200 sculari intornu à un prughjettu di podcast in lingua corsa
A festa di a lingua 2022
200 sculari intornu à un prughjettu di podcast in lingua corsa
À l’occasione di a festa di a lingua 2022, a federazione corsa di e radiu assuciative (FCRA) hà urganizatu un primu cuncorsu di podcast apertu à scole, culleghji, licei è qualchì persona individuale. I resultati sò stati cumunicati a settimana scorsa...
Fà a prumuzione è, à tempu, difende l’interessi di e radiu assuciative di l’isula ch’ùn anu alcunu scopu cummerciale, eccu, unu di l’ughjettivi maiò di a Federazione Corsa di e Radiu Assuciative (FCRA). Una struttura creata à a fine di l’annu 2021 è chì adunisce ottu radiu spertute in parechji lochi di Corsica. Cusì ritruvemu Radiu Salve Regina (Bastia), RCF Corsica, Studio 20 è Frequenza Nostra (Aiacciu), Radiu Nebbia Campus (Corti), Voce Nustrale (Cervioni), Radiu Citadella è Radiu Balagna (Calvi). Per a prima annata, Jacques Paoli (Voce Nustrale) hè statu elettu presidente, Vincent Ciccada (Frequenza Nostra), vice presidente è Stéphanie Antonini (Radiu Nebbia Campus) raghjunera. A prumuzione di a lingua corsa ma micca solu (tuttu ciò chì tocca à a cultura, a storia, u patrimoniu o u sport ne face dinò parte) custuisce, di sicura, l’andatura maiò di a FCRA. « Circhemu à mette in piazza prughjetti da adunisceci, spiega Corinne Champier, una di i respunsevuli di a struttura, a reflessione, e racolte, i scambii trà tutte e radiu anu un’impurtanza tamanta chè per avà, ùn pudemu ancu difusà da per tuttu in Corsica. »
Cusì, è in u quadru di e so azzione è masimu à prò di a lingua corsa, a Federazione hà iniziatu di settembre scorsu, u primu cuncorsu di podcast apertu à tutti : u publicu è i sculari di trè nivelli : primariu, culleghji, licei... »E tematiche scelte eranu diverse, aghjusta Corinne Champier, cultura, patrimoniu, storia...A FCRA hè stata incaricata di mette à a dispusizione di tutti, i mezi umani è materiali da urganizà ogni prughjettu. I podcast devianu fà trà 2 è 3 mn. »
Ver di una seguita
I participanti anu pigliatu cuntattu appena da u mese di nuvembre per rende i so prughjetti nanzu à l’ottu di dicembre scorsu. In tuttu, 200 sculari (15 culleghji è liceani, trè scole elementarie è trè persone individuale) anu participatu à issa prima edizione. Una ghjuria composta da respunsevuli di a lingua, è prufessiunali di a radiu anu resu i so resultati u dui di ghjennaghju scorsu. « Issu primu cuncorsu hè statu abbastanza bè ricivutu da a ghjente, preciseghja torna Corinne Champier, tutti i participanti si sò impegnati per dà prughjetti cuncepiti bè. »
Da un umaggiu à Claude Papi sin’à a « Squadra d’Arozza » passendu per a pesca, a tundera o a visita di u museu d’Aleria, parechje tematiche sò state scelte. « I premii seranu rimessi nanzu à a fine di ghjugnu, aspettemu di pudè adunisce à tuttu u mondu. Ùn hè ch’un prilu passu. Issu cuncorsu hà avutu un successu maiò. Avemu da circà à sviluppà lu... »
Una demarchja interessante masimu à mezu à arnesi muderni per mette in vale a lingua corsa…
Ph.P.
I resultati
Individuale
1-Simon Baghioni
2-Aurelia Gambini
3-Mathilde Corvaia
Scole primarie
1-Ce2-Cm1 di a scola Joseph Pietri
2 è 3- Scola San Ghjisè d’Aiacciu
Culleghji
1 Street art in Corsica (Biguglia)
2 U Liò di Roccapina (Cervioni)
3 Visitia di u museu d’Aleria (Biguglia)
Licei
1 Prighera antica (San Paulu d’Aiacciu)
2 Un cantu di Palneca (San Paulu d’Aiacciu)
3 à parità :Viaghju in paese bascu è Ricordi in Tolla (San Paulu d’Aiacciu)
Micca troppu longu, storia, sport, cultura, arte, tematiche diverse, bellu travagliu di ricercatu
trà 2 è 3 minute
À l’occasione di a festa di a lingua 2022, a federazione corsa di e radiu assuciative (FCRA) hà urganizatu un primu cuncorsu di podcast apertu à scole, culleghji, licei è qualchì persona individuale. I resultati sò stati cumunicati a settimana scorsa...
