U filu « storicu » di Pierre-Henri Weber
Passiunatu dapoi ch’ellu hè zitellu, di tuttu ciò chì tocca à a storia, Pierre-Henri Weber face dapoi una decina d’anni fora di u so travagliu una ricerca nantu à l’arme aduprate in tempi di u Medievu. L’occasione, per ellu, di creà mudelli unichi : una b
U filu « storicu » di Pierre-Henri Weber
Passiunatu dapoi ch’ellu hè zitellu, di tuttu ciò chì tocca à a storia, Pierre-Henri Weber face dapoi una decina d’anni fora di u so travagliu una ricerca nantu à l’arme aduprate in tempi di u Medievu. L’occasione, per ellu, di creà mudelli unichi : una balestra, trè flezze, una corsesca, un trabuccu, una spada è di misurà un sapè fà è tecniche chì, oghje si sò persi…
In u so attellu chì si trova sottu a stretta Colonna d’Istria, in Aiacciu, Pierre-Henri Weber travaglia nantu à u so misteriu (piumbaghju specializatu nantu à a climatisazione). Accantu, hà cuncepitu un spaziu persunale. « Quì,spiega l’artisgianu, fora di mè, nimu ci entri... »
Ci si trova una bibbiutecca spiccata in parechje tematiche (storia, simbulica, spiritualità…), un scagnu è qualchì sculture poste quì è cullandi. Cum’è issu magnificu libru apertu sculpitu ind’un legnu di castagnu.
A storia, una passione ch’ellu porta, cù u so fratellu Ghjuvan Micheli, dapoi zitellu. « I nostri missiavi è minnani ci anu tramandatu issa passioni pà l’archeulugia, a storia... Ziteddi, erami sempri nantu à i siti preistorichi... »
Nantu à i chjassi di a memoria
Fora di u so travagliu, Pierre-Henri face a ricerca di e so radiche : i Peraldi in Currà è i Nivaggioni in Basterga. Ciò chì li piglia monda tempu è li dà un travaglione. A so perioda seria un Medievu è masimu da a fine di u XVu à u principiu di u XVIu.
Hè in stu quadru quì, ch’ellu hà vulsutu travaglià nantu à l’arme di iss’epica quì. « Aghju vulsutu fabricà li per capiscia a metudulugia di a ghjenti di l’epica...Di fattu, s’aduprava ciò chì ci era intornu à eddi : legnu, mettallu senza pianu di cuncezzioni. Ciò m’hè parsu interessanti era u funziunamentu cù principii fisichi. »
Hè cusì ch’elle sò nate, qualchì tempu fà, un trabuccu, una balestra, flezze, una spada è una corsesca (spezia di lancia specifica à a Corsica longa cù trè punte…). « Ùn aghju fattu ch’un mudellu solu bulichendu tecnichi è materii à tempu muderni è tradiziunali (acciaghju, castagnu, stazzona…). Sò armi ch’aghju trovu in parechji libri specializati. Ma ogni artisgianu avia a so tecnica, i so stuvigli. A difficultà, ùn hè di cuncepiscia mai fà chè l’armi pudessini essa utilizati. Una arma armuniosa hè una arma chì hà un funziunamentu ghjustu... »
Pierre-Henri Weber hà cuncepitu l’arme senza mudelli nè mancu una tecnica particulare. L’inseme per u so piacè ma...micca solu.
«Issu travaddu ci permetta, prima di tuttu, di capiscia appena cum’eddi campavani i nosci antenati. L’intaressa, fora d’una suddisfazzioni parsunali hè di tramandà. S’è ùn sapè o una tecnica ùn so tramandati à i generazioni novi, ùn ci hè sensu... »
Cusì, è dapoi qualchì annu, l’artisgianu-artistu- scultore impresta e so arme à Chantal de Peretti, chì travaglia nantu à a storia à a Cullettività di Corsica per andà à fà animazione in e scole di u circondu è ancu aldilà (culleghji, licei, università). Pierre-Henri participeghja, da u so cantu, à e ghjurnate di u Patrimoniu o quelle di l’archeulugia.
