Gruppu Eppò, un ambiu pop rock festivu.......
Creatu à l'iniziativa d'unepochi d'amichi di ceppu bastiacciu, ...
Lingua corsa : Gruppu Eppò, un ambiu pop rock festivu…
Creatu à l’iniziativa d’unepochi d’amichi di ceppu bastiacciu, issu gruppu, chì hà escitu, l’annu scorsu u so primu dischettu, face à pocu à pocu a so strada in l’universu di u cantu corsu. Cù a particularità di un cantu piuttostu festivu…
Sò cinque, tutti di ceppu bastiacciu è spartenu a listessa passione di u cantu corsu: Anghjulu Torre, Francescu Spinelli, Petru Veyrat-Tristani, Anghjulu Bianchini è Ghjuvan Filippu Graziani cumponenu una squadra di talente chì hà fattu i so primi passi in u rughjone bastiacciu. Originariu di Castellu di Rustinu, u primu hè statu « allivatu » à a paghjella è u so percorsu l’hà purtatu à cantà à fiancu à artisti o gruppu monda rinumati (Petru Guelfucci, Canta u populu corsu, l’Arcusgi, Patrizia Poli…). L’altri membri ghjunghjenu d’universi diferenti da u rock (Varens per Francè Spinelli) à u tradiziunale passendu per a varietà corsa (Noi per Petru Veyrat-Tristani). Ghjuvan Filippu Graziani, ellu, ùn hè micca scunnisciutu (l’Arcusgi, Los Bandidos), certi ghjunghjenu da u rock (ACA DC Tribute)…
Un ambiu festivu
I cinque membri, chì anu tutti una certa sperienza di a scena è di u cantu si sò scuntrati in Bastia. Subbitu, una certa ambianza s’hè creata. « Ognunu hà vulsutu mette a so sperienza à prò d’una nova struttura, spiega Anghjulu Torre, tandu avemu scrittu u nostru prughjettu musicale ind’un ambiu festivu, di goia è di spartera. »
Issu mischiu d’una musica chì piglia e so radiche in a tradizione isulana è chì ci face viaghjà in u Mediterraneu, ma micca solu, hà permessu à Eppò di fà, à pocu à pocu a so strada. Bastia, Migliacciaru ma dinò l’Aghja in Aiacciu.
Core Timpesta, un primu dischettu
Un inseme chì hà fattu i so primi passi trè anni fà in a citadella di Bastia per un cuncertu appena Pop Rock è chì hà esciutu, in u 2021, u so primu dischettu : Core Timpesta. Un titulu chì dà u tonu di u gruppu intornu un ambiu festivu, ch’ella sia à u nivellu di i scritti o di a musica. Un’alchimia di musiche di i notri vechji accunciati à modu più mudernu. Da « Terra Nova » chi tocca i Bastiacci à traversu à mumenti di vita in i quartieri, à « Bolero », chì vole rende umaggiu à e donne, zitelle è surelle, passendu per a famosa « Zinzalesca » chì c’invita à ballà è cantà cù una fola tradiziunale, « Todo cambia » chì solca a leia cù a famiglia, l’amichi è valori chì si perdenu oghje, isse canzone ci portanu aldilà di e fruntiere di l’isula cù una culurazione particulare. Un speziu di « Tianu bastiacciu ». Eppò, chì significheghja « ciò chì vene dopu » ??. Un’uchjata à a crisa sanitaria per un gruppu natu in tempi di u cunfinamentu. Cusì, da a ghitarra à u busucchì, da e percussione à u banjò, da a bassa à a pirula, u gruppu bastiacciu face valè l’influenza pop rock di i primi passi di i so membri, bulicati à una sunurità isulana. Una struttura, chì passa da Cismonte à Pumonte (eranu à u Locu Teatrale a settimana scorsa) da seguità.
Ph.P.