Fà a prumuzione è, à tempu, difende l’interessi di e radiu assuciative di l’isula ch’ùn anu alcunu scopu cummerciale, eccu, unu di l’ughjettivi maiò di a Federazione Corsa di e Radiu Assuciative (FCRA). Una struttura creata à a fine di l’annu 2021 è chì adunisce ottu radiu spertute in parechji lochi di Corsica. Cusì ritruvemu Radiu Salve Regina (Bastia), RCF Corsica, Studio 20 è Frequenza Nostra (Aiacciu), Radiu Nebbia Campus (Corti), Voce Nustrale (Cervioni), Radiu Citadella è Radiu Balagna (Calvi). Per a prima annata, Jacques Paoli (Voce Nustrale) hè statu elettu presidente, Vincent Ciccada (Frequenza Nostra), vice presidente è Stéphanie Antonini (Radiu Nebbia Campus) raghjunera. A prumuzione di a lingua corsa ma micca solu (tuttu ciò chì tocca à a cultura, a storia, u patrimoniu o u sport ne face dinò parte) custuisce, di sicura, l’andatura maiò di a FCRA. « Circhemu à mette in piazza prughjetti da adunisceci, spiega Corinne Champier, una di i respunsevuli di a struttura, a reflessione, e racolte, i scambii trà tutte e radiu anu un’impurtanza tamanta chè per avà, ùn pudemu ancu difusà da per tuttu in Corsica. »
Cusì, è in u quadru di e so azzione è masimu à prò di a lingua corsa, a Federazione hà iniziatu di settembre scorsu, u primu cuncorsu di podcast apertu à tutti : u publicu è i sculari di trè nivelli : primariu, culleghji, licei... »E tematiche scelte eranu diverse, aghjusta Corinne Champier, cultura, patrimoniu, storia...A FCRA hè stata incaricata di mette à a dispusizione di tutti, i mezi umani è materiali da urganizà ogni prughjettu. I podcast devianu fà trà 2 è 3 mn. »
Ver di una seguita
I participanti anu pigliatu cuntattu appena da u mese di nuvembre per rende i so prughjetti nanzu à l’ottu di dicembre scorsu. In tuttu, 200 sculari (15 culleghji è liceani, trè scole elementarie è trè persone individuale) anu participatu à issa prima edizione. Una ghjuria composta da respunsevuli di a lingua, è prufessiunali di a radiu anu resu i so resultati u dui di ghjennaghju scorsu. « Issu primu cuncorsu hè statu abbastanza bè ricivutu da a ghjente, preciseghja torna Corinne Champier, tutti i participanti si sò impegnati per dà prughjetti cuncepiti bè. »
Da un umaggiu à Claude Papi sin’à a « Squadra d’Arozza » passendu per a pesca, a tundera o a visita di u museu d’Aleria, parechje tematiche sò state scelte. « I premii seranu rimessi nanzu à a fine di ghjugnu, aspettemu di pudè adunisce à tuttu u mondu. Ùn hè ch’un prilu passu. Issu cuncorsu hà avutu un successu maiò. Avemu da circà à sviluppà lu... »
Una demarchja interessante masimu à mezu à arnesi muderni per mette in vale a lingua corsa…
Ph.P.
I resultati
Individuale
1-Simon Baghioni
2-Aurelia Gambini
3-Mathilde Corvaia
Scole primarie
1-Ce2-Cm1 di a scola Joseph Pietri
2 è 3- Scola San Ghjisè d’Aiacciu
Culleghji
1 Street art in Corsica (Biguglia)
2 U Liò di Roccapina (Cervioni)
3 Visitia di u museu d’Aleria (Biguglia)
Licei
1 Prighera antica (San Paulu d’Aiacciu)
2 Un cantu di Palneca (San Paulu d’Aiacciu)
3 à parità :Viaghju in paese bascu è Ricordi in Tolla (San Paulu d’Aiacciu)
Micca troppu longu, storia, sport, cultura, arte, tematiche diverse, bellu travagliu di ricercatu
trà 2 è 3 minute
