A "ghinghetta vagabonda", un novu concettu musicale
Una caravana itinerante
A « ghinghetta vagabonda », un novu cuncettu musicale
À l’iniziativa di l’artistu Micheli Solinas, l’idea d’impegnà si musicalmente à prò di u mondu rurale hè sbuccata, qualchì tempu fà, nantu à un cuncettu chì adunisce una squadra allargata di musicanti isulani : a « ghinghetta vagabonda ». U scopu hè di fà u giru di i paesi corsi ind’una caravana accunciata à modu « canterinu », per prisentà canti è musiche di a tradizione ma dinò creazione.
Ùn si contanu più i prughjettu di l’artistu « Ziu » Micheli Solinas da Contraversu sin’à Tarraniu, passendu per a Zilimbrina o ancu creazione individuale... Ultimu prughjettu messu in vale, « A ghinghetta vagabonda », un cuncettu itinerante cù u scopu di prisentà canti è musiche di a nostra tradizione ma micca solu (jazz, creazione per indettu) ma sempre arrimbati à una radica corsa.
Una caravana itinerante
« Oghji, spiega l’artistu, l’offerta pruposta hè sempri a listessa è ùn piglia micca in contu a realità di u nosciu patrimoniu musicali, masimu in u mondu rurali. L’idea hè dunqua di prupona à la ghjenti, issi formi di canti è musichi, ma dinò creazioni...U tuttu di manera itineranti, vali à dì, cù una caravana accunciata à modu nosciu chì andaria in parechji paesi di l’isula, principiendu, di sicuru, cù u circondu aiaccinu. »
Musicanti diversi
Si tratta, tandu, di a ripresa di i repertorii di canti populari è di a musica da fà ballà a ghjente. Ogni volta cù viulinu, ghitarra, mandulina aduprati in a tradizionne ma dinò d’altri (pianò, contrabassa, percussione...) « U repertoriu populari hè pocu adupratu ind’è noi, aghjusta Micheli Solinas, hè una manera di prisintà lu è di metta lu in vali in un modu naturali. »
Altru scopu di l’artistu, una squadra di musicanti chì pudaria scambià d’una sera à l’altra secondu e dispunibilità d’ognunu. « Ùn semi micca un gruppu o una struttura definita, cuntinueghja u capimachja, nanzi à tuttu, ci hè a nuzioni di piaceri. Dopu, sò canti è musichi festivi dedicati à i nosci campagni ch’eddu ci voli à fà campà. Pà ciò chì tocca à l’artisti, ci voli à tena u listessu filu ma ùn ci hè nunda di fissu. Quiddu chì voli vena à purtà a so petra hè u benventu, basta ch’eddu entri in u spiritu è l’ambiu ch’è noi vulemi. »
Una prima creazione : a porta
Cusì, a prima squadra si cumpone di musicanti rinumati cum’è Jérôme Susini, tercanu di u jazz (ghitarra è mandulina), Thomas Moscardini, chì face parte, à tempu, di a struttura « Tarraniu » (pianò, percussione), Micheli Solinas (ghitarra, cantu viulinu, mandulina…) è Régis Renucci (contrabassa). Un travagliu chì hè dighjà sbuccatu nantu à una prima creazione : a porta, scritta da Stefanu Sage è cumposta da Micheli Solinas cù accunciamenti di Jérôme Susini. Un inseme appena jazz manouche di gran qualità. È un inseme chì, per avà, tene a strada. « U più impurtanti avali, ripiglia l’artistu, hè di truvà una caravana è d’accuncià la di manera à pudè girà. »
Una chjama hè stata mandata per un finanzamente i issu sensu quì.
Ma aldilà, u scopu hè dinò, di fà campà i paesi corsi durante l’invernu, à l’usu veghje, ch’elli sò vioti. E squadre anu da travaglià nantu à un repertoriu precisu fattu da musiche da fà ballà, canzone populare è creazione chì entrenu in issu cuncettu festivu. Una squadra, à l’usi anfarti, da seguità per issi paesi...
