Amicale des anciens de l'ACA : dece anni di fedeltà << bianca è rossa >>
A struttura di sistegnu à l'ACA......
Amicale des anciens de l’ACA : dece anni di fedeltà « bianca è rossa »
A struttura di sustegnu à l’ACA, chì adunisce anziani ghjucadori è simpatizanti, urganizava, a settimana scorsa à l’Uffiziu di Turisimu d’Aiacciu, a so nova assemblea generale. L’occasione di sfuglià cù issa bella squadra, qualchì pagina di a storia « bianca è rossa ».
« Je vous parle d’un temps que les moins de vingt ans »… e parolle di a canzona di Charles Aznavour ponu caratterizà, più chè u percorsu, u cuntenutu di « L’amichevule di l’anziani di l’ACA » è di i so simpatizanti. Una struttura nata dece anni fà di qualchì passiunatu. « Avemu vulsutu ritruvà ci tutti insemi, spiega Toussaint Martinetti, vice presidente di l’amichevule (anzianu presidente è chì fù ghjucadore prufessiunale), ci era una voglia d’ùn perda issa leia trà tutti l’anziani, è di sparta qualchì mumentu insemi. »
Un spiritu spurtivu è aiaccinu
A struttura adunisce, oghje, più d’ottanta membri di parechje generazione. Quella di i più anziani cum’è Lolo Alata, anzianu famosu attaccante cù e so « fisichette » nantu à u fiancu manca, Fanfan Borodine, quelle di l’epica più vicina di Toussaint Martinetti, Albert Vannucci o quella di u percorsu di u 1974 chì andò in finale di a cuppa Paul Nicolas di fronte à Nantes : Battì Gentili u ghjovanu, Georges Jacomo, Jean-Claude Tomei, Georges Baldovini, Jean-Luc Cucchi chì fù dinò gazier, Jacques Cecchini...À Mezu à elli, a memoria di l’ACA à l’origine di tutte e manifestazione liate à u passatu di u club, Eric Betti. « Hè impurtanti dinò, aghjusta à Toussaint Martinetti, di mantena a leia cù l’ACA d’oghji, hè a storia di u club è si faci cù l’anziani. Si tratta dinò d’un certu spiritu spurtivu è aiaccinu. »
Per mantene a forma è intratene, à tempu, a leia cù d’altri, a struttura urganizeghja è mette in piazza qualchì scontru cù d’altre squadre di ballò di i tempi fà : GFCA, Bastia, Calvi, Isula Rossa...Si n’hè ancu andata in Sardegna (Palau) « L’occasione di misurà chè s’ùn avemi più i ghjambi di vinti anni, semu sempri quì per ciò chì tocca à i qualità, preciseghja Jacques Cecchini, unu di i più « ghjovani » di a squadra, à l’epica, i derby erani caldi, caldi ma oghji, hè cù assai piacè ch’è noi ci ritruvemi tutti. Semi dinò impegnati à fiancu à u club ogni volta ch’ella ci hè una manifestazioni impurtanti. »
Cusì, à l’occasione di l’inaugurazione di u stadiu Dumè Luciani di settembre scorsu, l’amichevule hà participatu cù racolte di fondi o a messa in piazza di a manifestazione. L’amichevule hà dinò participatu cù un travaglione d’Eric Betti per a manifestazione dedicata à i vinti anni di l’accessione di u 2002 è, di sicuru, quella di questu annu.
S’hè trattatu, a settimana scorsa, di u rinovu di u scagnu. A maiò parte di i membri eranu prisenti à l’Uffiziu di u turisimu d’Aiacciu. U scagnu novu si cumpone di Jean-Michel Stefanaggi (presidente) chì piglia a seguita di Toussaint Martinetti vice presidente cù Christian Peretti, Jacques Cecchini, sicretariu, Jean-Pierre Aiola, vice sicretariu è Yves Rustarucci raghjuneru.
Unu di i scopi maiò à cortu andà serà d’urganizà una manifestazione à prò di l’ACA 1974 finaliste di a cuppu Paul Nicolas, ciò ch’ùn hè mai statu fattu. Per u restu, a squadra cuntinueghja a so strada...sempre in « biancu è rossu ».
