Musanostra, un Associu per prumove a litteratura per prumove a litteratura corsa
Un Associu per prumove a litteratura per prumove a litteratura corsa
Musanostra : un associu per prumove a litteratura corsa
Natu in u 2008, iss’associu cerca à urganizà evenimenti culturali chì mettenu in vale a litteratura isulana, l’arte di a lingua corsa, u sinemà à traversu festivali, scontri, cunferenze. L’associu, chì festighjeghja i so quindeci anni, hà da marcà iss’anniversariu à l’occasione di E Statinate, da u 9 à u 12 d’aostu in Lumio...
In u 2008, Marie-France Bereni-Canazzi, prufessore di lettere muderne oghje presidente di l’associu Musanostra, si vole impegnà à prò di l’arte, i rumanzi, a litteratura corsa, in lingua nustrale, ma micca solu. L’associu Musanostra hè in marchja...«À l’iniziu, spiega a donna, l’idea era di diffusà è sopratuttu di prumove a litteratura, à u sensu largu, ma dinò e scenze umane, i spettaculi è l’arti in a Corsica sana. »
Stallata in Bastia, a struttura s’hè vulsutu arrimbà nantu à parechji evenimenti cum’è u cuncettu di « caffè litterariu », « una manera, aghjusta Marie-France Bereni-Canazzi, di sviluppà issa pratica è di mettela in vale, è, à tempu, di permette à i lettori di scambià intornu à opere chì li piacianu, pocu impreme e tematiche... »
Trè festivale à l’annu
Altru evenimentu, e cunferenze, sempre intornu à debatiti nantu à tematiche precise o ricerca d’idee particulare.
Strada facendu, « Musanostra », chì porta bè u so nome, s’hè stallata in u paisaghju culturale corsu. Masimu à traversu una terza tematica, forse a più impurtante : u festivale. L’occasione, di fà valè u travagliu di a struttura è di sulcà, à tempu, l’indiatura. Cusì, ne sò nati trè : Cinemusa, u salonu di u libru in Bastia è e statinate.
« Cinemusa, chì hè prisente di dicembre, hè dedicatu à u studiu è l’adattazione di filmi esciuti da a litteratura mundiale. U salonu di u libru, ellu, liatu à a festa di a lingua, si passa di maghju cù un impegnu di a cità di Bastia è a Cullettività di Corsica. In fine, e statinate, si passanu di luglui è d’aostu durante trè ghjorni. Hè l’occasione d’adunisce autori di a litteratura corsa è d’altrò intornu à libri esciuti da scrivani invitati. »
L’edizione 2023 si passerà da u 9 à u 12 d’aostu in Lumio. L’occasione di mette in vale, attori culturali è scrivani cum’è Jean-Yves Acquaviva, Cécilia Castelli, Benjamin Franceschetti, Eugène Gherardi è Kévin Petroni, Jean-François Roseau è d’altri…
U premiu di litteratura Musanostra
À tempu, è ghjè quì, un’altra tematica di l’associu, un cuncorsu di nuvelle dedicatu à litteratura francese è corsa cù un premiu (persone maiò in lingua corsa è francese, premiu ghjovanu). Ci hè dinò un premiu litterariu. Cusì, in Lumio è per a sesta edizione di u cuncorsu, Jean-Yves Acquaviva (Dans le flot des rivières, edizione Omarà, 2022), in corsu è François-Henri Désérable (L’usure d’un monde, Paris, Gallimard, 2023) anu da esse unurati.
In fine, l’associu publicheghja tutti l’anni (sette numari), una rivista chè l’autori sò tutti aderenti di a struttura. « Ci sò dinò autori invitati o scrivani chì volenu sparte è scambià intornu tematiche particulare. »
Natu in u 2008, iss’associu cerca à urganizà evenimenti culturali chì mettenu in vale a litteratura isulana, l’arte di a lingua corsa, u sinemà à traversu festivali, scontri, cunferenze. L’associu, chì festighjeghja i so quindeci anni, hà da marcà iss’anniversariu à l’occasione di E Statinate, da u 9 à u 12 d’aostu in Lumio...
In u 2008, Marie-France Bereni-Canazzi, prufessore di lettere muderne oghje presidente di l’associu Musanostra, si vole impegnà à prò di l’arte, i rumanzi, a litteratura corsa, in lingua nustrale, ma micca solu. L’associu Musanostra hè in marchja...«À l’iniziu, spiega a donna, l’idea era di diffusà è sopratuttu di prumove a litteratura, à u sensu largu, ma dinò e scenze umane, i spettaculi è l’arti in a Corsica sana. »
Stallata in Bastia, a struttura s’hè vulsutu arrimbà nantu à parechji evenimenti cum’è u cuncettu di « caffè litterariu », « una manera, aghjusta Marie-France Bereni-Canazzi, di sviluppà issa pratica è di mettela in vale, è, à tempu, di permette à i lettori di scambià intornu à opere chì li piacianu, pocu impreme e tematiche... »
Trè festivale à l’annu
Altru evenimentu, e cunferenze, sempre intornu à debatiti nantu à tematiche precise o ricerca d’idee particulare.
Strada facendu, « Musanostra », chì porta bè u so nome, s’hè stallata in u paisaghju culturale corsu. Masimu à traversu una terza tematica, forse a più impurtante : u festivale. L’occasione, di fà valè u travagliu di a struttura è di sulcà, à tempu, l’indiatura. Cusì, ne sò nati trè : Cinemusa, u salonu di u libru in Bastia è e statinate.
« Cinemusa, chì hè prisente di dicembre, hè dedicatu à u studiu è l’adattazione di filmi esciuti da a litteratura mundiale. U salonu di u libru, ellu, liatu à a festa di a lingua, si passa di maghju cù un impegnu di a cità di Bastia è a Cullettività di Corsica. In fine, e statinate, si passanu di luglui è d’aostu durante trè ghjorni. Hè l’occasione d’adunisce autori di a litteratura corsa è d’altrò intornu à libri esciuti da scrivani invitati. »
L’edizione 2023 si passerà da u 9 à u 12 d’aostu in Lumio. L’occasione di mette in vale, attori culturali è scrivani cum’è Jean-Yves Acquaviva, Cécilia Castelli, Benjamin Franceschetti, Eugène Gherardi è Kévin Petroni, Jean-François Roseau è d’altri…
U premiu di litteratura Musanostra
À tempu, è ghjè quì, un’altra tematica di l’associu, un cuncorsu di nuvelle dedicatu à litteratura francese è corsa cù un premiu (persone maiò in lingua corsa è francese, premiu ghjovanu). Ci hè dinò un premiu litterariu. Cusì, in Lumio è per a sesta edizione di u cuncorsu, Jean-Yves Acquaviva (Dans le flot des rivières, edizione Omarà, 2022), in corsu è François-Henri Désérable (L’usure d’un monde, Paris, Gallimard, 2023) anu da esse unurati.
In fine, l’associu publicheghja tutti l’anni (sette numari), una rivista chè l’autori sò tutti aderenti di a struttura. « Ci sò dinò autori invitati o scrivani chì volenu sparte è scambià intornu tematiche particulare. »