Eppò
Anghjulu Torre : ghitarra, bassa, busucchì, banjò, fiati)
Francè Spinelli : voce
Petru Veyrat-Tristani : ghitarra, voce
Anghjulu Bianchini : batteria, percussione
Ghjuvan Filippu Graziani : Voce, ghitarra, bassa
Creatu à l’iniziativa d’unepochi d’amichi di ceppu bastiacciu, issu gruppu, chì hà escitu, l’annu scorsu u so primu dischettu, face à pocu à pocu a so strada in l’universu di u cantu corsu. Cù a particularità di un cantu piuttostu festivu…
Sò cinque, tutti di ceppu bastiacciu è spartenu a listessa passione di u cantu corsu: Anghjulu Torre, Francescu Spinelli, Petru Veyrat-Tristani, Anghjulu Bianchini è Ghjuvan Filippu Graziani cumponenu una squadra di talente chì hà fattu i so primi passi in u rughjone bastiacciu. Originariu di Castellu di Rustinu, u primu hè statu « allivatu » à a paghjella è u so percorsu l’hà purtatu à cantà à fiancu à artisti o gruppu monda rinumati (Petru Guelfucci, Canta u populu corsu, l’Arcusgi, Patrizia Poli…). L’altri membri ghjunghjenu d’universi diferenti da u rock (Varens per Francè Spinelli) à u tradiziunale passendu per a varietà corsa (Noi per Petru Veyrat-Tristani). Ghjuvan Filippu Graziani, ellu, ùn hè micca scunnisciutu (l’Arcusgi, Los Bandidos), certi ghjunghjenu da u rock (ACA DC Tribute)…
Un ambiu festivu
I cinque membri, chì anu tutti una certa sperienza di a scena è di u cantu si sò scuntrati in Bastia. Subbitu, una certa ambianza s’hè creata. « Ognunu hà vulsutu mette a so sperienza à prò d’una nova struttura, spiega Anghjulu Torre, tandu avemu scrittu u nostru prughjettu musicale ind’un ambiu festivu, di goia è di spartera. »
Issu mischiu d’una musica chì piglia e so radiche in a tradizione isulana è chì ci face viaghjà in u Mediterraneu, ma micca solu, hà permessu à Eppò di fà, à pocu à pocu a so strada. Bastia, Migliacciaru ma dinò l’Aghja in Aiacciu.
Core Timpesta, un primu dischettu
Un inseme chì hà fattu i so primi passi trè anni fà in a citadella di Bastia per un cuncertu appena Pop Rock è chì hà esciutu, in u 2021, u so primu dischettu : Core Timpesta. Un titulu chì dà u tonu di u gruppu intornu un ambiu festivu, ch’ella sia à u nivellu di i scritti o di a musica. Un’alchimia di musiche di i notri vechji accunciati à modu più mudernu. Da « Terra Nova » chi tocca i Bastiacci à traversu à mumenti di vita in i quartieri, à « Bolero », chì vole rende umaggiu à e donne, zitelle è surelle, passendu per a famosa « Zinzalesca » chì c’invita à ballà è cantà cù una fola tradiziunale, « Todo cambia » chì solca a leia cù a famiglia, l’amichi è valori chì si perdenu oghje, isse canzone ci portanu aldilà di e fruntiere di l’isula cù una culurazione particulare. Un speziu di « Tianu bastiacciu ». Eppò, chì significheghja « ciò chì vene dopu » ??. Un’uchjata à a crisa sanitaria per un gruppu natu in tempi di u cunfinamentu. Cusì, da a ghitarra à u busucchì, da e percussione à u banjò, da a bassa à a pirula, u gruppu bastiacciu face valè l’influenza pop rock di i primi passi di i so membri, bulicati à una sunurità isulana. Una struttura, chì passa da Cismonte à Pumonte (eranu à u Locu Teatrale a settimana scorsa) da seguità.
Ph.P.
Eppò
Anghjulu Torre : ghitarra, bassa, busucchì, banjò, fiati)
Francè Spinelli : voce
Petru Veyrat-Tristani : ghitarra, voce
Anghjulu Bianchini : batteria, percussione
Ghjuvan Filippu Graziani : Voce, ghitarra, bassa
