conta a passata d’animali di a furesta d’Aitone, in periculu di pettu à un timpurale ch’affacca. Una manera, per l’autore, di trattà d’una tematica chì tocca i zitelli è à tempu, di prublemi d’oghje cum’è quellu di l’ambiente. Un libru è un dischettu da sfruttà da i maestri o da cuntà à i zitelli…
Chì ci saria di megliu ch’una fola di Natale per sensibilizà i zitelli nantu à a tematica di l’ambiente o ancu fà li sunnià, masimu à menu di quindeci ghjorni di ciò chì a so festa maiò ? Issa tematica, Stefanu Conca, respunsevule di u serviziu lingua corsa à a merria d’Aghjacciu, l’hà vulsutu trattà à partesi d’una mancanza è d’un’idea soia. « Fole di Natale in lingua corsa, ùn ci n’era trè anni fà quandu m’hè ghjunta issa voglia, spiega l’autore, aghju vulsutu purtà una petruccia à qualcosa chì mancava per i zitelli… »
In u 2016, l’idea face a so strada sbucchendu nantu una fola : « L'animali di a furesta d'Aitoni approntanu a festa di Natale. Par via di u riscaldamentu di u clima, è par a prima volta, sò cuntenti e ghjire, i ricci è ancu e vespe di pudecci participà ma, à manu à manu, affacca un altore ch’impinsirisce à tuttu u mondu. Tandu una mufra và à ramintalli ch'ùn si pò micca caccighjà in tempi di Natale.
Quellu li risponde ch'ellu hè vinutu solu par dilli ch'ellu avia vistu ghjunghje u timpurale è chì babbu natale ùn l'avia micca da truvà s'elli stavanu in furesta. Dopu à i pienti di i zitelli, l’altore li face a pruposta d'andà annant'à u Capu Tafunatu da fassi vede megliu. S'urganizeghjanu tutti da robba è legne quassù, è tandu u Capu Tafunatu diventa un fanale chì si vede da luntanu luntanu
. Quand’ellu si vulia licenzià, u mufrone dumanda à l'altore, d'andà à circà quelli di a so famiglia da passà sta vigilia di Natale incun elli è fà a festa tutti inseme...
Da sfruttà per i sculari
In questu prughjettu persunale, l’autore hà vulsutu trattà di parechje tematiche : Natale, di sicuru, l’ambiente ma à tempu, e nuzione di spartera è di fratellanza, valori ch’è noi ritruvemu à l’occasione di e feste di Natale. Valori chì, ci vole à dilla, si perdenu à pocu à pocu. Tandu, una fola cum’è quessa, pudaria fà chè issi valori, ùn si perdinu micca. Una manera di tramandà un qualcusellu è di mantene un filu purtatu da l’anziani.
« Natale in festa », da sfruttà da i maestri, hè dinò l’occasione d’amparà à i sculari o à i so zitelli, u lessicu di l’animali di a furesta è di a muntagna : a mufra, a ghjira, u cignale, a volpe, l’altore, u ricciu…è ancu i mignoculi cum’è a vespa o animali mansi (sumere).
In fine, si tratta di u Capu Tafunatu è di furesta d’Aitone, dui lochi impurtanti di Corsica. U primu, un scogliu à l’origine d’una fola, è l’altru una di fureste e più maiò di l’isula.
D’altri prughjetti da vene ?
Ma issu prughjettu, Stefanu Conca, ùn lu pudia purtà solu da l’iniziu à a fine. L’hè tuccatu, tandu, à impegnà persone più o menu cunnisciute da fà un librettu è un dischettu. « Per u dischettu, aghju sceltu amichi è famiglia (u figliolu Leandru, a so moglia Sonia, un amicu Natale Leca), è per cuntà a storia, Francine Massiani. »
Avezza à stu generu di prughjettu, l’artista porta a so voce. « Ghjè un prughjettu chì m’hè piaciutu assai. Fù un incantu di participà ci. Hè una manera di tramandà qualcosa à i zitelli. Ne tenenu sempre un ricordu maiò… »
A fola hè stata registrata ind’è Jean-Luc Ansidei. A musica è i disegni sò di Ghjuvà Lucchinacci. È «Le Parti des Oiseaux » di Simon De Muru Antona, s’hè incaricatu di l’edizione. Un prughjettu sustenutu da a CdC.
S’è a fola face a so strada (assai cumande da e scole di l’isula), l’autore, ellu, ùn si pianta micca quì. « N’aghju duie altre, cambianu l’animali è i lochi ma u spiritu hè u listessu… »
Da scopre dopu à « Natale in festa ».
F.P.