F.P.
photo : F.P
À l’iniziativa di l’artistu Micheli Solinas, l’idea d’impegnà si musicalmente à prò di u mondu rurale hè sbuccata, qualchì tempu fà, nantu à un cuncettu chì adunisce una squadra allargata di musicanti isulani : a « ghinghetta vagabonda ». U scopu hè di fà u giru di i paesi corsi ind’una caravana accunciata à modu « canterinu », per prisentà canti è musiche di a tradizione ma dinò creazione.
Ùn si contanu più i prughjettu di l’artistu « Ziu » Micheli Solinas da Contraversu sin’à Tarraniu, passendu per a Zilimbrina o ancu creazione individuale... Ultimu prughjettu messu in vale, « A ghinghetta vagabonda », un cuncettu itinerante cù u scopu di prisentà canti è musiche di a nostra tradizione ma micca solu (jazz, creazione per indettu) ma sempre arrimbati à una radica corsa.
Una caravana itinerante
« Oghji, spiega l’artistu, l’offerta pruposta hè sempri a listessa è ùn piglia micca in contu a realità di u nosciu patrimoniu musicali, masimu in u mondu rurali. L’idea hè dunqua di prupona à la ghjenti, issi formi di canti è musichi, ma dinò creazioni...U tuttu di manera itineranti, vali à dì, cù una caravana accunciata à modu nosciu chì andaria in parechji paesi di l’isula, principiendu, di sicuru, cù u circondu aiaccinu. »
Musicanti diversi
Si tratta, tandu, di a ripresa di i repertorii di canti populari è di a musica da fà ballà a ghjente. Ogni volta cù viulinu, ghitarra, mandulina aduprati in a tradizionne ma dinò d’altri (pianò, contrabassa, percussione...) « U repertoriu populari hè pocu adupratu ind’è noi, aghjusta Micheli Solinas, hè una manera di prisintà lu è di metta lu in vali in un modu naturali. »
Altru scopu di l’artistu, una squadra di musicanti chì pudaria scambià d’una sera à l’altra secondu e dispunibilità d’ognunu. « Ùn semi micca un gruppu o una struttura definita, cuntinueghja u capimachja, nanzi à tuttu, ci hè a nuzioni di piaceri. Dopu, sò canti è musichi festivi dedicati à i nosci campagni ch’eddu ci voli à fà campà. Pà ciò chì tocca à l’artisti, ci voli à tena u listessu filu ma ùn ci hè nunda di fissu. Quiddu chì voli vena à purtà a so petra hè u benventu, basta ch’eddu entri in u spiritu è l’ambiu ch’è noi vulemi. »
Una prima creazione : a porta
Cusì, a prima squadra si cumpone di musicanti rinumati cum’è Jérôme Susini, tercanu di u jazz (ghitarra è mandulina), Thomas Moscardini, chì face parte, à tempu, di a struttura « Tarraniu » (pianò, percussione), Micheli Solinas (ghitarra, cantu viulinu, mandulina…) è Régis Renucci (contrabassa). Un travagliu chì hè dighjà sbuccatu nantu à una prima creazione : a porta, scritta da Stefanu Sage è cumposta da Micheli Solinas cù accunciamenti di Jérôme Susini. Un inseme appena jazz manouche di gran qualità. È un inseme chì, per avà, tene a strada. « U più impurtanti avali, ripiglia l’artistu, hè di truvà una caravana è d’accuncià la di manera à pudè girà. »
Una chjama hè stata mandata per un finanzamente i issu sensu quì.
Ma aldilà, u scopu hè dinò, di fà campà i paesi corsi durante l’invernu, à l’usu veghje, ch’elli sò vioti. E squadre anu da travaglià nantu à un repertoriu precisu fattu da musiche da fà ballà, canzone populare è creazione chì entrenu in issu cuncettu festivu. Una squadra, à l’usi anfarti, da seguità per issi paesi...
F.P.
photo : F.P