<< Archipel >> : u filu astrattu di Yannick Stara
Cunnisciutu in tantu chè cantadore, pittore è insegnante, Yannick Stara hè nanzu à tuttu un artistu rinumatu in arte plastiche. Appronta l’ultima fasa di una mostra issu vennari à « L’étrange Atelier » in Aiacciu.
« Archipel » : u filu astrattu di Yannick Stara
Cunnisciutu in tantu chè cantadore, pittore è insegnante, Yannick Stara hè nanzu à tuttu un artistu rinumatu in arte plastiche. Appronta l’ultima fasa di una mostra issu vennari à « L’étrange Atelier » in Aiacciu. Tele metafische induve ellu cerca à dà u so filu à l’arte numericu…
Anzianu studiente di l’Università di Corsica, Yannick Stara ne hè, oghje, unu di i tercani in u so dominiu : l’arte numericu. « Sò un « pruduttu » di l’università, spiega l’artistu chì hè, oghje, insegnante in arte plastiche è creazione numeriche è arte appiecatu, di fattu, sò statu ciuttatu, da zitellu in u bagnu artisticu. È n’aghju fattu u mo mistieru. » Ma, fora di u so travagliu, Yannick cerca à sviluppà u so arte dapoi vinticinque anni. Un arte mudernu induve si sente, ci vole à dilla, l’influenza di l’astrattu. Cusì, unepoche di mostre sò dighjà state prisentate à u publicu. In Aiacciu, è in Corsica, prima di tuttu ma dinò in Parrighji, Cannes o in Italia. Cù « Archipel », Yannick Stara vole francà un passu novu è sfruttà appena u so arte. Dopu à un cuntatu cù « Orso », capimachja di « L’étrange Atelier » à i Jardins de l’Empereur in Aiacciu, qualchì tempu fà, l’artistu hà decisu di travaglià nantu à u so prughjettu. « Da u 20 di marzu, aghjusta l’artistu, mi so messu in residenza artistica quallà è aghju travagliatu à l’elaborazione di u mo prughjettu. »
A realità numerica
Pian’, pianinu, una vintena di tele sò nate, tele numeriche di sicuru ma micca solu... « Un mischiu d’arte numericu è di caligrafia aghjustendu ciò chì si chjama « a realità numerica »(secondu u sguardu, a tele scambia d’aspettu), a tecnica numerica piglia a suprana. »
Cù tutti issi disegni, nascenu persunaghji, culori u tuttu più o menu stranu. Ma in a so ricerca, bulicata à a so passione per a lingua corsa, l’artistu hà vulsutu andà ancu più luntanu. Cusì, è nantu à quadri in legnu, hà scrittu qualchì puesia (trè in tutti), a quarta hè l’opera di Tittò Limongi. « L’aghju cuntattatu è m’hà datu u so accunsentu per una puesia in leia cù u mo arte. » Battizata « Sicrulina , a puesia hè stata messa in musica cù l’aitutu d’Orso. « Per mè, hè assai impurtante di pudè aduprà a lingua corsa nantu à un affissu è masimu un cuncettu mudernu... » Una dimensione metafisica
U restu di e tele s’assumiglianu à forme strane, spezii di totem induve omu anderà à cercà ciò ch’ellu risente più o menu. « Ci hè una dimensione metafisica in u mo arte. A natura, l’universu, u mondu, l’omu...Tuttu quì, n’hè ch’energia, vibrazione, muvimentu. Truveremu tuttu inde iss’arte quì : visi, anghjuli o demonii, Dii, ci sò tutte e credenze di l’omu... »
Cusì, l’artistu, chì zifra sempre e so tele di u cunome « Ashram » , in leia cù e tradizione orientale, hà travagliatu un mese à « l’étrange atelier » cù u cuncettu di mette in piazza una mostra tutti i quindeci ghjorni. Issu venneri, ultima tapa di u prughjettu. Richjappatu da u so mistieru d’insegnante, Yannick Stara, direttore di i studii, di u dipartimentu MMI (mistieri di u multimedia è di l’internet) mette u resultatu di e so ricerca in i so corsi. Una manera di tramandà u so arte…
F.P.
