25a festa di a Nazione in Concadicembri, 8 è 9
Un duvere di memoria
25a festa di a Nazione in Conca, un duvere di memoria
L’associu « A punta di l’Ortu » purtatu da u so capimachja Micheli Leccia, urganizeghja issi venneri è sabbatu, a vinticinquesima edizione di a festa di a nazione. L’Occasione, à traversu issi dui ghjorni, di mantene à memoria è d’impegnà tutti i paisani…
Primu associu as avè festighjatu l’ottu di dicembre vinticinqu’anni fà, « A punta di l’Ortu » s’impegna dapoi, tutti l’anni à prò d’un duvere di memoria impurtante. Si tratta quì, è senza alcunu aspettu puliticu, di mischià in dui ghjorni, storia, cultura, cantu è patrimoniu. À l’origine d’issu prughjettu, Micheli Leccia, capimachja di u Cullettivu « Parlemu Corsu ». « Semu partuti à pochi, spiega u respunsevule, 100 parsoni ingiru à un focu, par retablì a memoria. Dopu, ci hè statu un cambiamentu maiò postu ch’è no semu oghji, 500 à festighjà l’ottu di dicembri tutti l’anni... »
Sulcà a vinticiquesima edizione
Di fattu, u cuncettu si passa in dui ghjorni (à spessu u vennari è u sabbatu postu chè monda ghjente ùn travaglianu micca a dumenicata). « U sapata permetta d’avè di più mondu, aghjusta Micheli Leccia, hè impurtanti par no... »
Prisenta dapoi l’iniziu, a famosa bandera (300 m²!) chì si mettia nanzu, nantu à a muntagna di a Punta di l’ortu (chì hà datu u so nome à l’associu). Oghje l’anu falata appena sin’à à Punta Calcina. « Cusì, si veda da l’altri paesi, preciseghja Micheli Leccia...Un cuntenutu, ellu, scambia pocu. Mischia tutti l’aspetti chì ci toccanu assai : storia, cultura, patrimoniu, religione…
Cusì, è à l’occasione di a vinticinquesima edizione, l’urganizatori anu vulsutu marcà u colpu è sulcà issu mumentu. « I fatti maiò d’issi dui ghjorna quì, s’anu da passà u sapatu, ma avemu vulsutu marcà u colpu pà l’ottu. Cusì un focu d’artifiziu simbolicu è, di sicuru, a bandera (dighjà pronta dipoi dumenica scorsu. Dopu, avemu dà unurà a Vergine Maria, cù dui canti, l’Avè Maria Stella è u Diu Vi Salvi Regina cantati davanti à a ghjesgia. »
Messa cantata, granitula è muresca
U sabbatu marca u tempu maiò d’issa festa. L’urganizatori anu invitatu a cunfraternita Santa Croce di Purtivechju è quella di Santa Croce di San Fiurenza per una messa cantata in paghjella cù a curale di u paese. Dopu à a messa (à sei ore di sera), è a prucessiò, a famosa granitula. « Par passà da u sacru à u prufanu, ripiglia Micheli Leccia, una manera, par no, di ritualizà issu mumentu di a vita. Hè un ciculu è l’avemu fattu cusì par mantena u duveri di memoria è fà ch’ell’ùn si perdi. »
A muresca, sunata è ballata piglierà a seguita, sempre inde u listessu spiritu. Nanzu un picculu scenariu per illustrà a lettura, da zitelli, di l’articulu unu di u 1735. L’occasione, per i chjuchi è i maiò (una dimensione interegeraziunale), di vestesi à l’usu di st’epica quì. In fine, i zitelli di a scola di cantu di Conca anu da cantà « Sunate lu Cornu ». Ma a serata ùn ferà chè principià. Postu chè, in a sala di e festa, u gruppu « La Taverne du Roi », purtatu da Serge Vacca chì hà esciutu u so primu dischettu, serà incaricatu di l’animazione. L’occasione, in dui ghjorni, di mantene una fiara spurtica intornu à fatti storichi, religiosi, musiche è balli d’eri è d’oghje…
F.P.
