Claude Monet s'invita à u Museu Fesch !
<< Le bassin aux Nymphéas >> au Musée Fesch jusqu'au 3 juin
Claude Monet s’invita à u Museu Fesch !
In u quadru di u centucinquantesimu anniversariu di l’impressiunisimu, u Palazzu Fesch accoglie sin’à u trè di ghjugnu, « Le bassin aux Nymphéas », un’opera maiò di Claude Monet.
Cù e so 16000 tele da i primitivi taliani sin’à e nature morte passendu per artisti isulani è tanti altri, u Museu Fesch hà avutu, in menu di vinti anni, una certa nuturietà chì ne face, oghje, una struttura maiò à u nivellu naziunale. Ma, per ciò chì tuccava à l’impressiunisimu, pocu è micca opera, à dilla franca. È ghjè à l’occasione di u centucinquantesimu anniversariu di iss’arte quì, chè una tele hè accolta in i muri di u Palazzu Fesch. È micca n’importa quale esse. S’agisce di « Le bassin aux Nymphéas », harmonie rose », opera maiò di Claude Monet. Une tele chì face parte di u ciculu di e « Nymphéas » sviluppatu nantu à guasgi trenta anni per sbuccà nantu à e famose « Grandes Décorations» di l’autore.
178 opere imprestate à u nivellu naziunale
« Per noi, spiega Simone Guerrini, aghjunta dedicata à a cultura à a cità d’Aiacciu, hè un evenimentu maiò ! Un evenimentu naziunale, postu chè si festighjeghja, questu annu, u 150u anniversariu di l’Impressiunisimu. Semu fieri d’accoglie l’opera a più impurtante di Claude Monet. »
Cusì, è ind’una logica di sparghje iss’arte quì aldilà di i so muri, u Museu d’Orsay hà sceltu d’imprestà 178 opere, spertute in 13 regione. Frà elle, a Corsica è u Museu Fesch chì hà avutu a furtuna d’esse u primu à sceglie è di « piglià si », per trè mesi, l’opera a più impurtante di Claude Monet. « Semu appena furtunati, conta Philippe Costamagna, cunservatore di u Museu Fesch, avemu una leia cù i Musei naziunali i più impurtante, d’Orsay, Versailles o u Louvre, è quand’è noi li dumandemu qualcosa, ùn ricusanu mai. Serà forse u so amore per a Corsica chì ci permette d’avè tanti è tanti capi d’opera. Tandu,quandu Christophe Leribault, presidente di i Musei d’Orsay, ci hà dumandatu ciò ch’è noi vuliamu, avemu sceltu, di sicuru, u capi opera di Claude Monet.»
Duie opere di Fabrice Hyber
A settimana scorsa, a tele di Claude Monet hè stata prisentata di manera ufficiale da Simone Guerrini è Philippe Costamagna accumpagnati d’Annick Le Marrec è Nathalie Basile, respunsevule di u Palazzu Fesch. Ma Claude Monet, ùn hè « solu ». Accantu à ellu, duie opere cuetane di Fabrice Hyber, un arte ch’ùn face micca l’unanimità. « Avemu vulsutu mustrà, à tempu, aghjusta Philippe Costamagna, chè iss’arte quì t’hà a so piazza à accantu à Monet, chì in i so tempi, era statu monda criticatu. Fabrice Hyber hè un artistu francese rinumatu, primurosu di l’ambiente, i dui ponu viaghjà inseme. »
« En construction », un’opera di questu annu, una pittura fatta à l’oliu, hè dunque prisenta in a sala dedicata à « Le Bassin des Nymphéas » induve ritruvemu ghjustu à cantu, u ritrattu chì hà datu l’inspirazione à Claude Monet, tempi fà.
U Palazzu Fesch, riccu di milaie di tele è altri ugetti, ùn n’avia mai, sin’à d’avà, accoltu, un’opera impressiunista. Logicu, d’avè sceltu a più maiò di Monet. Da chì dà una nuturietà supplementaria à l’edifiziu. Claude Monet « invitatu » à mezu à a famiglia Bonaparte...Da vede sin’à u 3 di ghjugnu.