Cunnisciutu in tantu chè cantadore, pittore è insegnante, Yannick Stara hè nanzu à tuttu un artistu rinumatu in arte plastiche. Appronta l’ultima fasa di una mostra issu vennari à « L’étrange Atelier » in Aiacciu. Tele metafische induve ellu cerca à dà u so filu à l’arte numericu…
Anzianu studiente di l’Università di Corsica, Yannick Stara ne hè, oghje, unu di i tercani in u so dominiu : l’arte numericu. « Sò un « pruduttu » di l’università, spiega l’artistu chì hè, oghje, insegnante in arte plastiche è creazione numeriche è arte appiecatu, di fattu, sò statu ciuttatu, da zitellu in u bagnu artisticu. È n’aghju fattu u mo mistieru. » Ma, fora di u so travagliu, Yannick cerca à sviluppà u so arte dapoi vinticinque anni. Un arte mudernu induve si sente, ci vole à dilla, l’influenza di l’astrattu. Cusì, unepoche di mostre sò dighjà state prisentate à u publicu. In Aiacciu, è in Corsica, prima di tuttu ma dinò in Parrighji, Cannes o in Italia. Cù « Archipel », Yannick Stara vole francà un passu novu è sfruttà appena u so arte. Dopu à un cuntatu cù « Orso », capimachja di « L’étrange Atelier » à i Jardins de l’Empereur in Aiacciu, qualchì tempu fà, l’artistu hà decisu di travaglià nantu à u so prughjettu. « Da u 20 di marzu, aghjusta l’artistu, mi so messu in residenza artistica quallà è aghju travagliatu à l’elaborazione di u mo prughjettu. »
A realità numerica
Pian’, pianinu, una vintena di tele sò nate, tele numeriche di sicuru ma micca solu... « Un mischiu d’arte numericu è di caligrafia aghjustendu ciò chì si chjama « a realità numerica »(secondu u sguardu, a tele scambia d’aspettu), a tecnica numerica piglia a suprana. »
Cù tutti issi disegni, nascenu persunaghji, culori u tuttu più o menu stranu. Ma in a so ricerca, bulicata à a so passione per a lingua corsa, l’artistu hà vulsutu andà ancu più luntanu. Cusì, è nantu à quadri in legnu, hà scrittu qualchì puesia (trè in tutti), a quarta hè l’opera di Tittò Limongi. « L’aghju cuntattatu è m’hà datu u so accunsentu per una puesia in leia cù u mo arte. » Battizata « Sicrulina , a puesia hè stata messa in musica cù l’aitutu d’Orso. « Per mè, hè assai impurtante di pudè aduprà a lingua corsa nantu à un affissu è masimu un cuncettu mudernu... » Una dimensione metafisica
U restu di e tele s’assumiglianu à forme strane, spezii di totem induve omu anderà à cercà ciò ch’ellu risente più o menu. « Ci hè una dimensione metafisica in u mo arte. A natura, l’universu, u mondu, l’omu...Tuttu quì, n’hè ch’energia, vibrazione, muvimentu. Truveremu tuttu inde iss’arte quì : visi, anghjuli o demonii, Dii, ci sò tutte e credenze di l’omu... »
Cusì, l’artistu, chì zifra sempre e so tele di u cunome « Ashram » , in leia cù e tradizione orientale, hà travagliatu un mese à « l’étrange atelier » cù u cuncettu di mette in piazza una mostra tutti i quindeci ghjorni. Issu venneri, ultima tapa di u prughjettu. Richjappatu da u so mistieru d’insegnante, Yannick Stara, direttore di i studii, di u dipartimentu MMI (mistieri di u multimedia è di l’internet) mette u resultatu di e so ricerca in i so corsi. Una manera di tramandà u so arte…
F.P.
