Sapè Fà : Ceroneria Verdi in Biguglia
Ceroneria Verdi in Biguglia, a lascita di Ghjaseppu Verdi
Sapè Fà : Ceroneria Verdi in Biguglia, a lascita di Ghjaseppu Verdi
Stallati in Biguglia, Ceccè è Pasquale Verdi anu fattu a scelta di ripiglià, in u 2019, un’impresa famigliale induve elli avianu fattu i so primi passi. Un sapè fà tramandatu da Ghjaseppu, u missiavu…
Quand’ellu dicide, in u 1970, di ripiglià una ceroneria in Biguglia, Ghjaseppu Verdi, chì vene di parte à a retirata (era gendarmu), pensa solu ad avè un’attività à l’usu passatempu. Mai, ùn penserà chè, cinquanta anni dopu, i so puffiglioli, Francescu è Pasquale, ripigliarianu l’imprese. Eppuru, esiste sempre oghje. « In issi tempi quì, spiega Ceccè, u più maiò di i dui fratelli, ùn ci era nè cuncurrenza, nè prudutti diversi liati à i ceroni. Babbone avia adattatu a so cantina, in casa. Hè quallà ch’ellu facia i so ceroni tutta a settimana. A dumenicata, carcava u so camiò è facia u giru di e ghjesge di Corsica. Solu... »
Primi passi da zitelli
In l’anni ottanta, Georges, u babbu di i dui fratelli, è Stefanu, u ziu, ripiglianu l’imprese à fiancu à Ghjaseppu. Zitelli, Francescu è Pasquale sò ciuttati in iss’ambiu quì. Ma cù l’evoluzione di a sucetà, è dinò a voglia di diversificà a so attività, a famiglia sparghje i so prudutti. Tandu, i ceroni si vendenu dinò in i centri cummerciali. I Verdi facenu dinò candele, candele per fà fughje e zinzale, lumerelle, candele d’adurnamentu. Francescu è Pasquale facenu a so strada è masimu studii. Ceccè si chjappa u so basciliè S è sbarca in Corti per u Deug di Biulugia. Ma, l’estate, face cù u so fratellu, e stagione inde l’imprese famigliale. « Per noi, era abbastanza faciule, aghjusta Ceccè, cunnisciamu tuttu, da a fabricazione à a vendita, passendu per a tecnica, ecc... »
Cuscente chè a so strada hè quì, Francescu pianta i so studii è principia un BTS di cummerciu. « Travagliava da chjucu à a ceroneria ma ùn ne vulia micca fà u mo mistieru. Hè cascatu cusì...Eppo, ùn sò omu à stà ripusendumi. Vogliu sempre avè qualcosa à fà. È quì, cù a creazione, a fabricazione, a gestione o a vendita, ci hè da chì fà ! »
2019 : ripresa da i dui fratelli
In u 2019, Francescu è Pasquale, francanu u passu. Ripiglianu l’imprese à contu soiu, aghjustendu a so grinfia fendu a leia trà eri è oghje, vale à dì tradizione è mudernità. Ùn s’agisce micca d’abandunà u sapè fà di u missiavu (mancu à pinsà la), ma d’adattà u so travagliu à a sucetà d’oghje. « Ci hè a cuncurrenza, ciò ch’ùn esistia micca in tempi di babbone, appariscenu dinò,prudutti novi, senza adattà ci, l’imprese ùn pudia micca tene a strada. Avemu pensatu à allargà a nostra tematica. »
I fratelli Verdi mantenenu l’ambiu nustrale di a famiglia. À tempu, gamme nove sò nate : candele prufumate (laricciu, murza), tuvaglia da mette nantu à l’altare, ceroni diversi, candeleri, candele fatte secondu à a dumanda di a ghjente. Eppo, ci sò e candele d’adurnamentu. « Ci hè parechje tape in a so fabricazione : a scelta di u design, di u recipiente, di u prufume (vaniglia, lavanda), di a bambace è di sicuru di a cera. Primurosi di l’ambiente, avemu da sceglie piuttostu una cera vegetale. À longu andà, ci hà da vulè à pensà à l’ambiente, è noi ci pensemu dighjà. »
Un’imprese chì permette, à trè famiglie (Ceccè, Pasquale è Stefanu, u ziu), di campà. È un sapè fà da mantene è tramandà.
Ph.P.