Ph.P.
In u quadru di u centucinquantesimu anniversariu di l’impressiunisimu, u Palazzu Fesch accoglie sin’à u trè di ghjugnu, « Le bassin aux Nymphéas », un’opera maiò di Claude Monet.
Cù e so 16000 tele da i primitivi taliani sin’à e nature morte passendu per artisti isulani è tanti altri, u Museu Fesch hà avutu, in menu di vinti anni, una certa nuturietà chì ne face, oghje, una struttura maiò à u nivellu naziunale. Ma, per ciò chì tuccava à l’impressiunisimu, pocu è micca opera, à dilla franca. È ghjè à l’occasione di u centucinquantesimu anniversariu di iss’arte quì, chè una tele hè accolta in i muri di u Palazzu Fesch. È micca n’importa quale esse. S’agisce di « Le bassin aux Nymphéas », harmonie rose », opera maiò di Claude Monet. Une tele chì face parte di u ciculu di e « Nymphéas » sviluppatu nantu à guasgi trenta anni per sbuccà nantu à e famose « Grandes Décorations» di l’autore.
178 opere imprestate à u nivellu naziunale
« Per noi, spiega Simone Guerrini, aghjunta dedicata à a cultura à a cità d’Aiacciu, hè un evenimentu maiò ! Un evenimentu naziunale, postu chè si festighjeghja, questu annu, u 150u anniversariu di l’Impressiunisimu. Semu fieri d’accoglie l’opera a più impurtante di Claude Monet. »
Cusì, è ind’una logica di sparghje iss’arte quì aldilà di i so muri, u Museu d’Orsay hà sceltu d’imprestà 178 opere, spertute in 13 regione. Frà elle, a Corsica è u Museu Fesch chì hà avutu a furtuna d’esse u primu à sceglie è di « piglià si », per trè mesi, l’opera a più impurtante di Claude Monet. « Semu appena furtunati, conta Philippe Costamagna, cunservatore di u Museu Fesch, avemu una leia cù i Musei naziunali i più impurtante, d’Orsay, Versailles o u Louvre, è quand’è noi li dumandemu qualcosa, ùn ricusanu mai. Serà forse u so amore per a Corsica chì ci permette d’avè tanti è tanti capi d’opera. Tandu,quandu Christophe Leribault, presidente di i Musei d’Orsay, ci hà dumandatu ciò ch’è noi vuliamu, avemu sceltu, di sicuru, u capi opera di Claude Monet.»
Duie opere di Fabrice Hyber
A settimana scorsa, a tele di Claude Monet hè stata prisentata di manera ufficiale da Simone Guerrini è Philippe Costamagna accumpagnati d’Annick Le Marrec è Nathalie Basile, respunsevule di u Palazzu Fesch. Ma Claude Monet, ùn hè « solu ». Accantu à ellu, duie opere cuetane di Fabrice Hyber, un arte ch’ùn face micca l’unanimità. « Avemu vulsutu mustrà, à tempu, aghjusta Philippe Costamagna, chè iss’arte quì t’hà a so piazza à accantu à Monet, chì in i so tempi, era statu monda criticatu. Fabrice Hyber hè un artistu francese rinumatu, primurosu di l’ambiente, i dui ponu viaghjà inseme. »
« En construction », un’opera di questu annu, una pittura fatta à l’oliu, hè dunque prisenta in a sala dedicata à « Le Bassin des Nymphéas » induve ritruvemu ghjustu à cantu, u ritrattu chì hà datu l’inspirazione à Claude Monet, tempi fà.
U Palazzu Fesch, riccu di milaie di tele è altri ugetti, ùn n’avia mai, sin’à d’avà, accoltu, un’opera impressiunista. Logicu, d’avè sceltu a più maiò di Monet. Da chì dà una nuturietà supplementaria à l’edifiziu. Claude Monet « invitatu » à mezu à a famiglia Bonaparte...Da vede sin’à u 3 di ghjugnu.
Ph.P.