L’associu « A punta di l’Ortu » purtatu da u so capimachja Micheli Leccia, urganizeghja issi venneri è sabbatu, a vinticinquesima edizione di a festa di a nazione. L’Occasione, à traversu issi dui ghjorni, di mantene à memoria è d’impegnà tutti i paisani…
Primu associu as avè festighjatu l’ottu di dicembre vinticinqu’anni fà, « A punta di l’Ortu » s’impegna dapoi, tutti l’anni à prò d’un duvere di memoria impurtante. Si tratta quì, è senza alcunu aspettu puliticu, di mischià in dui ghjorni, storia, cultura, cantu è patrimoniu. À l’origine d’issu prughjettu, Micheli Leccia, capimachja di u Cullettivu « Parlemu Corsu ». « Semu partuti à pochi, spiega u respunsevule, 100 parsoni ingiru à un focu, par retablì a memoria. Dopu, ci hè statu un cambiamentu maiò postu ch’è no semu oghji, 500 à festighjà l’ottu di dicembri tutti l’anni... »
Sulcà a vinticiquesima edizione
Di fattu, u cuncettu si passa in dui ghjorni (à spessu u vennari è u sabbatu postu chè monda ghjente ùn travaglianu micca a dumenicata). « U sapata permetta d’avè di più mondu, aghjusta Micheli Leccia, hè impurtanti par no... »
Prisenta dapoi l’iniziu, a famosa bandera (300 m²!) chì si mettia nanzu, nantu à a muntagna di a Punta di l’ortu (chì hà datu u so nome à l’associu). Oghje l’anu falata appena sin’à à Punta Calcina. « Cusì, si veda da l’altri paesi, preciseghja Micheli Leccia...Un cuntenutu, ellu, scambia pocu. Mischia tutti l’aspetti chì ci toccanu assai : storia, cultura, patrimoniu, religione…
Cusì, è à l’occasione di a vinticinquesima edizione, l’urganizatori anu vulsutu marcà u colpu è sulcà issu mumentu. « I fatti maiò d’issi dui ghjorna quì, s’anu da passà u sapatu, ma avemu vulsutu marcà u colpu pà l’ottu. Cusì un focu d’artifiziu simbolicu è, di sicuru, a bandera (dighjà pronta dipoi dumenica scorsu. Dopu, avemu dà unurà a Vergine Maria, cù dui canti, l’Avè Maria Stella è u Diu Vi Salvi Regina cantati davanti à a ghjesgia. »
Messa cantata, granitula è muresca
U sabbatu marca u tempu maiò d’issa festa. L’urganizatori anu invitatu a cunfraternita Santa Croce di Purtivechju è quella di Santa Croce di San Fiurenza per una messa cantata in paghjella cù a curale di u paese. Dopu à a messa (à sei ore di sera), è a prucessiò, a famosa granitula. « Par passà da u sacru à u prufanu, ripiglia Micheli Leccia, una manera, par no, di ritualizà issu mumentu di a vita. Hè un ciculu è l’avemu fattu cusì par mantena u duveri di memoria è fà ch’ell’ùn si perdi. »
A muresca, sunata è ballata piglierà a seguita, sempre inde u listessu spiritu. Nanzu un picculu scenariu per illustrà a lettura, da zitelli, di l’articulu unu di u 1735. L’occasione, per i chjuchi è i maiò (una dimensione interegeraziunale), di vestesi à l’usu di st’epica quì. In fine, i zitelli di a scola di cantu di Conca anu da cantà « Sunate lu Cornu ». Ma a serata ùn ferà chè principià. Postu chè, in a sala di e festa, u gruppu « La Taverne du Roi », purtatu da Serge Vacca chì hà esciutu u so primu dischettu, serà incaricatu di l’animazione. L’occasione, in dui ghjorni, di mantene una fiara spurtica intornu à fatti storichi, religiosi, musiche è balli d’eri è d’oghje…
F.P.
