<< Da scunghjurà a sorti >> : Cuscenza piglia u so volu
Un secondu dischettu
« Da scunghjurà a sorti » : Cuscenza piglia u so volu
Trè anni dopu à « Da francà u mali » u so primu dischettu, a squadra di Cuscenza escerà di manera ufficiale u so secondu l’ottu di dicembre, una data, di sicuru, chè u gruppu hà vulsutu simbolica quant’è u primu…
Trè anni sò passati dapoi ch’ellu hè esciutu « Da francà u mali », u primu dischettu di a squadra pumuntica di « Cuscenza ». Una squadra chì, ci vole à dilla, hà fattu a so strada in issi tempi quì. Puchissimi tempi ancu per una ricunniscenza...Quattru ghitarre, una bassa, un viulinu, una batteria, ottu voce per un primu dischettu chì hà fattu a nuturietà d’un gruppu natu in u 2015 d’un scontru trà amichi di l’Università. Dapoi, cuncerti, serate di sustegnu, animazione diverse senza sminticà u famosu « Cantu di l’Orsu », l’innu di l’ACA. « Esiste », « Monte Gozzi », « Passi », « Orizonti », « Trà passioni è offesa », « Sò di quidda », eccu unepoche di canzone chì anu sulcatu u chjassu d’issu gruppu di ceppu aiaccinu o di u circondu è chì cerca à mette in vale in e so creazione, a parlata pumuntinca. Una squadra abbastanza ghjovana (da 23 à 30 anni per i so membri) è a vulintà di prumove u cantu è a lingua corsa.
Quindeci tituli
In puchissimi tempi, hà acquistu una certa nuturietà chì li permette, oghje, d’esse paru cù d’altri gruppi più anziani. Cusì, a squadra, hà travagliatu nantu un secondu dischettu. Chjamatu « Da scunghjurà a sorti », marca una certa evoluzione dopu à u primu. E canzone « Quist ut deus » (scrittu di Martinu Squarcinu è musica di Marc’Antò Benetti) è « U to fiddolu t’aspetta » (Parolle è musica di Simon Paulu Ferrandi) sò dighjà esciute nantu à e rete suciale. In tuttu, ci sò quindeci tituli di tematiche varie nantu à issu discu novu. A squadra, ella, scambia pocu. Solu trè nuvelli Pierre-Louis Parrigi (ghitarra), Julien Petit (ghitarra bassa) è Thomas Wingert (voce, quellu ch’avia scrittu u famosu « cantu di l’Orsu », Sempre intornu à li stessa andatura. Dopu à dui anni di travagliu, u gruppu hà registratu issu dischettu novu cù disegni fatti da Antea Perquis Ferrandi...Cum’è per « Da francà u mali », a squadra di Cuscenza hà sceltu a data simbolica di l’ottu di dicembre per esce u so dischettu novu. Una manera di marcà a so indiatura…
Ph.P.
Gruppu Cuscenza
Pierre-Louis Pariggi : ghitarra
Julien Petit : ghitarra bassa
Ghjaseppu Mambrini : ghitarra, mandulina, acconci
Battì Cappai : ghitarra, mandulina
Thomas Pellegrini : ghitarra
Emilie Cianchetta
Thomas Boucher : batteria
Lisandru Luccioni, Jean-Do Poli, Simon Paulu Ferrandi, Martinu Squarcini, Michel Forte, Jean-Louis Ghiddi, Marc Alexandre Benetti, Thomas Wingert : voce
Marc Alexandre Benetti, cantadore : « Un indiatura di più marcata »
Comu hè natu issu secondu dischettu ?
In tempu di u cunfinamentu. Di fatti, avemi avutu pocu tempu per fà a prumuzioni di u primu. Avemi cuntinuatu à travaddà, à sfruttà è à pocu à pocu, s’hè definitu issu dischettu novu. Si scrive comu una seguita di u primu ma appena più indiatu.
Perchè issa scelta ?
Nantu à u primu, ùn avemi micca troppu vulsutu fà lu. Ma sta volta, pensu ch’eddu era u mumentu, masimu cù tutte i guai ch’edda campa a sucetà corsa. Faci chì si risenti un’indiatura più marcata.
U genaru musicale ?
Erami andati appena lestru nantu à u primu. Ancu s’eddu hè bè d’una manera generali, avemi mancatu di tempu. Sta volta, l’acconci sò di più travaddati. À u niveddu musicali dinò, ci hè qualcosa in più par rapportu à u primu. Forza a sperienza...
