A cunfraternita di i Peri in Roma
CInque membri di a cunfraternita San Larenzu di i Peri eranu prisenti à cantu centenai di Corsi, .......
A cunfraternita di i Peri in Roma
Cinque membri di a cunfraternita San Larenzu di i Peri eranu prisenti à cantu centenai di Corsi, in Roma duie settimane fà à l’occasione di creazione di Mgr Bustillo in tantu chè Cardinale. Un ricordu tamantu per tutti.
A creazione di Mgr Bustillo, u Vescu di Corsica, in tantu chè Cardinale, hà mubilizatu, l’ultima dumenicata di settembre, assai Corsi. Eletti pulitichi, ghjente di a sucetà civile, associ, cunfratelli, eranu guasgi un milaiu à ghjunghje in Roma per campà issa celebrazione particulare. Frà e quindeci cunfraternite prisente (più di centu membri in tuttu), quella di i Peri. « Quandu avemi amparatu issi bona nutizia, spiega Ghjuvan Micheli Bisgambiglia, priore di a cunfraternita, aghju cuntattatu tuttu u mondu per veda quali pudia vena. Fatta fini, erami cinqui à parta in Roma per trè ghjorni strasordinarii. »
Centenai di Corsi
À fiancu à a delegazione corsa d’Aiacciu, i membri eranu in Campu di l’Oru à...quattru ore di mane u 29 di settembre, per una scullera un ora dopu. S’è u tempu maiò funu marcati u sabbatu è a dumenica, a ghjurnata di u venneri era dinò impurtante. « Avemi avutu a furtuna d’avè l’albergu à 10 mn di u Vaticanu, aghjusta u Priore, duranti issa prima ghjurnata,avemi spassighjatu in cità. Sò statu, per contu meiu, invitatu à sei ori di sera à u Palazzu di a Cancelleria induva Monsignori Bustillo hà prisentatu cù Monsignori Edgar Pena Parra u so ultimu libru « Le coeur ne se divise pas ».
Tempu maiò di issi trè ghjorni, u sabbatu. « Aviami appuntamentu à ottu ori menu quartu per piddà l’accreditazioni. A ceremonia era privista nantu à a piazza San Petru chè ci era troppu mondu per fà la in a Basilica. Nienti chè a delegazioni corsa, erami centenai (300 di u serviziu Pelegrinagiu è più di 500 ghjunti à contu soiu…). Quandu Monsignori Bustillo hè passatu davanti à noi, ùn ci hè statu acclamazioni ch’erami tutti in tempi di preghera ma quandu hè statu chjamatu da u Papa per esse creatu Cardinali, ci erani brioni, mughji, banderi, un mumentu strasordinariu. »
Messa cantata in paghjella à a basilica di Santi Apostuli
Durante a serata, tutti i Corsi si ritruvati in cità, in qualchì usteria, per sparte issu mumentu tutti inseme. « Ci era una cumunioni tremenda intornu à u fattu d’appartena da veru, à u populu. D’altrondi, u Papa l’hà dettu à u Cardinali : « U to populu hè clamurosu », « ed eddu hà rispostu, « Hè vivu ».
A dumenica da mane, tutti si so ritruvati à 11.30 per a prima messa celebrata da u novu Cardinale in a Basilica di i Santi Apostuli. « Ci era un mondu scemu, 1000 parsoni, podarsi di più. Erami parechji à cantà a messa in issu primu d’ottobri, tutti i cunfraterniti, ùn vi dicu micca u mondu vicinu à l’altari...Eppo, aghju fattu a prima lettura in corsu... »
A dumenica sera, i Corsi si ne sò vultati ind’è elli. Ma anu tenutu in mente è in core u ricordu di issi mumenti durante parechji ghjorni. « Ùn era micca a prima volta, ch’è noi ghjunghjiami in Roma, hà cunclusu u priore, ma à dilla franca, avemi avutu a furtuna di campà qualcosa d’unicu... »
Ghjuvan Micheli Bisgambiglia hà prumessu di vultà in a Cità Eterna da quì à qualchì anni... « Quandi u Cardinali serà Papa... »
Ph.P.
