Midnight At Duk : u primu dischettu di << Playout >>
TThe « Playout Band », struttura furmata in u 2018, hè nanzu à tuttu, a storia di dui amichi intornu à a listessa passione di u rock
Midnight At Duk : u primu dischettu di « Playout »
Natu in u 2018 di a passione rock di dui amichi, issu gruppu cumpostu da Frédéric Bourreau-Micaelli è Jean-Antoine Raffalli, escerà u sette di nuvembre prussimu u so primu dischettu. Dodeci canzone chì trattatu, à modu soiu, di a sucetà corsa ughjinca.
The « Playout Band », struttura furmata in u 2018, hè nanzu à tuttu, a storia di dui amichi intornu à a listessa passione di u rock : Frédéric Bourreau-Micaelli è Jean-Antoine Raffalli. U primu hè prufessore di musica in Lucciana è u secondu insegna a batteria. Un gruppu di, solu, duie persone. Frédéri canta, sona di ghitarra cù un « ampli bassa brancatu è Jean-Antoine di batteria. Si cunnoscenu dapoi a so ghjuventù è anu decisu, qualchì annu fà, di mette a so passione è e so cumpetenze in cumunu cù a creazione di « Playout », una parolla pigliata à a TV in tempi di a crisa sanitaria. « Avemu principiatu pianu, spiega u cantadore, simu pertuti da u « rock-garage ». Ghjucavamu assai forte, eppo, strada facendu, ci hè statu un’evuluzione. Oghje, l’inseme hè più dolce cù di più meludie ver di un rock « indé » è ancu u pop. Un inseme chì face a nostra particularità. »
Influenze diverse
L’influenze di u gruppu sò diverse. Quelle ch’anu fattu u rock durante più di cinquanta anni (Beatles, the Doors, Led Zep, Deep Purple, AC-DC, Queen...) è dinò più vicinu da noi. « Di fattu, spiega Frédéric, simu stati ciuttati tutti i dui in dui ambii diferenti. Eiu, u rock appena inghlese, è ellu più americanu cù accenti blues, soul è country. Hè un mischiu di issi dui genari ch’è no ritruvemu ind’e nostre cumpusizione. Ma, ascultemu di tuttu, classicu, pop...»
Hè ind’una d’una casa famigliale, in Miomo, accunciata in studiò, chè Frédéric è Jean-Antoine ripetenu fora di u travagliu. Hè quì ch’ellu hè statu cuncepitu, senza aiute, « Midnight At Duk ».
Fading memories : un umagiu à i malati d’Alzheimer Cumpostu di dodeci canzone, hè u primu dischettu di i dui amichi, dopu à dui single « kick your ass », ripigliatu in u dischettu è « Crazy Island » esciuti dapoi a creazione di u gruppu in u 2018. Un dischettu fruttu d’un travaglione di u dui artisti intornu à i scritti è a musica. Frédéric s’hè incaricatu di scrive è cumpone a maiò parte di i tituli. Jean-Antoine hà scrittu è cumpostu « Fading Memories » in umagiu à a so minnana, tocca da a malatia d’Alzheimer. « Una canzona ritenuta da l’antenna corsa di France Alzheimer, aghjusta Frédéric, ma chì puderia esce cum’è un innu o un « clip » à u nivellu naziunale. » « Midnight At Duk » hè un inseme assai ricercatu chì c’invita à un viaghju musicale da e radiche di rock sin’à e so influenze più muderne cum’è « Outro » è a so sunurità strane. Un travagliu chì, oghje, porta i so frutti.
A voce di Frédéric t’hà certi accenti cunnisciuti (Jim Morrison, Mick Jaegger). U ritimu impostu da a batteria di Jean-Antoine, à l’ambiu rock, cumpletta l’inseme. In quant’à e canzone, sò un mischiu di tutte e referenze di i dui amichi, riff, dulcezza di a voce accumpagnata d’una ghitarra acustica è, d’un colpu ritimi più lestri, « elettrichi » è ancu pop. È certe volte (You’ve bee Erased) appena hard-rock cù i so riff particulari. A batteria di Jean-Antoine Raffali si scrive in tuttu ciò ch’è noi pudemu ritruvà in tutte e so riferenze.
Trè date di prumuzione
« Playout » si face un nome dapoi qualchì annu. I dui membri anu participatu à parechje emissione TV cù Francine Massiani è cummencianu, à tempu, à ripiglià qualchì titulu famosu di repertori corsu cum’è « Eppuru simu quì » di a Filetta, in corsu è in inghlese. Anu cantatu, dinò, in corsu, cù Patrizia Gattaceca. È u so talente l’hà purtatu à creà un « clip » dui anni fà è a participà, dinò à e selezzione per u « Printemps de Bourges ». In pochi tempi, anu fattu parechje scene (Bastia, Borgu, Purti Vechju, u « live RCFM, Migliacciaru…) è s’approntanu à fà a prumuzione di issu dischettu novu. Cusì, seranu u 21 d’ottobre à a sala Carlu Rocchi, in Corti per u Cabaret di RCFM. Seguiterà u 31 à a sala Cardiccia in Ghisunaccia è u 14 di nuvembre in San Angelo, in Bastia. Senza cuntà qualchì data forse in cuntinente (Marseglia, Parrighji…). Dui amichi ch’ùn cercanu micca à allargà a squadra. « Ci cunniscimu dapoi un pezzu, ci hè una certa cuerenza. Ùn vale à aghjustà d’altri membri... »
Forse, perchè micca qualchì scularu un ghjornu prussimu...