Esciuta qualchì tempu fà, issa fola scritta da Stefanu Conca, si passa à u mumentu di Natale è ci conta a passata d’animali di a furesta d’Aitone, in periculu di pettu à un timpurale ch’affacca. Una manera, per l’autore, di trattà d’una tematica chì tocca i zitelli è à tempu, di prublemi d’oghje cum’è quellu di l’ambiente. Un libru è un dischettu da sfruttà da i maestri o da cuntà à i zitelli…
Chì ci saria di megliu ch’una fola di Natale per sensibilizà i zitelli nantu à a tematica di l’ambiente o ancu fà li sunnià, masimu à menu di quindeci ghjorni di ciò chì a so festa maiò ? Issa tematica, Stefanu Conca, respunsevule di u serviziu lingua corsa à a merria d’Aghjacciu, l’hà vulsutu trattà à partesi d’una mancanza è d’un’idea soia. « Fole di Natale in lingua corsa, ùn ci n’era trè anni fà quandu m’hè ghjunta issa voglia, spiega l’autore, aghju vulsutu purtà una petruccia à qualcosa chì mancava per i zitelli… »
In u 2016, l’idea face a so strada sbucchendu nantu una fola : « L'animali di a furesta d'Aitoni approntanu a festa di Natale. Par via di u riscaldamentu di u clima, è par a prima volta, sò cuntenti e ghjire, i ricci è ancu e vespe di pudecci participà ma, à manu à manu, affacca un altore ch’impinsirisce à tuttu u mondu. Tandu una mufra và à ramintalli ch'ùn si pò micca caccighjà in tempi di Natale.
Quellu li risponde ch'ellu hè vinutu solu par dilli ch'ellu avia vistu ghjunghje u timpurale è chì babbu natale ùn l'avia micca da truvà s'elli stavanu in furesta. Dopu à i pienti di i zitelli, l’altore li face a pruposta d'andà annant'à u Capu Tafunatu da fassi vede megliu. S'urganizeghjanu tutti da robba è legne quassù, è tandu u Capu Tafunatu diventa un fanale chì si vede da luntanu luntanu
. Quand’ellu si vulia licenzià, u mufrone dumanda à l'altore, d'andà à circà quelli di a so famiglia da passà sta vigilia di Natale incun elli è fà a festa tutti inseme...
Da sfruttà per i sculari
In questu prughjettu persunale, l’autore hà vulsutu trattà di parechje tematiche : Natale, di sicuru, l’ambiente ma à tempu, e nuzione di spartera è di fratellanza, valori ch’è noi ritruvemu à l’occasione di e feste di Natale. Valori chì, ci vole à dilla, si perdenu à pocu à pocu. Tandu, una fola cum’è quessa, pudaria fà chè issi valori, ùn si perdinu micca. Una manera di tramandà un qualcusellu è di mantene un filu purtatu da l’anziani.
« Natale in festa », da sfruttà da i maestri, hè dinò l’occasione d’amparà à i sculari o à i so zitelli, u lessicu di l’animali di a furesta è di a muntagna : a mufra, a ghjira, u cignale, a volpe, l’altore, u ricciu…è ancu i mignoculi cum’è a vespa o animali mansi (sumere).
In fine, si tratta di u Capu Tafunatu è di furesta d’Aitone, dui lochi impurtanti di Corsica. U primu, un scogliu à l’origine d’una fola, è l’altru una di fureste e più maiò di l’isula.
D’altri prughjetti da vene ?
Ma issu prughjettu, Stefanu Conca, ùn lu pudia purtà solu da l’iniziu à a fine. L’hè tuccatu, tandu, à impegnà persone più o menu cunnisciute da fà un librettu è un dischettu. « Per u dischettu, aghju sceltu amichi è famiglia (u figliolu Leandru, a so moglia Sonia, un amicu Natale Leca), è per cuntà a storia, Francine Massiani. »
Avezza à stu generu di prughjettu, l’artista porta a so voce. « Ghjè un prughjettu chì m’hè piaciutu assai. Fù un incantu di participà ci. Hè una manera di tramandà qualcosa à i zitelli. Ne tenenu sempre un ricordu maiò… »
A fola hè stata registrata ind’è Jean-Luc Ansidei. A musica è i disegni sò di Ghjuvà Lucchinacci. È «Le Parti des Oiseaux » di Simon De Muru Antona, s’hè incaricatu di l’edizione. Un prughjettu sustenutu da a CdC.
S’è a fola face a so strada (assai cumande da e scole di l’isula), l’autore, ellu, ùn si pianta micca quì. « N’aghju duie altre, cambianu l’animali è i lochi ma u spiritu hè u listessu… »
Da scopre dopu à « Natale in festa ».
F.P.
