ALte voce
Alte voce nantu à u filu artisticu di a tradizione
Alte voce nantu à u filu artisticu di a tradizione…
Natu in l’annu 2000 da Jean Mattei, unu di i fundatori di I Muvrini, issu gruppu face dapoi più di vinti anni a so strada in l’universu di u cantu corsu induve ellu porta a so petra trà mudernità è tradizione…
Semu à a fine di a perioda di u riacquistu. In l’anni novanta. Jean Mattei chè tutti i passiunati di canzona corsa avianu cunnisciutu cù i Muvrini (masimu e so cumpusizione o strumenti cum’è a ghitarra, a mandulina è ancu u sunettu) mette in piazza una squadra nova cù a so amica Rosanna Cesari. Alte voce face i so primi passi nantu à u chjassu di a cultura corsa. « Era, spiega l’artistu, una spezia d’ambiu culturale novu, mudernu sulcatu nantu à u filu di u riacquistu. Ma,à tempu, virtù murale da sviluppà è mantene. »
Una centinaia di cuncerti
L’averemu capita, Jean Mattei hè u capifila d’issa squadra...Scrive è cumpone a maiò parte di i tituli di i so dischetti. U primu « Lingua materna » esciutu à u principiu di l’anni 2000, mette in vale l’impegnu culturale di a squadra è, à tempu, a so vulintà di fà campà a lingua è a cultura corsa. Un impegnu ch’è noi ritruvemu d’altronde, in l’altri dischetti è masimu quelli dedicati à a pulufunia. Un arte chè a struttura cerca à prumove in Corsica è in altrò ma dinò essendu prisente per cantà messe d’intarri, matrimonii o battesimi...Iss’impegnu quì si ritrova cum’è un filu in parechje canzone cum’è « d’issa terra », « da lu 1768 à u 1769 », « bandera nostra » o « Sole rossu »...Nantu à a scena è ne anu fattu guasgi una centinaia dapoi vintidui anni, Jean Mattei prisente i spettaculu « à modu soiu ». Vale à dì ch’ellu porta a so petra cuntendu, ogni volta una sturietta per trattà d’una canzone. « Si tratta di tutte e tematiche ch’è noi campemu oghje in Corsica : l’amore, i svantagiati, l’omosessualità, a ruralità, u dirittu di e donne, l’attualità, a resistenza in tempu di guerra (cù una canzona dedicata à Daniella Casanova…)
Un messaghju umanu è spirituale
Daretu à Jean Mattei, ci hè dapoi l’iniziu, Rosanna Cesari. Nata à mezu à u famosu gruppu « A Manella », iss’anziana pastore mette in vale a so emuzione quand’ella canta. Scrive dinò qualchì testi...À fiancu à elli ritruvemu à Eric Buresi, anzianu cantadore liricu in Parrighji chì t’avia a voglia di rientre in casa, Pierre Barthélémy, chì aghjusta cù a so ghitarra, un sonu appena rock...L’inseme dà un’emuzione particulare à u gruppu chì, aldilà di i soni o e voce, face sempre passà un messaghju umanu è spirituale. A squadra si pruduce in Corsica è in altrò (Alzazia, Brittagna, Paese Bascu, Uccitania, Canadà, Auropa, Giappone..). Frà tempu, Jean Mattei hà scrittu dui libri : « L’odyssée Corse », un mese nantu à i chjassi di i nostri anziani è « Mon chemin de musique » chì tratta di u so percorsu musicale è l’influenze chì l’anu sulcatu. Si vede subbitu, chè issa squadra quì porta qualcosa chì và aldilà d’una canzona, d’un scrittu, d’una nota di musica. Qualcosa d’universale...
Ph.P.
Alte voce
Jean Mattei : voce, ghitarra, mandulina, sunettu
Rosanna Cesari : voce
Eric Buresi : voce
Pierre Barthélémy : ghitarra
Laurent Ménival : ghitarra bassa
Natu in l’annu 2000 da Jean Mattei, unu di i fundatori di I Muvrini, issu gruppu face dapoi più di vinti anni a so strada in l’universu di u cantu corsu induve ellu porta a so petra trà mudernità è tradizione…
Semu à a fine di a perioda di u riacquistu. In l’anni novanta. Jean Mattei chè tutti i passiunati di canzona corsa avianu cunnisciutu cù i Muvrini (masimu e so cumpusizione o strumenti cum’è a ghitarra, a mandulina è ancu u sunettu) mette in piazza una squadra nova cù a so amica Rosanna Cesari. Alte voce face i so primi passi nantu à u chjassu di a cultura corsa. « Era, spiega l’artistu, una spezia d’ambiu culturale novu, mudernu sulcatu nantu à u filu di u riacquistu. Ma,à tempu, virtù murale da sviluppà è mantene. »
Una centinaia di cuncerti
L’averemu capita, Jean Mattei hè u capifila d’issa squadra...Scrive è cumpone a maiò parte di i tituli di i so dischetti. U primu « Lingua materna » esciutu à u principiu di l’anni 2000, mette in vale l’impegnu culturale di a squadra è, à tempu, a so vulintà di fà campà a lingua è a cultura corsa. Un impegnu ch’è noi ritruvemu d’altronde, in l’altri dischetti è masimu quelli dedicati à a pulufunia. Un arte chè a struttura cerca à prumove in Corsica è in altrò ma dinò essendu prisente per cantà messe d’intarri, matrimonii o battesimi...Iss’impegnu quì si ritrova cum’è un filu in parechje canzone cum’è « d’issa terra », « da lu 1768 à u 1769 », « bandera nostra » o « Sole rossu »...Nantu à a scena è ne anu fattu guasgi una centinaia dapoi vintidui anni, Jean Mattei prisente i spettaculu « à modu soiu ». Vale à dì ch’ellu porta a so petra cuntendu, ogni volta una sturietta per trattà d’una canzone. « Si tratta di tutte e tematiche ch’è noi campemu oghje in Corsica : l’amore, i svantagiati, l’omosessualità, a ruralità, u dirittu di e donne, l’attualità, a resistenza in tempu di guerra (cù una canzona dedicata à Daniella Casanova…)
Un messaghju umanu è spirituale
Daretu à Jean Mattei, ci hè dapoi l’iniziu, Rosanna Cesari. Nata à mezu à u famosu gruppu « A Manella », iss’anziana pastore mette in vale a so emuzione quand’ella canta. Scrive dinò qualchì testi...À fiancu à elli ritruvemu à Eric Buresi, anzianu cantadore liricu in Parrighji chì t’avia a voglia di rientre in casa, Pierre Barthélémy, chì aghjusta cù a so ghitarra, un sonu appena rock...L’inseme dà un’emuzione particulare à u gruppu chì, aldilà di i soni o e voce, face sempre passà un messaghju umanu è spirituale. A squadra si pruduce in Corsica è in altrò (Alzazia, Brittagna, Paese Bascu, Uccitania, Canadà, Auropa, Giappone..). Frà tempu, Jean Mattei hà scrittu dui libri : « L’odyssée Corse », un mese nantu à i chjassi di i nostri anziani è « Mon chemin de musique » chì tratta di u so percorsu musicale è l’influenze chì l’anu sulcatu. Si vede subbitu, chè issa squadra quì porta qualcosa chì và aldilà d’una canzona, d’un scrittu, d’una nota di musica. Qualcosa d’universale...
Ph.P.
Alte voce
Jean Mattei : voce, ghitarra, mandulina, sunettu
Rosanna Cesari : voce
Eric Buresi : voce
Pierre Barthélémy : ghitarra
Laurent Ménival : ghitarra bassa