Ceroneria Verdi, Pastinata (Route de la Gare) 20620 Biguglia. Facebook : Ciergerie Verdi.
Cuntattu : François Verdi : 04 95 33 70 85
Stallati in Biguglia, Ceccè è Pasquale Verdi anu fattu a scelta di ripiglià, in u 2019, un’impresa famigliale induve elli avianu fattu i so primi passi. Un sapè fà tramandatu da Ghjaseppu, u missiavu…
Quand’ellu dicide, in u 1970, di ripiglià una ceroneria in Biguglia, Ghjaseppu Verdi, chì vene di parte à a retirata (era gendarmu), pensa solu ad avè un’attività à l’usu passatempu. Mai, ùn penserà chè, cinquanta anni dopu, i so puffiglioli, Francescu è Pasquale, ripigliarianu l’imprese. Eppuru, esiste sempre oghje. « In issi tempi quì, spiega Ceccè, u più maiò di i dui fratelli, ùn ci era nè cuncurrenza, nè prudutti diversi liati à i ceroni. Babbone avia adattatu a so cantina, in casa. Hè quallà ch’ellu facia i so ceroni tutta a settimana. A dumenicata, carcava u so camiò è facia u giru di e ghjesge di Corsica. Solu... »
Primi passi da zitelli
In l’anni ottanta, Georges, u babbu di i dui fratelli, è Stefanu, u ziu, ripiglianu l’imprese à fiancu à Ghjaseppu. Zitelli, Francescu è Pasquale sò ciuttati in iss’ambiu quì. Ma cù l’evoluzione di a sucetà, è dinò a voglia di diversificà a so attività, a famiglia sparghje i so prudutti. Tandu, i ceroni si vendenu dinò in i centri cummerciali. I Verdi facenu dinò candele, candele per fà fughje e zinzale, lumerelle, candele d’adurnamentu. Francescu è Pasquale facenu a so strada è masimu studii. Ceccè si chjappa u so basciliè S è sbarca in Corti per u Deug di Biulugia. Ma, l’estate, face cù u so fratellu, e stagione inde l’imprese famigliale. « Per noi, era abbastanza faciule, aghjusta Ceccè, cunnisciamu tuttu, da a fabricazione à a vendita, passendu per a tecnica, ecc... »
Cuscente chè a so strada hè quì, Francescu pianta i so studii è principia un BTS di cummerciu. « Travagliava da chjucu à a ceroneria ma ùn ne vulia micca fà u mo mistieru. Hè cascatu cusì...Eppo, ùn sò omu à stà ripusendumi. Vogliu sempre avè qualcosa à fà. È quì, cù a creazione, a fabricazione, a gestione o a vendita, ci hè da chì fà ! »
2019 : ripresa da i dui fratelli
In u 2019, Francescu è Pasquale, francanu u passu. Ripiglianu l’imprese à contu soiu, aghjustendu a so grinfia fendu a leia trà eri è oghje, vale à dì tradizione è mudernità. Ùn s’agisce micca d’abandunà u sapè fà di u missiavu (mancu à pinsà la), ma d’adattà u so travagliu à a sucetà d’oghje. « Ci hè a cuncurrenza, ciò ch’ùn esistia micca in tempi di babbone, appariscenu dinò,prudutti novi, senza adattà ci, l’imprese ùn pudia micca tene a strada. Avemu pensatu à allargà a nostra tematica. »
I fratelli Verdi mantenenu l’ambiu nustrale di a famiglia. À tempu, gamme nove sò nate : candele prufumate (laricciu, murza), tuvaglia da mette nantu à l’altare, ceroni diversi, candeleri, candele fatte secondu à a dumanda di a ghjente. Eppo, ci sò e candele d’adurnamentu. « Ci hè parechje tape in a so fabricazione : a scelta di u design, di u recipiente, di u prufume (vaniglia, lavanda), di a bambace è di sicuru di a cera. Primurosi di l’ambiente, avemu da sceglie piuttostu una cera vegetale. À longu andà, ci hà da vulè à pensà à l’ambiente, è noi ci pensemu dighjà. »
Un’imprese chì permette, à trè famiglie (Ceccè, Pasquale è Stefanu, u ziu), di campà. È un sapè fà da mantene è tramandà.
Ph.P.
Ceroneria Verdi, Pastinata (Route de la Gare) 20620 Biguglia. Facebook : Ciergerie Verdi.
Cuntattu : François Verdi : 04 95 33 70 85