U cuntenutu ?
Trattemi di tutti i temi di a sucetà corsa. È cum’è par « Da francà u mali », tuttu u mondu hà purtatu a so petra. Ci hè dui tituli fatti da Antone Tramini, ch’eddu hà scrittu è cumpostu. È unu di Dumenicu Santelli nantu à una musica di Tumasgiu Pellegrini. Par u restu, Ritruvemi guasgi a listessa squadra chè nantu à u primu. Ci un « clip » chì hè statu fattu nantu à una canzona « Quist Ut Deus », chì tratta di l’Archanghjulu Micaellu. Ma vulemi fà a surpresa à la ghjenti...
Si puderia parlà, oghje, d’un stilu Cuscenza ?
Pensu di sì. Ma vulemi cultivà l’umilità. Issu stilu si senti da a ghjenti. Si resenti forsa cù tutti i voci ch’è no t’avemi, a manera di fà passà un’emuzioni nantu à i nosci paroddi.
U vostru gruppu piglia una piazza maiò in u mondu culturale corsu oghje. Chì ne hè u vostru parè ?
Semi cuntenti è fieri ma, à dilla franca, ùn ci aspettavami micca à iss’evoluzioni quì. Ci faci assai piacè ma à l’iniziu, era solu una passioni trà amichi di l’università è d’Aiacciu. Ùn pinsavami micca una siconda, di fà un dischettu. È ne semi oghji à dui.
Una strada dinò, dopu à « U cantu di l’orsu » chì era appiccicatu à u gruppu ?
Hè vera chè l’avemi purtatu qualchì tempu. Ci sò assai sustenitori di l’ACA in a squadra, ma era una dumanda di l’Orsi Ribelli mentri chè noi vuliamu travaddà cum’è un gruppu. Oghji, semi appena spiccati d’issu sguardu quì, hè una bona ma semi fieri d’avè creatu issa canzona nantu à un scrittu di Thomas Wingert chì faci parta di a squadra avà.
A prumozione d’issu dischettu novu ?
Saremi à a fiera di a castagna, in Bucugnà issa dumenica da prisintà u dischettu. Dopu, ci serà una data nanzu à l’estati in Aghjacciu. Eppo avemi da girà…
PH.P
Trè anni dopu à « Da francà u mali » u so primu dischettu, a squadra di Cuscenza escerà di manera ufficiale u so secondu l’ottu di dicembre, una data, di sicuru, chè u gruppu hà vulsutu simbolica quant’è u primu…
Trè anni sò passati dapoi ch’ellu hè esciutu « Da francà u mali », u primu dischettu di a squadra pumuntica di « Cuscenza ». Una squadra chì, ci vole à dilla, hà fattu a so strada in issi tempi quì. Puchissimi tempi ancu per una ricunniscenza...Quattru ghitarre, una bassa, un viulinu, una batteria, ottu voce per un primu dischettu chì hà fattu a nuturietà d’un gruppu natu in u 2015 d’un scontru trà amichi di l’Università. Dapoi, cuncerti, serate di sustegnu, animazione diverse senza sminticà u famosu « Cantu di l’Orsu », l’innu di l’ACA. « Esiste », « Monte Gozzi », « Passi », « Orizonti », « Trà passioni è offesa », « Sò di quidda », eccu unepoche di canzone chì anu sulcatu u chjassu d’issu gruppu di ceppu aiaccinu o di u circondu è chì cerca à mette in vale in e so creazione, a parlata pumuntinca. Una squadra abbastanza ghjovana (da 23 à 30 anni per i so membri) è a vulintà di prumove u cantu è a lingua corsa.
Quindeci tituli
In puchissimi tempi, hà acquistu una certa nuturietà chì li permette, oghje, d’esse paru cù d’altri gruppi più anziani. Cusì, a squadra, hà travagliatu nantu un secondu dischettu. Chjamatu « Da scunghjurà a sorti », marca una certa evoluzione dopu à u primu. E canzone « Quist ut deus » (scrittu di Martinu Squarcinu è musica di Marc’Antò Benetti) è « U to fiddolu t’aspetta » (Parolle è musica di Simon Paulu Ferrandi) sò dighjà esciute nantu à e rete suciale. In tuttu, ci sò quindeci tituli di tematiche varie nantu à issu discu novu. A squadra, ella, scambia pocu. Solu trè nuvelli Pierre-Louis Parrigi (ghitarra), Julien Petit (ghitarra bassa) è Thomas Wingert (voce, quellu ch’avia scrittu u famosu « cantu di l’Orsu », Sempre intornu à li stessa andatura. Dopu à dui anni di travagliu, u gruppu hà registratu issu dischettu novu cù disegni fatti da Antea Perquis Ferrandi...Cum’è per « Da francà u mali », a squadra di Cuscenza hà sceltu a data simbolica di l’ottu di dicembre per esce u so dischettu novu. Una manera di marcà a so indiatura…
Ph.P.