Photo : Playout
Natu in u 2018 di a passione rock di dui amichi, issu gruppu cumpostu da Frédéric Bourreau-Micaelli è Jean-Antoine Raffalli, escerà u sette di nuvembre prussimu u so primu dischettu. Dodeci canzone chì trattatu, à modu soiu, di a sucetà corsa ughjinca.
The « Playout Band », struttura furmata in u 2018, hè nanzu à tuttu, a storia di dui amichi intornu à a listessa passione di u rock : Frédéric Bourreau-Micaelli è Jean-Antoine Raffalli. U primu hè prufessore di musica in Lucciana è u secondu insegna a batteria. Un gruppu di, solu, duie persone. Frédéri canta, sona di ghitarra cù un « ampli bassa brancatu è Jean-Antoine di batteria. Si cunnoscenu dapoi a so ghjuventù è anu decisu, qualchì annu fà, di mette a so passione è e so cumpetenze in cumunu cù a creazione di « Playout », una parolla pigliata à a TV in tempi di a crisa sanitaria. « Avemu principiatu pianu, spiega u cantadore, simu pertuti da u « rock-garage ». Ghjucavamu assai forte, eppo, strada facendu, ci hè statu un’evuluzione. Oghje, l’inseme hè più dolce cù di più meludie ver di un rock « indé » è ancu u pop. Un inseme chì face a nostra particularità. »
Influenze diverse
L’influenze di u gruppu sò diverse. Quelle ch’anu fattu u rock durante più di cinquanta anni (Beatles, the Doors, Led Zep, Deep Purple, AC-DC, Queen...) è dinò più vicinu da noi. « Di fattu, spiega Frédéric, simu stati ciuttati tutti i dui in dui ambii diferenti. Eiu, u rock appena inghlese, è ellu più americanu cù accenti blues, soul è country. Hè un mischiu di issi dui genari ch’è no ritruvemu ind’e nostre cumpusizione. Ma, ascultemu di tuttu, classicu, pop...»
Hè ind’una d’una casa famigliale, in Miomo, accunciata in studiò, chè Frédéric è Jean-Antoine ripetenu fora di u travagliu. Hè quì ch’ellu hè statu cuncepitu, senza aiute, « Midnight At Duk ».
Fading memories : un umagiu à i malati d’Alzheimer Cumpostu di dodeci canzone, hè u primu dischettu di i dui amichi, dopu à dui single « kick your ass », ripigliatu in u dischettu è « Crazy Island » esciuti dapoi a creazione di u gruppu in u 2018. Un dischettu fruttu d’un travaglione di u dui artisti intornu à i scritti è a musica. Frédéric s’hè incaricatu di scrive è cumpone a maiò parte di i tituli. Jean-Antoine hà scrittu è cumpostu « Fading Memories » in umagiu à a so minnana, tocca da a malatia d’Alzheimer. « Una canzona ritenuta da l’antenna corsa di France Alzheimer, aghjusta Frédéric, ma chì puderia esce cum’è un innu o un « clip » à u nivellu naziunale. » « Midnight At Duk » hè un inseme assai ricercatu chì c’invita à un viaghju musicale da e radiche di rock sin’à e so influenze più muderne cum’è « Outro » è a so sunurità strane. Un travagliu chì, oghje, porta i so frutti.
A voce di Frédéric t’hà certi accenti cunnisciuti (Jim Morrison, Mick Jaegger). U ritimu impostu da a batteria di Jean-Antoine, à l’ambiu rock, cumpletta l’inseme. In quant’à e canzone, sò un mischiu di tutte e referenze di i dui amichi, riff, dulcezza di a voce accumpagnata d’una ghitarra acustica è, d’un colpu ritimi più lestri, « elettrichi » è ancu pop. È certe volte (You’ve bee Erased) appena hard-rock cù i so riff particulari. A batteria di Jean-Antoine Raffali si scrive in tuttu ciò ch’è noi pudemu ritruvà in tutte e so riferenze.
Trè date di prumuzione
« Playout » si face un nome dapoi qualchì annu. I dui membri anu participatu à parechje emissione TV cù Francine Massiani è cummencianu, à tempu, à ripiglià qualchì titulu famosu di repertori corsu cum’è « Eppuru simu quì » di a Filetta, in corsu è in inghlese. Anu cantatu, dinò, in corsu, cù Patrizia Gattaceca. È u so talente l’hà purtatu à creà un « clip » dui anni fà è a participà, dinò à e selezzione per u « Printemps de Bourges ». In pochi tempi, anu fattu parechje scene (Bastia, Borgu, Purti Vechju, u « live RCFM, Migliacciaru…) è s’approntanu à fà a prumuzione di issu dischettu novu. Cusì, seranu u 21 d’ottobre à a sala Carlu Rocchi, in Corti per u Cabaret di RCFM. Seguiterà u 31 à a sala Cardiccia in Ghisunaccia è u 14 di nuvembre in San Angelo, in Bastia. Senza cuntà qualchì data forse in cuntinente (Marseglia, Parrighji…). Dui amichi ch’ùn cercanu micca à allargà a squadra. « Ci cunniscimu dapoi un pezzu, ci hè una certa cuerenza. Ùn vale à aghjustà d’altri membri... »
Forse, perchè micca qualchì scularu un ghjornu prussimu...
Photo : Playout