Ph.P.
A struttura di sustegnu à l’ACA, chì adunisce anziani ghjucadori è simpatizanti, urganizava, a settimana scorsa à l’Uffiziu di Turisimu d’Aiacciu, a so nova assemblea generale. L’occasione di sfuglià cù issa bella squadra, qualchì pagina di a storia « bianca è rossa ».
« Je vous parle d’un temps que les moins de vingt ans »… e parolle di a canzona di Charles Aznavour ponu caratterizà, più chè u percorsu, u cuntenutu di « L’amichevule di l’anziani di l’ACA » è di i so simpatizanti. Una struttura nata dece anni fà di qualchì passiunatu. « Avemu vulsutu ritruvà ci tutti insemi, spiega Toussaint Martinetti, vice presidente di l’amichevule (anzianu presidente è chì fù ghjucadore prufessiunale), ci era una voglia d’ùn perda issa leia trà tutti l’anziani, è di sparta qualchì mumentu insemi. »
Un spiritu spurtivu è aiaccinu
A struttura adunisce, oghje, più d’ottanta membri di parechje generazione. Quella di i più anziani cum’è Lolo Alata, anzianu famosu attaccante cù e so « fisichette » nantu à u fiancu manca, Fanfan Borodine, quelle di l’epica più vicina di Toussaint Martinetti, Albert Vannucci o quella di u percorsu di u 1974 chì andò in finale di a cuppa Paul Nicolas di fronte à Nantes : Battì Gentili u ghjovanu, Georges Jacomo, Jean-Claude Tomei, Georges Baldovini, Jean-Luc Cucchi chì fù dinò gazier, Jacques Cecchini...À Mezu à elli, a memoria di l’ACA à l’origine di tutte e manifestazione liate à u passatu di u club, Eric Betti. « Hè impurtanti dinò, aghjusta à Toussaint Martinetti, di mantena a leia cù l’ACA d’oghji, hè a storia di u club è si faci cù l’anziani. Si tratta dinò d’un certu spiritu spurtivu è aiaccinu. »
Per mantene a forma è intratene, à tempu, a leia cù d’altri, a struttura urganizeghja è mette in piazza qualchì scontru cù d’altre squadre di ballò di i tempi fà : GFCA, Bastia, Calvi, Isula Rossa...Si n’hè ancu andata in Sardegna (Palau) « L’occasione di misurà chè s’ùn avemi più i ghjambi di vinti anni, semu sempri quì per ciò chì tocca à i qualità, preciseghja Jacques Cecchini, unu di i più « ghjovani » di a squadra, à l’epica, i derby erani caldi, caldi ma oghji, hè cù assai piacè ch’è noi ci ritruvemi tutti. Semi dinò impegnati à fiancu à u club ogni volta ch’ella ci hè una manifestazioni impurtanti. »
Cusì, à l’occasione di l’inaugurazione di u stadiu Dumè Luciani di settembre scorsu, l’amichevule hà participatu cù racolte di fondi o a messa in piazza di a manifestazione. L’amichevule hà dinò participatu cù un travaglione d’Eric Betti per a manifestazione dedicata à i vinti anni di l’accessione di u 2002 è, di sicuru, quella di questu annu.
S’hè trattatu, a settimana scorsa, di u rinovu di u scagnu. A maiò parte di i membri eranu prisenti à l’Uffiziu di u turisimu d’Aiacciu. U scagnu novu si cumpone di Jean-Michel Stefanaggi (presidente) chì piglia a seguita di Toussaint Martinetti vice presidente cù Christian Peretti, Jacques Cecchini, sicretariu, Jean-Pierre Aiola, vice sicretariu è Yves Rustarucci raghjuneru.
Unu di i scopi maiò à cortu andà serà d’urganizà una manifestazione à prò di l’ACA 1974 finaliste di a cuppu Paul Nicolas, ciò ch’ùn hè mai statu fattu. Per u restu, a squadra cuntinueghja a so strada...sempre in « biancu è rossu ».
Ph.P.
