E tradizione natalesche
In tutti i paesi è rughjoni, cristani o micca, a tradizione di Natale hè monda festighjata cù usi, chì piglianu, à spessu, e so radiche in u paganisimu.
E tradizione natalesche
In tutti i paesi è rughjoni, cristani o micca, a tradizione di Natale hè monda festighjata cù usi, chì piglianu, à spessu, e so radiche in u paganisimu. Da e pricantule di l’ochju à u vigilia di Natale, passendu per u maghju-focu natalescu- eccu qualchì tradizione sempre mantenute sin’à d’oghje…
In Corsica, pocu impreme l’usi cristiani o micca, a tradizione di Natale hè sempre festighjata.
Da u brodu di a vigilia à u fegadu grassu è l’ostrice
Ma s’è e tavule sò belle carche oghje, di salmone, ostrice, fegadu grassu, carne o pesciu, u tuttu cù vinu di « tutti i culori », i tempi sò scambiati per raportu à tempi fà. Di fattu, à quella epica, ci era, masimu in i paesi, a messa di mezanotte-celebrata abbastanza tardi-Nanzu, per aspettà, si pigliava un brodu è si manghjava pocu affare. U ripastu di Natale si facia, di regula, u 25 è sempre cù prudutti nustrali : robba purcina, caprettu « strettu » arrustitu o in salsa, « a rifredda »-in Alta Rocca, pulenta in certi lochi, buttarga (ovi di pesciu) in u rughjone bastiacciu, i sangui, dolci à a castagna à spessu. Oghje ferma solu u caprettu d’issu pranzu nustrale. È si tenia sempre un piattu per « u puvarettu », una tradizione mantenuta in certi lochi dinò.
U ceppu di Natale...è u maghju
Altra tradizione, appena liata à u paganisimu, u fattu di mette un ceppu maiò in u sciaminè è aspettà ch’ellu brusgi sin’à capu d’annu, segnu, tandu, di longa vita è di poche malatie l’annu à vene. Ci vulia à avè u listessu numaru di ceppi chè d’invitati da assicurà a salute per tutti, tuttu l’annu. Altru usu arrimbatu nantu à e celebrazione di u sulstiziu d’inguernu quessu quì, u fattu di fà un focu maiò-chjamatu u maghju in certi paesi-, à spessu in piazza à la chjesgia. Un focu chì ci ramenta quellu di u 21 di ghjugnu è i dui liati i i dui San Ghjuvà, d’inguernu è d’estate. Cù un raportu strettu cù a natura. U focu era accesu nanzu à a messa di mezanotte è devia tene sin’à l’alba. U lindumane, e cenere eranu distribuite in tutte e case da prutteghje a ghjente di u male. Oghje, isse tradizione spariscenu à pocu à pocu, pigliate da quelle di u ghjalicu, d’origine celtica. In quantu à i rigali è sopratuttu Babbu Natale, sò usi ch’ùn sò tantu vechji. L’omu vestutu di rossu, immurtalizatu per chjuchi è maiò da Tino Rossi, piglia e so radiche cù u Santa Claus, liatu à a San Niculau, celebratu u sei di dicembre. A tradizione di i rigali, ella, culleria à l’antichità rumana. Ma una pianta chì piglia dinò e so radiche inde l’antichità hè u caracutu. In Corsica, tempi fà, ci era piuttostu una rama d’albitru davanti à e porte...
Una tradizione antica : l’ochju
S’è tutte isse tradizione spariscenu à pocu à pocu, ci n’hè una chì, pocu impreme u tempu è l’evoluzione di a sucetà, chì s’hè mantenutu sin’à oghje è chì, ci vole à dilla, cuntinueghja à tramandà si : quellu di l’ochju. Forse una tradizione antica prisente in d’altri lochi ma chì face a leia trà religione è paganisimu. Tempi fà, era tramandata, solu in un quadru famigliale, masimu da donna à femina. Oghje, si sparghje aldilà di a famiglia è ancu l’omi l’amparanu. Ci seria a signadora chì segna cù l’oliu (una gocce nantu à u mignulellu è s’ella si sdrughje inde l’acqua, avete l’ochju), cù a pricantula (sta volta si segna nantu à u capu) è ci sò ancu i sfumadori, chì facenu brusgià certe piante da pudè leghje l’avvene. Di regula, e pricantule, ùn si ponu, nè leghje, nè scrive, s’amparanu da u ciuttà di u sole sin’à l’alba. In certi paesi, si ponu amparà sapè fà, pricantule è usi diversi da Natale à capu d’annu.