Cinque membri di a cunfraternita San Larenzu di i Peri eranu prisenti à cantu centenai di Corsi, in Roma duie settimane fà à l’occasione di creazione di Mgr Bustillo in tantu chè Cardinale. Un ricordu tamantu per tutti.
A creazione di Mgr Bustillo, u Vescu di Corsica, in tantu chè Cardinale, hà mubilizatu, l’ultima dumenicata di settembre, assai Corsi. Eletti pulitichi, ghjente di a sucetà civile, associ, cunfratelli, eranu guasgi un milaiu à ghjunghje in Roma per campà issa celebrazione particulare. Frà e quindeci cunfraternite prisente (più di centu membri in tuttu), quella di i Peri. « Quandu avemi amparatu issi bona nutizia, spiega Ghjuvan Micheli Bisgambiglia, priore di a cunfraternita, aghju cuntattatu tuttu u mondu per veda quali pudia vena. Fatta fini, erami cinqui à parta in Roma per trè ghjorni strasordinarii. »
Centenai di Corsi
À fiancu à a delegazione corsa d’Aiacciu, i membri eranu in Campu di l’Oru à...quattru ore di mane u 29 di settembre, per una scullera un ora dopu. S’è u tempu maiò funu marcati u sabbatu è a dumenica, a ghjurnata di u venneri era dinò impurtante. « Avemi avutu a furtuna d’avè l’albergu à 10 mn di u Vaticanu, aghjusta u Priore, duranti issa prima ghjurnata,avemi spassighjatu in cità. Sò statu, per contu meiu, invitatu à sei ori di sera à u Palazzu di a Cancelleria induva Monsignori Bustillo hà prisentatu cù Monsignori Edgar Pena Parra u so ultimu libru « Le coeur ne se divise pas ».
Tempu maiò di issi trè ghjorni, u sabbatu. « Aviami appuntamentu à ottu ori menu quartu per piddà l’accreditazioni. A ceremonia era privista nantu à a piazza San Petru chè ci era troppu mondu per fà la in a Basilica. Nienti chè a delegazioni corsa, erami centenai (300 di u serviziu Pelegrinagiu è più di 500 ghjunti à contu soiu…). Quandu Monsignori Bustillo hè passatu davanti à noi, ùn ci hè statu acclamazioni ch’erami tutti in tempi di preghera ma quandu hè statu chjamatu da u Papa per esse creatu Cardinali, ci erani brioni, mughji, banderi, un mumentu strasordinariu. »
Messa cantata in paghjella à a basilica di Santi Apostuli
Durante a serata, tutti i Corsi si ritruvati in cità, in qualchì usteria, per sparte issu mumentu tutti inseme. « Ci era una cumunioni tremenda intornu à u fattu d’appartena da veru, à u populu. D’altrondi, u Papa l’hà dettu à u Cardinali : « U to populu hè clamurosu », « ed eddu hà rispostu, « Hè vivu ».
A dumenica da mane, tutti si so ritruvati à 11.30 per a prima messa celebrata da u novu Cardinale in a Basilica di i Santi Apostuli. « Ci era un mondu scemu, 1000 parsoni, podarsi di più. Erami parechji à cantà a messa in issu primu d’ottobri, tutti i cunfraterniti, ùn vi dicu micca u mondu vicinu à l’altari...Eppo, aghju fattu a prima lettura in corsu... »
A dumenica sera, i Corsi si ne sò vultati ind’è elli. Ma anu tenutu in mente è in core u ricordu di issi mumenti durante parechji ghjorni. « Ùn era micca a prima volta, ch’è noi ghjunghjiami in Roma, hà cunclusu u priore, ma à dilla franca, avemi avutu a furtuna di campà qualcosa d’unicu... »
Ghjuvan Micheli Bisgambiglia hà prumessu di vultà in a Cità Eterna da quì à qualchì anni... « Quandi u Cardinali serà Papa... »
Ph.P.
