U liceu letizia d'Aghjacciu hà festighjatu l'ottu di dicembre
Celebrazione liate à l'ottu di dicembre
U liceu letizia d’Aghjacciu hà festighjatu l’ottu di dicembre
Più di 300 sculari di u liceu Letizia d’Aghjacciu anu participatu, a settimana scorsa, à e celebrazione liate à l’ottu di dicembre. Fattu maiò d’issa manifestazione, hè u cunsigliu di i liceani chì hà messu in piazza issa ghjurnata particulare.
Aldilà di u solu aspettu puliticu, benchè u ci fussu quantunque, l’ottu di dicembre, hè l’occasione dapoi una decina d’anni (dopu à un’idea di Michel Barat, anzianu rettore), di mette in piazza attelli diversi in e scole, i culleghji è i licei di l’isula. Iss’idea quì s’hè, di sicuru, sviluppata à u liceu Letizia d’Aghjacciu ma nantu à un modu novu. « Tutti l’anni, spiega Sylvie Peraldi, pruvisore di u stabilimente, avemu l’abitudine avà d’urganizà a manifestazione cù parechji attelli. Ma questu annu, i sculari delegati à u cunsigliu di vita sculare si sò impegnati. Sò elli, ch’anu pigliatu tuttu in carica. »
Si chjamanu Livia, Isula Maria o Ghjaseppina, sò una decina à pocu pressu è anu piglia, da per elli, cuntattu cù l’intervenenti per mette in piazza a manifestazione. « Ci hà permessu di pudè avè di più attelli, precisa Livia, è masimu d’altre tematiche mai viste sin’à quì. »
Dece attelli
Cusì, l’urganizatori anu travagliatu nantu à a cumunicazione cù i sculari è i so parenti, u prugrama dinò, per sbuccà nantu à una ghjurnata cuncepita abbastanza bè. Per prova, è solu nantu à scrizzione, trè centu sculari di seconda, prima è terminale, anu participatu à una decina d’attelli decisi da u Cunsigliu : scopa, morra, mostre nantu à a tematica di a storia (epica di Pasquale Paoli), cuncerti cù canti liati à l’ottu di dicembre (O Generale, Barbara Furtuna, cantati da i sculari accumpagnati da membri di Cuscenza...), strumenti tradiziunale corsi (cetera, pivana, pirula, cialamella…), teatru ma dinò una nuvità, attelli decicati à i pruduttori (mele, robba purcina, pesca, vita pasturale…)…
I sculari, elli, anu pussutu scopre elementi maiò di a cultura. « Hè impurtante di cunnosce tuttu què è di sapè d’induva ghjunghjemu, spiega Lilou, liceana, s’ell’ùn ci hè micca tramandera, l’identità s’hà da perde... »
Una perennità da assicurà
Di tradizione, si n’hè trattatu cù qualchì strumentu corsu. « Sò ghjuntu à fà li scopra, aghjusta Dalmien Delgrossi, mandatu da u museu di a Corsica, aghju parlatu d issi modi particulari ch’è noi t’avemi è aghju cercatu à dà li a voglia di sapè ne di più è parchì micca d’amparà à sunà d’un strumentu. »
Appena più luntanu, amparera d’un ghjocu sviluppatu in u mediterraneu : a scopa. Un’attività chì hà cunnisciutu un bellu successu. Ma a squadra urganizatore hà vulsutu andà ancu più luntanu cù attelli dedicati à i pruduttori. Cusì, i liceani anu pussutu sapè ne di più nantu à mistieri cum’è bungnaghjolu, pescatore o purcaghju. À l’occasione d’issa ghjurnata, i culleghjani, ch’avianu elli dinò, a so manifestazione, eranu invitati à scopre tutti l’attelli. In fine, un bellu mumentu di scambii per tutti.
« A manifestazione hè stata un successu maiò, conta Livia, assai impegnu di tutti, participanti, noi altri urganizatori, attelli chì sò piaciuti à tuttu u mondu. Hè una bona per l’anni à vene. Si cuntinuerà nantu à issu modu quì. »
À mezu à issu modu novu è forse cù l’impegnu d’altri sculari, a manifestazione piglierà un’altra dimensione.
