Gruppu Spartimu : u cantu pulifonicu di Corsica è d’altrò
Natu una vintena d’anni fà, issu gruppu custituitu, per a maiò parte, di cantadori di u Pumonte,.......
Gruppu Spartimu : u cantu pulifonicu di Corsica è d’altrò
Natu una vintena d’anni fà, issu gruppu custituitu, per a maiò parte, di cantadori di u Pumonte, face a so strada intornu à u cantu in paghjella è, viaghjendu, canti di u Mediterraneu è u so circondu…
Semu in l’anni 2005. Qualchì amicu si ritrovenu per sparte mumenti inseme è impaghjellà...Frà elli, Federicu Vesperini, ch’avia amparatu assai in Corti, induve hè vera chè i cantadori di paghjella ùn mancanu micca. « Spartiamu mumenti, spiega quellu, è fù l’occasioni, à tempu, di scambià intornu à a musica è sopratuttu ciò ch’è noi chjamemu « U cantu in paghjella » chì si sparghji in tutti i formi pulifonichi (madricali, terzetti, canti di ghjesgia…). À pocu à pocu, ci semu adunuti è ritruvati à cinqui pà cantà, è dopu, creà a struttura « Spartimu ». Chì porta bè u so nome postu ch’è noi circhemu, à traversu i nosci canti, à sparta... »
U gruppu s’hè mantenutu à cinque guasgi sin’à l’annu scorsu-un numaru ch’ùn scambia micca- nanzu di piglià, dopu à partenza di dui di i so membri, dui ghjovanni. Di manera naturale, u gruppu hà travagliatu intornu i repertorii pulifonichi tradiziunali (versi di paghjella di tutti i lochi, messa in paghjella…), sbucchendu, subbitu, nantu à una grinfia particulare chì face a specificità di u gruppu. « À dilla franca, aghjusta Federicu Vesperini, ùn ci semu micca postu questioni di sapè ciò ch’ellu ci vulia à fà o ùn fà. Avemu pigliatu i repertorii tradiziunali è travagliatu à nantu senza limità ci à un rughjoni o l’altru. Pà noi, l’essenziali fù a passioni è a prumuzioni di u cantu in paghjella, ma dinò assai canti sacri di tutti i lochi di l’isula. »
Trè dischetti è girate in u mondu sanu
D’issa passione, hè natu un primu dischettu in u 2009, dedicatu à a pulifunia tradiziunale cù canti chì ghjunghjenu da parechji lochi di l’isula è dinò di Geurgia. « Vultaiamu d’issu paesi è a leia cù l’etnomusicologu Josef Jordania (Australia), ghjuntu in Corsica, ci avia permessu d’amparà qualchì cantu di quallà, prisenti in issu primu dischettu à mezu à paghjelle è canti sacri. »
U ritimu, abbastanza longu, ch’ell’ùn risentenu micca u bisognu d’andà più lestru, hà datu nascita à dui altri dischetti in u 2014 è u 2018, ogni volta cù canti tradiziunali ma, sopratuttu in u secondu, canti d’altrò. Chè u gruppu si pruduce à spessu in parechji lochi di u Mediterraneu ma micca solu : Sardegna, Italia, Geurgia, USA, Australia, Estunia, Lituania, Inghliterra...Frà tempu, hè natu durante un annu, un attellu di pulifunia à u cunservatoriu Henri Tomasi in Aiacciu. L’occasione di sparte è tramandà u so sapè fà. « Avemu a scelta di i nosci prughjetti. Travagliemu una volta à settimana (omancu) pocu c’impremenu e difficultà. Issu travagliu si faci piuttostu i primi mesi di l’annu. È pà ciò chì tocca à i cuncerti o i girati, sò di vaghjimu... »
In u so repertoriu, è si vede, d’altronde in i so cuncerti, Spartimu cerca à mette in vale i canti di a settimana santa (stabat mater, perdono moi Dio, l’orme sanguine…). « Sò canti chì ci toccani assai, un repertoriu riccu è diversu ch’è noi adupremu ind’i nosci cuncerti... »
A diversità musicale di u gruppu è una certa cuesione dinò (solu dui scambiamenti in guasgi 20 anni), permette, oghje, à a struttura di fà a so strada per esse, certe volte paragunata cù a Filetta. « Hè pà noi, un onori tamantu... »
Prestu à u Canadà
Ma u secondu aspettu di u gruppu, aldilà di u cantu corsu, hè a so capacità à ripiglià canti stranieri : « Brunetta » sarda, « Memento » di u Chili, è, di sicuru, canti geurgiani (Mravaljamier, Elesa, Didebaia, Tbilisso)...Ci hè dinò « L’arba barona », adattazione fatta da Alanu di Megliu d’un cantu scuzzese « The wild Mountain Thyme »... « Tutti sti canti anu qualcosa ma a Geurgia, ghjè l’attu fundatore di u gruppu. Stu cantu s’assumiglia à a noscia paghjella... »
Ultimamente, u gruppu hè andatu in Inghliterra per parechji cuncerti. L’occasione di scuntrà un musicante pacchistanese in Bristol è di sparte, cùn ellu, nantu à a scena. « Un mumentu strasordinariu, ellu cù u so rabâb, un strumentu à cordi, è noi cù i nosci voci... »
Dopu à issa bella stonda, u gruppu si n’hè vultatu in Corsica. Travaglia sempre i so repertorii aspettendu di parte à prumove u cantu corsu à u Canadà è forse, Singapur…
