Murzu festighjeghja u so mele
Purtatu da l’associu « San Larenzu » è tutti l’abitanti di u paese, Murzu s’appronta à festighjà u mele issu 28 di settembre.
Murzu festighjeghja u so mele
Purtatu da l’associu « San Larenzu » è tutti l’abitanti di u paese, Murzu s’appronta à festighjà u mele issu 28 di settembre. Attelli diversi, animazione, canti, ottanta banchi cù prudutti nustrali, a manifestazione hè, cum’è tutti l’anni, monda aspettata.
Hè un usu, tutti l’anni dapoi u 1997. Quellu d’adunisce milai di persone in u picculu paese di i Sorru Insù, Murzu cù a so manifestazione, « u mele in festa ». Spechju di a trafila bugnaghjola, hè dinò l’occasione di mette in vale un paese, oghje cunnisciutu in Corsica sana è ancu altrò. Cusì, u 28 di settembre 2025, l’urganizatori è tutti l’abitanti s’anu da adunisce per prisentà a vintinovesima edizione.
« Travagliemu tuttu l’annu per cuncepisce a manifestazione, spiega Josée Cipriani, capimachja di l’associu « San Larenzu » chì urganizeghja a fiera, a squadra hè allargata postu ch’è noi ritruvemu assai ghjovani chì volenu purtà a so petra. Per noi, hè u mumentu maiò di l’annata. »
Ottanta banchi
U 28 di settembre, si tratterà, di sicuru, di u mele cù assai pruduttori è artisgiani, tutti intornu à u sapè fà isulanu à traversu l’ottanta banchi prisenti da l’intrata di u paese sin’à a strada di Muna. Ma hè dinò l’occasione di fà u puntu nantu à una trafila chì si rilancia dopu à qualchì difficultà. Oghje, cuntemu guasgi 170 apicultori certificati in AOP Mele di Corsica. Ma i mignoculi, u scaldamentu climaticu o a sicchina sò tanti elementi chì mettenu in periculu a pruduzzione benchè dopu à dui anni difficiuli in u 2023 è 2024, a pruduzzione 2025, ch’ùn hè ancu compia, s’avvicina, oghje, da i 300 tonne (+26 % per rapportu à 2024).. « U mele in festa, aghjusta a presidente, permette ghjustamente di fà u puntu nantu à u sviluppu di a trafila. A nostra « casa di u mele », stallata nantu à a piazza di a merria, si scrive in issa perspettiva. Per i pruduttori, hè l’occasione di fà valè u so sapè fà, fà cunnosce i so prudutti. È d’un puntu di vistu ecunomicu, hè dinò impurtante per elli. »
U publicu puderà, spassighjendu per issi banchi, tastà i sei meli AOP : castagnu, veranu, machja di veranu, machja d’estate, machja di vaghjime, melastru di machja. Accantu, d’altri prudutti diversi fattu cù u mele : candele, dolci è cosmetichi naturali.
Fora di a vendita di i prudutti, ci seranu parechji atelli pedagogichi urganizati per i zitelli, cù attività cum’è a fabricazione di candele di cera d’api è a spiegazione di u rolu di l’api in a pollinizazione. L’animazioni è i ghjochi educativi permetteranu di sensibilizà i ghjovani à a prutezzione di l’ambienti è à a biodiversità.
U prugramma principerà, cum’è tutti l’anni per a messa cantata seguitata da un ripastu à « u mele » sottu à u tendonu vicinu à a ghjesgia, animazione diverse tutta a meza ghjurnata è, per finisce, un spettaculu cù u gruppu coco pops. « A fiera ùn hè micca solu un mercatu, preciseghja torna Josée Cipriani, hè dinò un locu di scambiu culturale è di prumuzione di e tradizione lucale. »
Un edizione 2025 chì, speremu, ci darà a cunferma di l’impurtanza ecunomica per a regione. A vendita diretta permetterà à i pruduttori di sustene a so attività, mentre chì u publicu puderà avè prudutti sputichi è di qualità. Un spechju, dinò per mette in vale a necessità di prutege l’ape chè u so rolu in a pullinizazione è u mantenimentu di l’ecosistemi hè cusì impurtante.
U tutu nanzu à l’appruntera di a trentesima edizione l’annu chì vene. Ma n’averemu l’occasione di parlà ne.
