A Corsica in core d'un prughjettu citadinu auropeu
Un collocchiu cù riprisententi di parechji paesi di u rughjoni auropei s hè tenutu a settimana scorsa in Aiacciu.
A Corsica in core d’un prughjettu citadinu auropeu
Un collocchiu cù riprisententi di parechji paesi di u rughjoni auropei s hè tenutu a settimana scorsa in Aiacciu. L’occasione, in u quadru di u prughjettu « Island, Territory, Citizens » di trattà, in Corsica, di l’identità, l’isule auropee è a demucrazia participativa…
Fà cresce una cuscenza di l’Auropa di i Populu, di pettu à quella di i Stati, eccu u scopu di u prughjettu « Island, Territory, Citizens », chì adunisce tredeci paesi o rughjoni di u vechju cuntinente : Corsica (chì riprisente a Francia), Sardegna è Sicilia (Italia), Germania, Pologna, Greccia, Malta, Albania, Montenegru, Spagna, Purtugallu, Bulgaria, Cipra…). Cusì è in iss’adunita quì, i paesi cuncernati volenu urganizà collocchii per, à cortu andà, publicà un libru biancu dedicatu à a « cuscenza citadina » è fà pruposte cuncrete à a cumissione auropea, U prughjettu hè statu principiatu di lugliu scorsu in Cagliari. Quattru mesi dopu, hè scalatu in Aiacciu à u Palazzu Lantivy a settimana scorsa. Denis Luciani, presidente di l’associu « Popoli del mare », dedicatu à u Mediterraneu, Rodolfo Cancedda, presidente de l’associu ASEL chì adunisce 160 commune di a Sardegna è Roberto Maceddo, respunsevule di e pulitiche auropee di l’associu, eranu à l’origine d’issu prughjettu cù Paulu Ghjaseppu Caitoculi, chì riprisente, ellu, a cumunità di cumune di u Taravu è Valincu. « Issu collocchiu, spiega l’elettu, hè statu stituitu da i Sardi, purtatu da dui associ chì voleni dà, à una vintena di paesi di Mediterranenu Occidentali è d’altrò, a pussibilità di fà una demucrazia participativa per fà ricuddà à a cumissioni auropeana, a necessità d’avè pulitichi chì permettani à i minurità di fà si valè di più nantu à a cultura, a lingua ma dinò u sviluppu ecunomicu... »
S’agisce, l’averemu capita, d’ùn travaglià più solu cù i stitutuzioni ma d’andà aldilà « Ver di una Auropa di i citadini, spiega Roberto Maceddo, intornu à a resilienza è a sulidarità masimu dopu à issa perioda di crisa sanitaria chì hè custata monda à i paesi i più debuli. »
Fà pressione nantu à a cumissione auropea
S’elle ci sò pulitiche auropee chì permettenu un certu sviluppu à l’isule è a Corsica ne face parte, l’andatura attuale ùn bastaria micca. « Ci sò parechji prugrami è disputivi chì aiutani i prughjetti, aghjusta Paulu Ghjaseppu Caitoculi, ma oghji, a noscia vulintà è ghjustamenti di fà u puntu di tutti issi travaddi quì è d’andà più luntanu ind’a pussibilità d’adattà issi dispusitivi. »
In Aiacciu, à u Palazzu Lantivy, eranu una vintena à pocu pressu, ghjunti da tutti i paesi cuncernati, à participà à a seconda tapa di u prughjettu -ci ne sera sei in tuttu- intornu à e tematiche di l’Auropa di e lingue è l’identità è di a sulidarità in tempu di crisa. « L’imbusca è maiò pà a Corsica, pudarianu essa alignamenti nantu à l’altri isuli postu chì a Francia hè di più restrittiva nantu à certi dispusitivi cum’è quiddi di a Pesca turisimu par indettu. Si pudaria, dinò pisà nantu à u pasturalisimu cù a Sardegna, a Tuscana... »
U prussimu collocchiu si tenerà da quì à pocu in Albania. Per un giru chì fcompierà à a fine di u 2022 in Sicilia. Subbitu dopu, un libru biancu cù u sviluppu di tutte e tematiche scelte serà rimessu à a cumissione auropea per pisà à nantu è sopratuttu truvà suluzione per riduce a rumpitura suciale cù i paesi i più debuli.
