A castagna, « regina » in Bucugnà
U spaziu rurale di Bucugnà urganizeghja, issi trè ghjorni, l’edizione monda aspetta, di a fiera di a castagna.
A castagna, « regina » in Bucugnà
U spaziu rurale di Bucugnà urganizeghja, issi trè ghjorni, l’edizione monda aspetta, di a fiera di a castagna. L’occasione di mette in vale una di e trafile e più impurtante di Corsica…
A squadra di u spaziu rurale di Bucugnà ripiglia fiatu dopu à l’incendiu di maghju scorsu induve una parte di u materiale dedicatu à a fiera, era statu brusgiatu. Finalmente, dopu à qualchì mese di strazii, travagliu, aiutu è sustegnu, l’edizione 2025, si tenerà durante trè ghjorni issa dumenicata. Sempre nantu à u listessu filu, mantenutu dapoi u 1982.
Appena di storia
À a fine di l’anni settanta, in pienu riacquistu, si tratta, di sicuru, di a cultura è di u cantu ma, à tempu di mantene, fà rinasce è fà campà u nostru sapè fà. Cusì, monda ghjovani volenu stallà si in i so paesi. Seranu i primi passi di e fiere tematiche. Hè in iss’ambiu quì ch’ella hè urganizata, in u 1982, a prima fiera di a castagna, dedicata à u fruttu di u famosu « arburu à pane », chì hà nutritu, tempi fà, u populu corsu sanu. D’altronde, Paoli dicia : « fine tantu chè noi averemu castagne, averemu pane... ». Sosule, mobuli ecc, u castagnu hè sempre statu à fiancu à i Corsi. In quantu à a logica di e fiere tematiche, quella di Bucugnà, forse a prima a più impurtante dopu à a famosa « Santa di Niolu », hè stata, à pocu à pocu seguitata d’altre, tutte intornu à prudutti nustrali : oliu, casgiu, mele, clementine, nuciola, robba purcina...È u famosu fruttu, ellu, hè statu messu « à tutte e salse » : bierra, whisky, dolci ghjacciati…
150 artisgiani è pruduttori aspettati
L’ottenzione di u labellu AOP è a strutturazione di tutte e fiere in a Federazione di e Fiere Rurale, Agricule è Artisgianale di Corsica (FRRAAC) hà permessu à a trafila, di francà un passu maiò. Oghje, a fiera di a castagna, hè divintata, cum’è tutte l’altre fiere tematiche, u spechju di a trafila. Una trafila chì si sviluppa monda cù una settantina di pruduttori è à pocu pressu 1200 tonne di farina prudutta à l’annu. Ma dinò cù una perioda assai dura in tempi di u cynips chì fece male à a trafila nanzu ch’ellu venghi u Torymus. « A trafila si stabisce, spieganu l’urganizatori, a fiera permette di mette tuttu issu sapè fà in vale. Questu anni, ci seranu 150 artisgiani è pruduttori in campu di fiera. Frà elli, prudutttori di farina castagnina da mustrà u so sapè fà. Hè, accantu, sempre u listess ambiu... »
20000 persone in trè ghjorni
Cusì, iss’edizione metterà in vale u travagliu di i pruduttori ma serà dinò, cù 20000 personne aspettate in trè ghjorni, l’occasione d’aghjustà un aspettu educativu cù 600 sculari aspettati u vennari, culturale (cuncertu di Vitalba è a scola di cantu), scambii cù d’altri paesi è rughjoni (u paese Bascu questu annu) senza sminticà u famosu cuncorsu regiunale di farina castagnina. L’occasione, dinò di tastà a famosa pulenta, d’impaghjellà o di ghjucà a morra...Trè ghjorni di festa intornu à u fruttu u più emblematicu di Corsica.
F.P.
PHOTO : F.P
PRUGRAMMA
Vennari u 5 di dicembre
À partesi da 9.00
-Ghjurnata di a tramandera :
Animazione per i sculari in campu di fiera è à palazzu di Bucugnà
-10.30 : apertura à publicu
-Sindicatu AOP farina castagnina, scuperta di a farina corsa, tastera di nucci è arrustite
-18.00 : aperitivu
Sabbatu 6 di dicembre
9.00 : apertura à u publicu
À partesi da 10.00 : attività bislingue per i zitelli
11.00 : apertura di a cantina
11.00 è 19.00 : apertura di l’usteria (pulenta è tianu di vitellu)
21.00 : cuncertu cù u gruppu Vitalba
Dumenica u 7 di dicembre
9.00 : apertura à u publicu
-Vendita di piantini di castagni di dui anni in cullaburazione cù u piantaghju di Castellucciu
-À partesi da 10.00 : attività bislingue per i zitelli
-11.00 : apertura di a cantina
-Usteria (pulenta, tianu di vitellu)
15.30 : cuncertu di a scola di cantu
17.00 : resultatu di u cuncorsu reghjunale di a farina castagnina corsa, bancu du u sindicatu
18.00 : tombula
20.00 : chjusura di a fiera
U spaziu rurale di Bucugnà urganizeghja, issi trè ghjorni, l’edizione monda aspetta, di a fiera di a castagna. L’occasione di mette in vale una di e trafile e più impurtante di Corsica…
A squadra di u spaziu rurale di Bucugnà ripiglia fiatu dopu à l’incendiu di maghju scorsu induve una parte di u materiale dedicatu à a fiera, era statu brusgiatu. Finalmente, dopu à qualchì mese di strazii, travagliu, aiutu è sustegnu, l’edizione 2025, si tenerà durante trè ghjorni issa dumenicata. Sempre nantu à u listessu filu, mantenutu dapoi u 1982.
