Petru Squarcini vole rivinvisce u spiritu anticu di u vechjuAiacciu
Zitellu di u Borgu induve ellu hè cresciutu, Petru Squarcini cerca dapoi ch’ellu creò u « Teatru Nustrali »....
Petru Squarcini vole rivinvisce u spirituanticu di u vechjuAiacciu
Zitellu di u Borgu induve ellu hè cresciutu, Petru Squarcini cerca dapoi ch’ellu creò u « Teatru Nustrali » in u 2013, à dà vita à iss’anima antica chì, per disgrazia, sparisce un pocu di più, ogni ghjornu…
Risate, fiacchine, usi, panni, tradizioni, parlata aiaccina, sòavà tredeci anni chè, arrimbatu nantu à a so zitellina, Petru Squarcini cerca à mette nantu à a scena, stonde sculpite ind’aso memoria, masimu in u Borgu. « Missià è minnana paternistavani à a ghinghetta vicinu à stretta di a funtana d’aostu » -chjamata avà rue de l’Assomption- spiega l’artistu, issi lochiquì erani un teatru vivu, induva ùn si parlava cà corsu. Ùn ci era micca quartieri, tandu, ma piuttostu paisoli. Cumu diciababbu : « si campava felici in a miseria. U pocu faciaassai. » Cù a me suredda Vincenti, durmiani sempri ind’èmissià è minnana. Una famidda di pescadori. Da u cantu di mamma, i Cristo, ghjunghjiani da l’isula di Ponza, vicinu à Napuli. Tandu, Aiacciu era un paesi. I quartieri di i Canni, i Salini, San Ghjuvà, ecc…Sò ghjunti dopu.
Dopu à una scularità à a scola di i Canni, culleghju è liceu in u Finusellu, Petru pianta i so studii. « Aviu pocu vulintà di studià, aghjusta l’omu, ma à l’età di 40, mi tuccò à ripiddàtuttu, passà u basciliè L, a certificazioni in lingua corsa è l’abilitazioni pà pudè passà un esamini, tuttu u listessu annu,in u 2009. M’eru ancu scrittu à l’università. »
Zia Margarita, spechju di u vechju Borgu
Passiunatu-è ancu di più- di a so lingua materna, è cuscientedi l’impurtanza di fà qualcosa per salvà ciò chì ferma, mette in piazza, in u 2013, u « teatru nustrali », induva, d’altronde, ritrova a so amica Pasqualone. « Erami à a scola materna insemi. Era di a famidda di i Nicolaï, cugnumati i « Salamò ». Tutti aviani un cugnomi à l’epica, i « bouillon » (Vitali), i « banane » (Gentili), Ninina a sciarbuniera, Jacqueline « Mulizzona » è tanti altri…Eppo di u cantu di mamma, cierani i Lucci, Ghjaseppu Scarpettu, chì t’avia i scarpi troppumaiò…Eru un spiritu nustrali è ghjè què ch’aghju vulsutu fàrinascia. »
Di issu spiritu, sò nati parechji spettaculi : « Pomi, maccaroniè puttachjoni », « I spartimenti », « Annus Horribilis », senza cuntà nantu à i filmetti-è dinò a scena- cù a « famosa » Zia Margarita accumpagnata, à spessu d’altri persunaghji(Maria, Antone, Pasquale…). Tutti, facenu rivinvisce u spiritunustrale di u Borgu. « Teatru nustrali, hè un spechju di issu locu induva sò crisciutu. Ziteddi, andavami ind’è Lagana à sciaccà ci un ghjacciu è mi ramentu a frasa : « Super Glaces, si tu as pas de sous, tu t’en passes… ». Ci era dinò « 5 à sec », « aux 1000 articles », « un franc service », « Castagnoni », i partiti di ballò d’un quartieru à l’altru. Hè tuttu què ch’è no ritruvemi in i spettaculi. Ognunu si ricunnosci… »
Una passione purtata dinò da u so babbu Pierrot, chì vindia è stampava dinò u JDC tempi fà. Un filu tramandatu à i sofiglioli Martinu è Paulu Antone, è à Carlu Andria, u sofigliulinu. E chì cuntinueghja cù un ultimu spettaculu, compiuè prontu à esse prisentatu : « Costa u Low Costu », un spettaculu burlescu, cum’è l’altri. L’occasione di mantene unafiara chì sparisce. « Aiacciu hà persu a so anima. Avà, semi tutti schiavi di u telefuninu. Eppo, cum’edda dicia minnana : « Oghji, ora pruvè, tuttu par mè. »
Malgratu issi tempi scuri per i nostri usi, tradizione è a lingua corsa, Petru Squarcini cerca, cù u so impegnu è u so travagliuà prò di a lingua, à mantene issu filu sempre vivu.
F.P.