" Per fighjà e stelle " : u primu dischettu di l'Alivetti
Dece canzone è una creazione strumentale arridicate à a tradizione isulana cù influenze diverse…
« Per fighjà e stelle » : u primu dischettu di l’Alivetti
Dopu à qualchì tempu di travagliu, issa squadra di ceppu balaninu hà esciutu, à u principiu di maghju, u so primu dischettu : Per fighjà e stelle. Dece canzone è una creazione strumentale arridicate à a tradizione isulana cù influenze diverse…
Si chjamanu Lisandru-Alexandre, Pasquà è Matteu, sò di ceppu balaninu è cum’è tanti altri passiunati di cantu corsu è di lingua corsa. À l’iniziu, ci era Alex François, chì cercava una voce per accumpagnà e so cumpunizione. Subbitu, truvò à Lisandru Savelli. Eppo, strada facendu, Pasquà Carboni è u so figliolu Matteu sò ghjunti à allargà a squadra è dà nascita à un gruppu : l’Alivetti…
Prime cumpunizione
I primi tempi, u gruppu s’arremba nantu à u repertoriu corsu di i tempi di u riacquistu (anni ottanta) è dinò appena dopu (anni duimila). « Avemu principiatu cù riprese, spiega Lisandru Savelli, ma, prestu, ci simu messi à scrive è cumpone. »
È cusì chè dopu à qualchì cuncertu in Balagna, Pumonte (rughjone sartinese) è Cismonte, chè i membri anu travagliatu à a cuncipitura d’un primu dischettu. « Circhemu à mete in vale a lingua corsa ma nantu à parechje influenze, aghjusta Lisandru Savelli, Alex, chì sona di ghitarra ma dinò di cetera, porta un sonu particulare à l’inseme. »
Parechje influenze musicale
« Per fighjà e stelle » hè un dischettu chì porta dighjà a grinfia di u gruppu. E tematiche sò quelle d’oghje, ma sopratuttu l’amore, a lingua corsa o a sparizione di l’alpana. Alexandre s’hè incaricatu di a cumpunizione, è per ciò tocca à i scritti, persunaghji monda cunnisciuti in l’universu di u cantu corsu cum’è Ghjuvan Federicu Terrazzoni, Tittò limongi o Ghjuvan Filippu Stefani ma dinò u ghjurnalistu Roland Frias. « Simu nantu à a nostra tradizione ma dinò d’alre influenze cum’è i Beatles o u flamencu cù i Gypsies King. Ci hè parechje culori musicale in stu dischettu quì. Ogni cantu hà u so universu propiu è porta a so petra à l’inseme. »
Una prima girata d’estatina
U gruppu hè partutu lestru lestru fendu animazione, cuncerti è ancu a prima parte di i Muvrini davanti à 700 persone. « E riprese eranu arrimbate à una basa, mentre chè e creazione anu dumandatu di più travagliu ma ci vole à dì ch’è n’avemu avanzau abbasanza lestru. Simu fieri di prisentà tuttu stu travagliu. »
Un dischettu riccu cù urganettu, batteria è viulinu per accumpagnà a squadra. Da u rock à u flamenco, passendu per a tradizione (festività hè una creazione musicale cù ghitarra è cetera), « L’Alivetti » prupone un viaghju à traversu e so creazione, dighjà mature, ci vole à dilla. « Cù stu discu, circhemu dinò à fà chè e nove generazione faccianu un passu in daretu per fighjulà d’induve elli ghjunghjenu ch’ell’ùn cunnoscenu micca tutti a so storia è a so lingua. Hè un pocu, u sensu d’issu dischettu. »
« L’alivetti » anu da girà iss’estatina. Principanu issu 28 di ghjugnu in Thoard (Alpi) per un primu cuncertu in Cuntinente. Seguiteranu serate in Santa Reparata di Balagna (8 di lugliu), Evisa (u 12), Corti (U 17) è Calvi (u 24). L’occasione di scopre issa squadra balanina…
F.P.
Photo: L'alivetti
L’alivetti
Lisandru Savelli : cantu ( bassu, contra è seconda)
Alexandre François : ghitarra è cetera
Pasquale Carboni : cantu (terza)
Matteu Carboni : cantu (seconda, contra è terza)
Anu participatu à u dischettu : Jérémy Lohier (urganettu), Pirro Barrios (percussione), Tumasgiu Moscardini (percussione), Julien Muraccioli (viulinu è accunciamentu).