F.P.Crédit phopto : Sylvain Alessandri
Natu una vintena d’anni fà, issu gruppu custituitu, per a maiò parte, di cantadori di u Pumonte, face a so strada intornu à u cantu in paghjella è, viaghjendu, canti di u Mediterraneu è u so circondu…
Semu in l’anni 2005. Qualchì amicu si ritrovenu per sparte mumenti inseme è impaghjellà...Frà elli, Federicu Vesperini, ch’avia amparatu assai in Corti, induve hè vera chè i cantadori di paghjella ùn mancanu micca. « Spartiamu mumenti, spiega quellu, è fù l’occasioni, à tempu, di scambià intornu à a musica è sopratuttu ciò ch’è noi chjamemu « U cantu in paghjella » chì si sparghji in tutti i formi pulifonichi (madricali, terzetti, canti di ghjesgia…). À pocu à pocu, ci semu adunuti è ritruvati à cinqui pà cantà, è dopu, creà a struttura « Spartimu ». Chì porta bè u so nome postu ch’è noi circhemu, à traversu i nosci canti, à sparta... »
U gruppu s’hè mantenutu à cinque guasgi sin’à l’annu scorsu-un numaru ch’ùn scambia micca- nanzu di piglià, dopu à partenza di dui di i so membri, dui ghjovanni. Di manera naturale, u gruppu hà travagliatu intornu i repertorii pulifonichi tradiziunali (versi di paghjella di tutti i lochi, messa in paghjella…), sbucchendu, subbitu, nantu à una grinfia particulare chì face a specificità di u gruppu. « À dilla franca, aghjusta Federicu Vesperini, ùn ci semu micca postu questioni di sapè ciò ch’ellu ci vulia à fà o ùn fà. Avemu pigliatu i repertorii tradiziunali è travagliatu à nantu senza limità ci à un rughjoni o l’altru. Pà noi, l’essenziali fù a passioni è a prumuzioni di u cantu in paghjella, ma dinò assai canti sacri di tutti i lochi di l’isula. »
Trè dischetti è girate in u mondu sanu
D’issa passione, hè natu un primu dischettu in u 2009, dedicatu à a pulifunia tradiziunale cù canti chì ghjunghjenu da parechji lochi di l’isula è dinò di Geurgia. « Vultaiamu d’issu paesi è a leia cù l’etnomusicologu Josef Jordania (Australia), ghjuntu in Corsica, ci avia permessu d’amparà qualchì cantu di quallà, prisenti in issu primu dischettu à mezu à paghjelle è canti sacri. »
U ritimu, abbastanza longu, ch’ell’ùn risentenu micca u bisognu d’andà più lestru, hà datu nascita à dui altri dischetti in u 2014 è u 2018, ogni volta cù canti tradiziunali ma, sopratuttu in u secondu, canti d’altrò. Chè u gruppu si pruduce à spessu in parechji lochi di u Mediterraneu ma micca solu : Sardegna, Italia, Geurgia, USA, Australia, Estunia, Lituania, Inghliterra...Frà tempu, hè natu durante un annu, un attellu di pulifunia à u cunservatoriu Henri Tomasi in Aiacciu. L’occasione di sparte è tramandà u so sapè fà. « Avemu a scelta di i nosci prughjetti. Travagliemu una volta à settimana (omancu) pocu c’impremenu e difficultà. Issu travagliu si faci piuttostu i primi mesi di l’annu. È pà ciò chì tocca à i cuncerti o i girati, sò di vaghjimu... »
In u so repertoriu, è si vede, d’altronde in i so cuncerti, Spartimu cerca à mette in vale i canti di a settimana santa (stabat mater, perdono moi Dio, l’orme sanguine…). « Sò canti chì ci toccani assai, un repertoriu riccu è diversu ch’è noi adupremu ind’i nosci cuncerti... »
A diversità musicale di u gruppu è una certa cuesione dinò (solu dui scambiamenti in guasgi 20 anni), permette, oghje, à a struttura di fà a so strada per esse, certe volte paragunata cù a Filetta. « Hè pà noi, un onori tamantu... »
Prestu à u Canadà
Ma u secondu aspettu di u gruppu, aldilà di u cantu corsu, hè a so capacità à ripiglià canti stranieri : « Brunetta » sarda, « Memento » di u Chili, è, di sicuru, canti geurgiani (Mravaljamier, Elesa, Didebaia, Tbilisso)...Ci hè dinò « L’arba barona », adattazione fatta da Alanu di Megliu d’un cantu scuzzese « The wild Mountain Thyme »... « Tutti sti canti anu qualcosa ma a Geurgia, ghjè l’attu fundatore di u gruppu. Stu cantu s’assumiglia à a noscia paghjella... »
Ultimamente, u gruppu hè andatu in Inghliterra per parechji cuncerti. L’occasione di scuntrà un musicante pacchistanese in Bristol è di sparte, cùn ellu, nantu à a scena. « Un mumentu strasordinariu, ellu cù u so rabâb, un strumentu à cordi, è noi cù i nosci voci... »
Dopu à issa bella stonda, u gruppu si n’hè vultatu in Corsica. Travaglia sempre i so repertorii aspettendu di parte à prumove u cantu corsu à u Canadà è forse, Singapur…
F.P.Crédit phopto : Sylvain Alessandri