5a marchja culurita in Appiettu
Una manifestazione per sustene a lotta contru à u cancaru di i zitelli.....
5a marchja culurita in Appiettu
L’associu « A rinascita » urganizeghja, stu sabbatu tutta a ghjurnata, cù « Sourire à la vie » è a Lega Corsa contru à u cancaru, a cinquesima edizione di « A marchja culurita ». Una manifestazione per sustene a lotta contru à u cancaru di i zitelli…
Tuttu u mondu cunnosce à Béa Casabianca, canterina chì face dapoi qualchì annu a so strada in l’universu musicale corsu. Ma quelli chì a cunnoscenu appena di più, ancu quelli chì ascultanu e so canzone, sanu quant’ella hè una persona assai sensibile chì prova à aiutà a ghjente cù i so picculi mezi. È ùn si parla di soldi...Hè iss’estru quì chì l’hà purtata, cinque anni fà, à mette in piazza una manifestazione dedicata à zitelli tocchi, per disgrazia, da u cancaru. « Socu andata à a Timone qualchì tempu fà, spiega l’artista, è quandu aghju vistu tutti sti ziteddi malati, mi sò dettu ch’ùn pudiami micca stà muti, senza fà nudda. Tandu, hè ghjunta l’idea d’urganizà una manifestazioni chì saria dedicata à issi ziteddi. »
Una marchja di dui chilometri
Cusì, è dapoi cinque anni, Béa, in leia cù a Lega Corsa contru à u cancaru, urganizeghja un cuncettu à tempu spurtivu è culturale. Una « marchja culurita » chì parte da a cappella di San Chirgu per andà in e strette di u paese d’Appiettu. Eppo dopu, ghjochi, attelli è per compie, una serata musicale induve ella chjama tutti i so amichi canterini. « Avemi principiatu cù poca ghjenti è participanti, aghjusta Béa Casabianca, pian’pianinu, a manifestazioni s’hè sviluppata, ma circhemi sempri à fà di più. »
Attelli è cuncerti
Cusì, è per a cinquesima edizione, l’evenimente principierà dopu meziornu cù attività diverse per i zitelli : corsa à saccu, cuncorsu di disegni, scola di cantu. À partesi di sei ore di sera, a marchja induve i zitelli portanu panni culuriti secondu à a vulintà di l’urganizatori, una manera, à tempu, di fà d’issu mumentu, una stonda di gioia è di spartera... « U numaru di parsoni crescia tutti l’anni. Stu sabbatu, speremi di più mondu chì annu. Forsa, una trentina è 250 parsoni in a ghjurnata sana. »
Tuttu u mondu hà parte da u pianu di San Chirgu, puntu di partenza è di ghjunta, passendu per e strette di u paese d’Appiettu. « Cum’è tutti l’anni, faremi dui chilometri ma ci serà a pussibilità, pà l’anziani o ziteddi chjuchi, di piddà una vitturedda dedicata à a noscia manifestazioni. Devi essa un mumentu di spartera. »
Una volta vultati davanti à a cappella, ci serà a pussibilità di beie è manghjà sopra piazza. Aspettendu i cuncerti versu nove ore di sera. Torna una volta, Béa hà chjamatu à i so amichi. « A valsa Ghinghetta » (viulinu, ghitarra, busucchì è altri strumenti tradiziunali…), a curale « A rinascita », purtata da ella stessa, Alanu Ceria è i so musicanti, una parte dedicata à u teatru è Béa cù i so musicanti per compie. L’occasione, di sente , canzone di u so ultimu dischettu « Parasia », scritte è cumposte da Denis Buffinignani... «I benefizii anderani à a Lega contru à u cancaru è à l’associu « Sourire à la vie ». Ringraziemi dinò à Elise Milano, pittori chì ci hà datu una di i so teli. In fini, ci serà una Tombula cù più di 170 rigali. U tuttu à prò di i ziteddi malati. Hè una piccula participazioni (400 auri à pocu pressu à l’annu), ma ci tinimu. Hè impurtanti di sensibilizà a ghjenti... »
Un’azzione da sustene…
Ph.P.