Appena di storia
À a fine di l’anni settanta, in pienu riacquistu, si tratta, di sicuru, di a cultura è di u cantu ma, à tempu di mantene, fà rinasce è fà campà u nostru sapè fà. Cusì, monda ghjovani volenu stallà si in i so paesi. Seranu i primi passi di e fiere tematiche. Hè in iss’ambiu quì ch’ella hè urganizata, in u 1982, a prima fiera di a castagna, dedicata à u fruttu di u famosu « arburu à pane », chì hà nutritu, tempi fà, u populu corsu sanu. D’altronde, Paoli dicia : « fine tantu chè noi averemu castagne, averemu pane... ». Sosule, mobuli ecc, u castagnu hè sempre statu à fiancu à i Corsi. In quantu à a logica di e fiere tematiche, quella di Bucugnà, forse a prima a più impurtante dopu à a famosa « Santa di Niolu », hè stata, à pocu à pocu seguitata d’altre, tutte intornu à prudutti nustrali : oliu, casgiu, mele, clementine, nuciola, robba purcina...È u famosu fruttu, ellu, hè statu messu « à tutte e salse » : bierra, whisky, dolci ghjacciati…
150 artisgiani è pruduttori aspettati
L’ottenzione di u labellu AOP è a strutturazione di tutte e fiere in a Federazione di e Fiere Rurale, Agricule è Artisgianale di Corsica (FRRAAC) hà permessu à a trafila, di francà un passu maiò. Oghje, a fiera di a castagna, hè divintata, cum’è tutte l’altre fiere tematiche, u spechju di a trafila. Una trafila chì si sviluppa monda cù una settantina di pruduttori è à pocu pressu 1200 tonne di farina prudutta à l’annu. Ma dinò cù una perioda assai dura in tempi di u cynips chì fece male à a trafila nanzu ch’ellu venghi u Torymus. « A trafila si stabisce, spieganu l’urganizatori, a fiera permette di mette tuttu issu sapè fà in vale. Questu anni, ci seranu 150 artisgiani è pruduttori in campu di fiera. Frà elli, prudutttori di farina castagnina da mustrà u so sapè fà. Hè, accantu, sempre u listess ambiu... »
20000 persone in trè ghjorni
Cusì, iss’edizione metterà in vale u travagliu di i pruduttori ma serà dinò, cù 20000 personne aspettate in trè ghjorni, l’occasione d’aghjustà un aspettu educativu cù 600 sculari aspettati u vennari, culturale (cuncertu di Vitalba è a scola di cantu), scambii cù d’altri paesi è rughjoni (u paese Bascu questu annu) senza sminticà u famosu cuncorsu regiunale di farina castagnina. L’occasione, dinò di tastà a famosa pulenta, d’impaghjellà o di ghjucà a morra...Trè ghjorni di festa intornu à u fruttu u più emblematicu di Corsica.
F.P.
PHOTO : F.P
PRUGRAMMA
Vennari u 5 di dicembre
À partesi da 9.00
-Ghjurnata di a tramandera :
Animazione per i sculari in campu di fiera è à palazzu di Bucugnà
-10.30 : apertura à publicu
-Sindicatu AOP farina castagnina, scuperta di a farina corsa, tastera di nucci è arrustite
-18.00 : aperitivu
Sabbatu 6 di dicembre
9.00 : apertura à u publicu
À partesi da 10.00 : attività bislingue per i zitelli
11.00 : apertura di a cantina
11.00 è 19.00 : apertura di l’usteria (pulenta è tianu di vitellu)
21.00 : cuncertu cù u gruppu Vitalba
Dumenica u 7 di dicembre
9.00 : apertura à u publicu
-Vendita di piantini di castagni di dui anni in cullaburazione cù u piantaghju di Castellucciu
-À partesi da 10.00 : attività bislingue per i zitelli
-11.00 : apertura di a cantina
-Usteria (pulenta, tianu di vitellu)
15.30 : cuncertu di a scola di cantu
17.00 : resultatu di u cuncorsu reghjunale di a farina castagnina corsa, bancu du u sindicatu
18.00 : tombula
20.00 : chjusura di a fiera