Dopu à qualchì tempu di travagliu, issa squadra di ceppu balaninu hà esciutu, à u principiu di maghju, u so primu dischettu : Per fighjà e stelle. Dece canzone è una creazione strumentale arridicate à a tradizione isulana cù influenze diverse…
Si chjamanu Lisandru-Alexandre, Pasquà è Matteu, sò di ceppu balaninu è cum’è tanti altri passiunati di cantu corsu è di lingua corsa. À l’iniziu, ci era Alex François, chì cercava una voce per accumpagnà e so cumpunizione. Subbitu, truvò à Lisandru Savelli. Eppo, strada facendu, Pasquà Carboni è u so figliolu Matteu sò ghjunti à allargà a squadra è dà nascita à un gruppu : l’Alivetti…
Prime cumpunizione
I primi tempi, u gruppu s’arremba nantu à u repertoriu corsu di i tempi di u riacquistu (anni ottanta) è dinò appena dopu (anni duimila). « Avemu principiatu cù riprese, spiega Lisandru Savelli, ma, prestu, ci simu messi à scrive è cumpone. »
È cusì chè dopu à qualchì cuncertu in Balagna, Pumonte (rughjone sartinese) è Cismonte, chè i membri anu travagliatu à a cuncipitura d’un primu dischettu. « Circhemu à mete in vale a lingua corsa ma nantu à parechje influenze, aghjusta Lisandru Savelli, Alex, chì sona di ghitarra ma dinò di cetera, porta un sonu particulare à l’inseme. »
Parechje influenze musicale
« Per fighjà e stelle » hè un dischettu chì porta dighjà a grinfia di u gruppu. E tematiche sò quelle d’oghje, ma sopratuttu l’amore, a lingua corsa o a sparizione di l’alpana. Alexandre s’hè incaricatu di a cumpunizione, è per ciò tocca à i scritti, persunaghji monda cunnisciuti in l’universu di u cantu corsu cum’è Ghjuvan Federicu Terrazzoni, Tittò limongi o Ghjuvan Filippu Stefani ma dinò u ghjurnalistu Roland Frias. « Simu nantu à a nostra tradizione ma dinò d’alre influenze cum’è i Beatles o u flamencu cù i Gypsies King. Ci hè parechje culori musicale in stu dischettu quì. Ogni cantu hà u so universu propiu è porta a so petra à l’inseme. »
Una prima girata d’estatina
U gruppu hè partutu lestru lestru fendu animazione, cuncerti è ancu a prima parte di i Muvrini davanti à 700 persone. « E riprese eranu arrimbate à una basa, mentre chè e creazione anu dumandatu di più travagliu ma ci vole à dì ch’è n’avemu avanzau abbasanza lestru. Simu fieri di prisentà tuttu stu travagliu. »
Un dischettu riccu cù urganettu, batteria è viulinu per accumpagnà a squadra. Da u rock à u flamenco, passendu per a tradizione (festività hè una creazione musicale cù ghitarra è cetera), « L’Alivetti » prupone un viaghju à traversu e so creazione, dighjà mature, ci vole à dilla. « Cù stu discu, circhemu dinò à fà chè e nove generazione faccianu un passu in daretu per fighjulà d’induve elli ghjunghjenu ch’ell’ùn cunnoscenu micca tutti a so storia è a so lingua. Hè un pocu, u sensu d’issu dischettu. »
« L’alivetti » anu da girà iss’estatina. Principanu issu 28 di ghjugnu in Thoard (Alpi) per un primu cuncertu in Cuntinente. Seguiteranu serate in Santa Reparata di Balagna (8 di lugliu), Evisa (u 12), Corti (U 17) è Calvi (u 24). L’occasione di scopre issa squadra balanina…
F.P.
Photo: L'alivetti
L’alivetti
Lisandru Savelli : cantu ( bassu, contra è seconda)
Alexandre François : ghitarra è cetera
Pasquale Carboni : cantu (terza)
Matteu Carboni : cantu (seconda, contra è terza)
Anu participatu à u dischettu : Jérémy Lohier (urganettu), Pirro Barrios (percussione), Tumasgiu Moscardini (percussione), Julien Muraccioli (viulinu è accunciamentu).