F.P.
Photo: Associu << San Larenzu >>
Purtatu da l’associu « San Larenzu » è tutti l’abitanti di u paese, Murzu s’appronta à festighjà u mele issu 28 di settembre. Attelli diversi, animazione, canti, ottanta banchi cù prudutti nustrali, a manifestazione hè, cum’è tutti l’anni, monda aspettata.
Hè un usu, tutti l’anni dapoi u 1997. Quellu d’adunisce milai di persone in u picculu paese di i Sorru Insù, Murzu cù a so manifestazione, « u mele in festa ». Spechju di a trafila bugnaghjola, hè dinò l’occasione di mette in vale un paese, oghje cunnisciutu in Corsica sana è ancu altrò. Cusì, u 28 di settembre 2025, l’urganizatori è tutti l’abitanti s’anu da adunisce per prisentà a vintinovesima edizione.
« Travagliemu tuttu l’annu per cuncepisce a manifestazione, spiega Josée Cipriani, capimachja di l’associu « San Larenzu » chì urganizeghja a fiera, a squadra hè allargata postu ch’è noi ritruvemu assai ghjovani chì volenu purtà a so petra. Per noi, hè u mumentu maiò di l’annata. »
Ottanta banchi
U 28 di settembre, si tratterà, di sicuru, di u mele cù assai pruduttori è artisgiani, tutti intornu à u sapè fà isulanu à traversu l’ottanta banchi prisenti da l’intrata di u paese sin’à a strada di Muna. Ma hè dinò l’occasione di fà u puntu nantu à una trafila chì si rilancia dopu à qualchì difficultà. Oghje, cuntemu guasgi 170 apicultori certificati in AOP Mele di Corsica. Ma i mignoculi, u scaldamentu climaticu o a sicchina sò tanti elementi chì mettenu in periculu a pruduzzione benchè dopu à dui anni difficiuli in u 2023 è 2024, a pruduzzione 2025, ch’ùn hè ancu compia, s’avvicina, oghje, da i 300 tonne (+26 % per rapportu à 2024).. « U mele in festa, aghjusta a presidente, permette ghjustamente di fà u puntu nantu à u sviluppu di a trafila. A nostra « casa di u mele », stallata nantu à a piazza di a merria, si scrive in issa perspettiva. Per i pruduttori, hè l’occasione di fà valè u so sapè fà, fà cunnosce i so prudutti. È d’un puntu di vistu ecunomicu, hè dinò impurtante per elli. »
U publicu puderà, spassighjendu per issi banchi, tastà i sei meli AOP : castagnu, veranu, machja di veranu, machja d’estate, machja di vaghjime, melastru di machja. Accantu, d’altri prudutti diversi fattu cù u mele : candele, dolci è cosmetichi naturali.
Fora di a vendita di i prudutti, ci seranu parechji atelli pedagogichi urganizati per i zitelli, cù attività cum’è a fabricazione di candele di cera d’api è a spiegazione di u rolu di l’api in a pollinizazione. L’animazioni è i ghjochi educativi permetteranu di sensibilizà i ghjovani à a prutezzione di l’ambienti è à a biodiversità.
U prugramma principerà, cum’è tutti l’anni per a messa cantata seguitata da un ripastu à « u mele » sottu à u tendonu vicinu à a ghjesgia, animazione diverse tutta a meza ghjurnata è, per finisce, un spettaculu cù u gruppu coco pops. « A fiera ùn hè micca solu un mercatu, preciseghja torna Josée Cipriani, hè dinò un locu di scambiu culturale è di prumuzione di e tradizione lucale. »
Un edizione 2025 chì, speremu, ci darà a cunferma di l’impurtanza ecunomica per a regione. A vendita diretta permetterà à i pruduttori di sustene a so attività, mentre chì u publicu puderà avè prudutti sputichi è di qualità. Un spechju, dinò per mette in vale a necessità di prutege l’ape chè u so rolu in a pullinizazione è u mantenimentu di l’ecosistemi hè cusì impurtante.
U tutu nanzu à l’appruntera di a trentesima edizione l’annu chì vene. Ma n’averemu l’occasione di parlà ne.
F.P.
Photo: Associu << San Larenzu >>