Un collocchiu cù riprisententi di parechji paesi di u rughjoni auropei s hè tenutu a settimana scorsa in Aiacciu. L’occasione, in u quadru di u prughjettu « Island, Territory, Citizens » di trattà, in Corsica, di l’identità, l’isule auropee è a demucrazia participativa…
Fà cresce una cuscenza di l’Auropa di i Populu, di pettu à quella di i Stati, eccu u scopu di u prughjettu « Island, Territory, Citizens », chì adunisce tredeci paesi o rughjoni di u vechju cuntinente : Corsica (chì riprisente a Francia), Sardegna è Sicilia (Italia), Germania, Pologna, Greccia, Malta, Albania, Montenegru, Spagna, Purtugallu, Bulgaria, Cipra…). Cusì è in iss’adunita quì, i paesi cuncernati volenu urganizà collocchii per, à cortu andà, publicà un libru biancu dedicatu à a « cuscenza citadina » è fà pruposte cuncrete à a cumissione auropea, U prughjettu hè statu principiatu di lugliu scorsu in Cagliari. Quattru mesi dopu, hè scalatu in Aiacciu à u Palazzu Lantivy a settimana scorsa. Denis Luciani, presidente di l’associu « Popoli del mare », dedicatu à u Mediterraneu, Rodolfo Cancedda, presidente de l’associu ASEL chì adunisce 160 commune di a Sardegna è Roberto Maceddo, respunsevule di e pulitiche auropee di l’associu, eranu à l’origine d’issu prughjettu cù Paulu Ghjaseppu Caitoculi, chì riprisente, ellu, a cumunità di cumune di u Taravu è Valincu. « Issu collocchiu, spiega l’elettu, hè statu stituitu da i Sardi, purtatu da dui associ chì voleni dà, à una vintena di paesi di Mediterranenu Occidentali è d’altrò, a pussibilità di fà una demucrazia participativa per fà ricuddà à a cumissioni auropeana, a necessità d’avè pulitichi chì permettani à i minurità di fà si valè di più nantu à a cultura, a lingua ma dinò u sviluppu ecunomicu... »
S’agisce, l’averemu capita, d’ùn travaglià più solu cù i stitutuzioni ma d’andà aldilà « Ver di una Auropa di i citadini, spiega Roberto Maceddo, intornu à a resilienza è a sulidarità masimu dopu à issa perioda di crisa sanitaria chì hè custata monda à i paesi i più debuli. »
Fà pressione nantu à a cumissione auropea
S’elle ci sò pulitiche auropee chì permettenu un certu sviluppu à l’isule è a Corsica ne face parte, l’andatura attuale ùn bastaria micca. « Ci sò parechji prugrami è disputivi chì aiutani i prughjetti, aghjusta Paulu Ghjaseppu Caitoculi, ma oghji, a noscia vulintà è ghjustamenti di fà u puntu di tutti issi travaddi quì è d’andà più luntanu ind’a pussibilità d’adattà issi dispusitivi. »
In Aiacciu, à u Palazzu Lantivy, eranu una vintena à pocu pressu, ghjunti da tutti i paesi cuncernati, à participà à a seconda tapa di u prughjettu -ci ne sera sei in tuttu- intornu à e tematiche di l’Auropa di e lingue è l’identità è di a sulidarità in tempu di crisa. « L’imbusca è maiò pà a Corsica, pudarianu essa alignamenti nantu à l’altri isuli postu chì a Francia hè di più restrittiva nantu à certi dispusitivi cum’è quiddi di a Pesca turisimu par indettu. Si pudaria, dinò pisà nantu à u pasturalisimu cù a Sardegna, a Tuscana... »
U prussimu collocchiu si tenerà da quì à pocu in Albania. Per un giru chì fcompierà à a fine di u 2022 in Sicilia. Subbitu dopu, un libru biancu cù u sviluppu di tutte e tematiche scelte serà rimessu à a cumissione auropea per pisà à nantu è sopratuttu truvà suluzione per riduce a rumpitura suciale cù i paesi i più debuli.