Gruppu Cuscenza
Pierre-Louis Pariggi : ghitarra
Julien Petit : ghitarra bassa
Ghjaseppu Mambrini : ghitarra, mandulina, acconci
Battì Cappai : ghitarra, mandulina
Thomas Pellegrini : ghitarra
Emilie Cianchetta
Thomas Boucher : batteria
Lisandru Luccioni, Jean-Do Poli, Simon Paulu Ferrandi, Martinu Squarcini, Michel Forte, Jean-Louis Ghiddi, Marc Alexandre Benetti, Thomas Wingert : voce
Marc Alexandre Benetti, cantadore : « Un indiatura di più marcata »
Comu hè natu issu secondu dischettu ?
In tempu di u cunfinamentu. Di fatti, avemi avutu pocu tempu per fà a prumuzioni di u primu. Avemi cuntinuatu à travaddà, à sfruttà è à pocu à pocu, s’hè definitu issu dischettu novu. Si scrive comu una seguita di u primu ma appena più indiatu.
Perchè issa scelta ?
Nantu à u primu, ùn avemi micca troppu vulsutu fà lu. Ma sta volta, pensu ch’eddu era u mumentu, masimu cù tutte i guai ch’edda campa a sucetà corsa. Faci chì si risenti un’indiatura più marcata.
U genaru musicale ?
Erami andati appena lestru nantu à u primu. Ancu s’eddu hè bè d’una manera generali, avemi mancatu di tempu. Sta volta, l’acconci sò di più travaddati. À u niveddu musicali dinò, ci hè qualcosa in più par rapportu à u primu. Forza a sperienza...
U cuntenutu ?
Trattemi di tutti i temi di a sucetà corsa. È cum’è par « Da francà u mali », tuttu u mondu hà purtatu a so petra. Ci hè dui tituli fatti da Antone Tramini, ch’eddu hà scrittu è cumpostu. È unu di Dumenicu Santelli nantu à una musica di Tumasgiu Pellegrini. Par u restu, Ritruvemi guasgi a listessa squadra chè nantu à u primu. Ci un « clip » chì hè statu fattu nantu à una canzona « Quist Ut Deus », chì tratta di l’Archanghjulu Micaellu. Ma vulemi fà a surpresa à la ghjenti...
Si puderia parlà, oghje, d’un stilu Cuscenza ?
Pensu di sì. Ma vulemi cultivà l’umilità. Issu stilu si senti da a ghjenti. Si resenti forsa cù tutti i voci ch’è no t’avemi, a manera di fà passà un’emuzioni nantu à i nosci paroddi.
U vostru gruppu piglia una piazza maiò in u mondu culturale corsu oghje. Chì ne hè u vostru parè ?
Semi cuntenti è fieri ma, à dilla franca, ùn ci aspettavami micca à iss’evoluzioni quì. Ci faci assai piacè ma à l’iniziu, era solu una passioni trà amichi di l’università è d’Aiacciu. Ùn pinsavami micca una siconda, di fà un dischettu. È ne semi oghji à dui.
Una strada dinò, dopu à « U cantu di l’orsu » chì era appiccicatu à u gruppu ?
Hè vera chè l’avemi purtatu qualchì tempu. Ci sò assai sustenitori di l’ACA in a squadra, ma era una dumanda di l’Orsi Ribelli mentri chè noi vuliamu travaddà cum’è un gruppu. Oghji, semi appena spiccati d’issu sguardu quì, hè una bona ma semi fieri d’avè creatu issa canzona nantu à un scrittu di Thomas Wingert chì faci parta di a squadra avà.
A prumozione d’issu dischettu novu ?
Saremi à a fiera di a castagna, in Bucugnà issa dumenica da prisintà u dischettu. Dopu, ci serà una data nanzu à l’estati in Aghjacciu. Eppo avemi da girà…
PH.P