L’associu « A rinascita » urganizeghja, stu sabbatu tutta a ghjurnata, cù « Sourire à la vie » è a Lega Corsa contru à u cancaru, a cinquesima edizione di « A marchja culurita ». Una manifestazione per sustene a lotta contru à u cancaru di i zitelli…
Tuttu u mondu cunnosce à Béa Casabianca, canterina chì face dapoi qualchì annu a so strada in l’universu musicale corsu. Ma quelli chì a cunnoscenu appena di più, ancu quelli chì ascultanu e so canzone, sanu quant’ella hè una persona assai sensibile chì prova à aiutà a ghjente cù i so picculi mezi. È ùn si parla di soldi...Hè iss’estru quì chì l’hà purtata, cinque anni fà, à mette in piazza una manifestazione dedicata à zitelli tocchi, per disgrazia, da u cancaru. « Socu andata à a Timone qualchì tempu fà, spiega l’artista, è quandu aghju vistu tutti sti ziteddi malati, mi sò dettu ch’ùn pudiami micca stà muti, senza fà nudda. Tandu, hè ghjunta l’idea d’urganizà una manifestazioni chì saria dedicata à issi ziteddi. »
Una marchja di dui chilometri
Cusì, è dapoi cinque anni, Béa, in leia cù a Lega Corsa contru à u cancaru, urganizeghja un cuncettu à tempu spurtivu è culturale. Una « marchja culurita » chì parte da a cappella di San Chirgu per andà in e strette di u paese d’Appiettu. Eppo dopu, ghjochi, attelli è per compie, una serata musicale induve ella chjama tutti i so amichi canterini. « Avemi principiatu cù poca ghjenti è participanti, aghjusta Béa Casabianca, pian’pianinu, a manifestazioni s’hè sviluppata, ma circhemi sempri à fà di più. »
Attelli è cuncerti
Cusì, è per a cinquesima edizione, l’evenimente principierà dopu meziornu cù attività diverse per i zitelli : corsa à saccu, cuncorsu di disegni, scola di cantu. À partesi di sei ore di sera, a marchja induve i zitelli portanu panni culuriti secondu à a vulintà di l’urganizatori, una manera, à tempu, di fà d’issu mumentu, una stonda di gioia è di spartera... « U numaru di parsoni crescia tutti l’anni. Stu sabbatu, speremi di più mondu chì annu. Forsa, una trentina è 250 parsoni in a ghjurnata sana. »
Tuttu u mondu hà parte da u pianu di San Chirgu, puntu di partenza è di ghjunta, passendu per e strette di u paese d’Appiettu. « Cum’è tutti l’anni, faremi dui chilometri ma ci serà a pussibilità, pà l’anziani o ziteddi chjuchi, di piddà una vitturedda dedicata à a noscia manifestazioni. Devi essa un mumentu di spartera. »
Una volta vultati davanti à a cappella, ci serà a pussibilità di beie è manghjà sopra piazza. Aspettendu i cuncerti versu nove ore di sera. Torna una volta, Béa hà chjamatu à i so amichi. « A valsa Ghinghetta » (viulinu, ghitarra, busucchì è altri strumenti tradiziunali…), a curale « A rinascita », purtata da ella stessa, Alanu Ceria è i so musicanti, una parte dedicata à u teatru è Béa cù i so musicanti per compie. L’occasione, di sente , canzone di u so ultimu dischettu « Parasia », scritte è cumposte da Denis Buffinignani... «I benefizii anderani à a Lega contru à u cancaru è à l’associu « Sourire à la vie ». Ringraziemi dinò à Elise Milano, pittori chì ci hà datu una di i so teli. In fini, ci serà una Tombula cù più di 170 rigali. U tuttu à prò di i ziteddi malati. Hè una piccula participazioni (400 auri à pocu pressu à l’annu), ma ci tinimu. Hè impurtanti di sensibilizà a ghjenti... »
Un’azzione da sustene…
Ph.P.