« Tuttu què ci permetta di ritruvà tecnichi ch’è noi t’avemi persu. Ci sò fundamenti di l’essa, pricipii di vita è ancu un mecanisimu di u pinsà di l’epica... »
Pierre-Henri Weber concepisce arme, u so fratellu Ghjuvan Micheli, strumenti di musica ma a demarchja hè listessa. Si scrive ind’a ricerca d’un’identità corsa chì sparisce. Una manera di sapè d’induve ghjunghjemu per sapè induve andà…
Passiunatu dapoi ch’ellu hè zitellu, di tuttu ciò chì tocca à a storia, Pierre-Henri Weber face dapoi una decina d’anni fora di u so travagliu una ricerca nantu à l’arme aduprate in tempi di u Medievu. L’occasione, per ellu, di creà mudelli unichi : una balestra, trè flezze, una corsesca, un trabuccu, una spada è di misurà un sapè fà è tecniche chì, oghje si sò persi…
In u so attellu chì si trova sottu a stretta Colonna d’Istria, in Aiacciu, Pierre-Henri Weber travaglia nantu à u so misteriu (piumbaghju specializatu nantu à a climatisazione). Accantu, hà cuncepitu un spaziu persunale. « Quì,spiega l’artisgianu, fora di mè, nimu ci entri... »
Ci si trova una bibbiutecca spiccata in parechje tematiche (storia, simbulica, spiritualità…), un scagnu è qualchì sculture poste quì è cullandi. Cum’è issu magnificu libru apertu sculpitu ind’un legnu di castagnu.
A storia, una passione ch’ellu porta, cù u so fratellu Ghjuvan Micheli, dapoi zitellu. « I nostri missiavi è minnani ci anu tramandatu issa passioni pà l’archeulugia, a storia... Ziteddi, erami sempri nantu à i siti preistorichi... »
Nantu à i chjassi di a memoria
Fora di u so travagliu, Pierre-Henri face a ricerca di e so radiche : i Peraldi in Currà è i Nivaggioni in Basterga. Ciò chì li piglia monda tempu è li dà un travaglione. A so perioda seria un Medievu è masimu da a fine di u XVu à u principiu di u XVIu.
Hè in stu quadru quì, ch’ellu hà vulsutu travaglià nantu à l’arme di iss’epica quì. « Aghju vulsutu fabricà li per capiscia a metudulugia di a ghjenti di l’epica...Di fattu, s’aduprava ciò chì ci era intornu à eddi : legnu, mettallu senza pianu di cuncezzioni. Ciò m’hè parsu interessanti era u funziunamentu cù principii fisichi. »
Hè cusì ch’elle sò nate, qualchì tempu fà, un trabuccu, una balestra, flezze, una spada è una corsesca (spezia di lancia specifica à a Corsica longa cù trè punte…). « Ùn aghju fattu ch’un mudellu solu bulichendu tecnichi è materii à tempu muderni è tradiziunali (acciaghju, castagnu, stazzona…). Sò armi ch’aghju trovu in parechji libri specializati. Ma ogni artisgianu avia a so tecnica, i so stuvigli. A difficultà, ùn hè di cuncepiscia mai fà chè l’armi pudessini essa utilizati. Una arma armuniosa hè una arma chì hà un funziunamentu ghjustu... »
Pierre-Henri Weber hà cuncepitu l’arme senza mudelli nè mancu una tecnica particulare. L’inseme per u so piacè ma...micca solu.
«Issu travaddu ci permetta, prima di tuttu, di capiscia appena cum’eddi campavani i nosci antenati. L’intaressa, fora d’una suddisfazzioni parsunali hè di tramandà. S’è ùn sapè o una tecnica ùn so tramandati à i generazioni novi, ùn ci hè sensu... »
Cusì, è dapoi qualchì annu, l’artisgianu-artistu- scultore impresta e so arme à Chantal de Peretti, chì travaglia nantu à a storia à a Cullettività di Corsica per andà à fà animazione in e scole di u circondu è ancu aldilà (culleghji, licei, università). Pierre-Henri participeghja, da u so cantu, à e ghjurnate di u Patrimoniu o quelle di l’archeulugia.
« Tuttu què ci permetta di ritruvà tecnichi ch’è noi t’avemi persu. Ci sò fundamenti di l’essa, pricipii di vita è ancu un mecanisimu di u pinsà di l’epica... »
Pierre-Henri Weber concepisce arme, u so fratellu Ghjuvan Micheli, strumenti di musica ma a demarchja hè listessa. Si scrive ind’a ricerca d’un’identità corsa chì sparisce. Una manera di sapè d’induve ghjunghjemu per sapè induve andà…