Ph.P.
Più di 300 sculari di u liceu Letizia d’Aghjacciu anu participatu, a settimana scorsa, à e celebrazione liate à l’ottu di dicembre. Fattu maiò d’issa manifestazione, hè u cunsigliu di i liceani chì hà messu in piazza issa ghjurnata particulare.
Aldilà di u solu aspettu puliticu, benchè u ci fussu quantunque, l’ottu di dicembre, hè l’occasione dapoi una decina d’anni (dopu à un’idea di Michel Barat, anzianu rettore), di mette in piazza attelli diversi in e scole, i culleghji è i licei di l’isula. Iss’idea quì s’hè, di sicuru, sviluppata à u liceu Letizia d’Aghjacciu ma nantu à un modu novu. « Tutti l’anni, spiega Sylvie Peraldi, pruvisore di u stabilimente, avemu l’abitudine avà d’urganizà a manifestazione cù parechji attelli. Ma questu annu, i sculari delegati à u cunsigliu di vita sculare si sò impegnati. Sò elli, ch’anu pigliatu tuttu in carica. »
Si chjamanu Livia, Isula Maria o Ghjaseppina, sò una decina à pocu pressu è anu piglia, da per elli, cuntattu cù l’intervenenti per mette in piazza a manifestazione. « Ci hà permessu di pudè avè di più attelli, precisa Livia, è masimu d’altre tematiche mai viste sin’à quì. »
Dece attelli
Cusì, l’urganizatori anu travagliatu nantu à a cumunicazione cù i sculari è i so parenti, u prugrama dinò, per sbuccà nantu à una ghjurnata cuncepita abbastanza bè. Per prova, è solu nantu à scrizzione, trè centu sculari di seconda, prima è terminale, anu participatu à una decina d’attelli decisi da u Cunsigliu : scopa, morra, mostre nantu à a tematica di a storia (epica di Pasquale Paoli), cuncerti cù canti liati à l’ottu di dicembre (O Generale, Barbara Furtuna, cantati da i sculari accumpagnati da membri di Cuscenza...), strumenti tradiziunale corsi (cetera, pivana, pirula, cialamella…), teatru ma dinò una nuvità, attelli decicati à i pruduttori (mele, robba purcina, pesca, vita pasturale…)…
I sculari, elli, anu pussutu scopre elementi maiò di a cultura. « Hè impurtante di cunnosce tuttu què è di sapè d’induva ghjunghjemu, spiega Lilou, liceana, s’ell’ùn ci hè micca tramandera, l’identità s’hà da perde... »
Una perennità da assicurà
Di tradizione, si n’hè trattatu cù qualchì strumentu corsu. « Sò ghjuntu à fà li scopra, aghjusta Dalmien Delgrossi, mandatu da u museu di a Corsica, aghju parlatu d issi modi particulari ch’è noi t’avemi è aghju cercatu à dà li a voglia di sapè ne di più è parchì micca d’amparà à sunà d’un strumentu. »
Appena più luntanu, amparera d’un ghjocu sviluppatu in u mediterraneu : a scopa. Un’attività chì hà cunnisciutu un bellu successu. Ma a squadra urganizatore hà vulsutu andà ancu più luntanu cù attelli dedicati à i pruduttori. Cusì, i liceani anu pussutu sapè ne di più nantu à mistieri cum’è bungnaghjolu, pescatore o purcaghju. À l’occasione d’issa ghjurnata, i culleghjani, ch’avianu elli dinò, a so manifestazione, eranu invitati à scopre tutti l’attelli. In fine, un bellu mumentu di scambii per tutti.
« A manifestazione hè stata un successu maiò, conta Livia, assai impegnu di tutti, participanti, noi altri urganizatori, attelli chì sò piaciuti à tuttu u mondu. Hè una bona per l’anni à vene. Si cuntinuerà nantu à issu modu quì. »
À mezu à issu modu novu è forse cù l’impegnu d’altri sculari, a manifestazione piglierà un’altra dimensione.
Ph.P.