F.P
Crédit photo : F.P
In tutti i paesi è rughjoni, cristani o micca, a tradizione di Natale hè monda festighjata cù usi, chì piglianu, à spessu, e so radiche in u paganisimu. Da e pricantule di l’ochju à u vigilia di Natale, passendu per u maghju-focu natalescu- eccu qualchì tradizione sempre mantenute sin’à d’oghje…
In Corsica, pocu impreme l’usi cristiani o micca, a tradizione di Natale hè sempre festighjata.
Da u brodu di a vigilia à u fegadu grassu è l’ostrice
Ma s’è e tavule sò belle carche oghje, di salmone, ostrice, fegadu grassu, carne o pesciu, u tuttu cù vinu di « tutti i culori », i tempi sò scambiati per raportu à tempi fà. Di fattu, à quella epica, ci era, masimu in i paesi, a messa di mezanotte-celebrata abbastanza tardi-Nanzu, per aspettà, si pigliava un brodu è si manghjava pocu affare. U ripastu di Natale si facia, di regula, u 25 è sempre cù prudutti nustrali : robba purcina, caprettu « strettu » arrustitu o in salsa, « a rifredda »-in Alta Rocca, pulenta in certi lochi, buttarga (ovi di pesciu) in u rughjone bastiacciu, i sangui, dolci à a castagna à spessu. Oghje ferma solu u caprettu d’issu pranzu nustrale. È si tenia sempre un piattu per « u puvarettu », una tradizione mantenuta in certi lochi dinò.
U ceppu di Natale...è u maghju
Altra tradizione, appena liata à u paganisimu, u fattu di mette un ceppu maiò in u sciaminè è aspettà ch’ellu brusgi sin’à capu d’annu, segnu, tandu, di longa vita è di poche malatie l’annu à vene. Ci vulia à avè u listessu numaru di ceppi chè d’invitati da assicurà a salute per tutti, tuttu l’annu. Altru usu arrimbatu nantu à e celebrazione di u sulstiziu d’inguernu quessu quì, u fattu di fà un focu maiò-chjamatu u maghju in certi paesi-, à spessu in piazza à la chjesgia. Un focu chì ci ramenta quellu di u 21 di ghjugnu è i dui liati i i dui San Ghjuvà, d’inguernu è d’estate. Cù un raportu strettu cù a natura. U focu era accesu nanzu à a messa di mezanotte è devia tene sin’à l’alba. U lindumane, e cenere eranu distribuite in tutte e case da prutteghje a ghjente di u male. Oghje, isse tradizione spariscenu à pocu à pocu, pigliate da quelle di u ghjalicu, d’origine celtica. In quantu à i rigali è sopratuttu Babbu Natale, sò usi ch’ùn sò tantu vechji. L’omu vestutu di rossu, immurtalizatu per chjuchi è maiò da Tino Rossi, piglia e so radiche cù u Santa Claus, liatu à a San Niculau, celebratu u sei di dicembre. A tradizione di i rigali, ella, culleria à l’antichità rumana. Ma una pianta chì piglia dinò e so radiche inde l’antichità hè u caracutu. In Corsica, tempi fà, ci era piuttostu una rama d’albitru davanti à e porte...
Una tradizione antica : l’ochju
S’è tutte isse tradizione spariscenu à pocu à pocu, ci n’hè una chì, pocu impreme u tempu è l’evoluzione di a sucetà, chì s’hè mantenutu sin’à oghje è chì, ci vole à dilla, cuntinueghja à tramandà si : quellu di l’ochju. Forse una tradizione antica prisente in d’altri lochi ma chì face a leia trà religione è paganisimu. Tempi fà, era tramandata, solu in un quadru famigliale, masimu da donna à femina. Oghje, si sparghje aldilà di a famiglia è ancu l’omi l’amparanu. Ci seria a signadora chì segna cù l’oliu (una gocce nantu à u mignulellu è s’ella si sdrughje inde l’acqua, avete l’ochju), cù a pricantula (sta volta si segna nantu à u capu) è ci sò ancu i sfumadori, chì facenu brusgià certe piante da pudè leghje l’avvene. Di regula, e pricantule, ùn si ponu, nè leghje, nè scrive, s’amparanu da u ciuttà di u sole sin’à l’alba. In certi paesi, si ponu amparà sapè fà, pricantule è usi diversi da Natale à capu d’annu.
F.P
Crédit photo : F.P