"À l'alba di u cantu" : 130 canzone chì contanu a Corsica
Ghjurnalistu, cantadore è musicante, Ghjilormu Padovani hà esciutu, di dicembre scorsu, in libru " À l'Alba di u cantu "
« À l’alba di u cantu » : 130 canzone chì contanu a Corsica
Ghjurnalistu, cantadore è musicante, Ghjilormu Padovani hà esciutu, di dicembre scorsu, un libru « À l’Alba di u Cantu ». Fruttu di croniche scritte da u 2015 à u 2018 nantu à « Settimana », issu travagliu ci permette di sfuglià più di dui seculi di a storia di Corsica à traversu parechje tematiche : umagiu è ritratti, rivindicazione, amore, natura, storia, tradiziunale…
Cuntà a storia d’una canzona intornu à e cundizione di a so scrittura, l’evenimenti storichi, culturali, suciali u pulitichi di l’epica, eccu u scopu di Ghjilormu Padovani quand’ellu sceglie di publicà, in u 2015, una cronica nantu à « Settimana », ogni venneri. « Quandu aghju riflettutu à iss’idea quì, spiega l’autore, era per sfruttà e canzone, cuntendu a so storia è u cuntestu di a so scrittura... »
Un travagliu di trè anni
Cusì, è sin’à u 2018, u ghjurnalistu scriverà centutrenta sturiette intornu à canzone corse è tutte e tematiche. « Ogni volta, aghjusta l’autore, è fora di i canti tradiziunali, aghju pussutu scopre u sicretu d’ogni canzona da quelli chì l’avianu scritta. Ma, tandu, u cantu pò perde un pocu d’ellu stessu, aghju cercatu sopratuttu à cunvince l’autori di a me demarchja d’omu passiunatu di musica è di u cantu corsu. »
Ghjurnalistu, ma ellu stessu cantadore è musicante, Ghjilormu Padovani ùn hà micca avutu troppu difficultà à trattà di canzone o canti ch’ellu cunniscia monda, per a maiò parte. « Ciò chì hè statu più difficiule era piuttostu di fà una scelta ogni volta nantu à ste croniche... »
Incù « À l’alba di u cantu », l’autore hà vulsutu fà una racolta di u so travagliu, ripigliendulu, ogni volta guasgi tale è quale ma cù una crunulugia. « Di fattu, hè stata una scelta persunale, quella di i canti. Ci n’hè centenaie. Aghju sceltu quelle chì mi « parlavanu » u più. Tutti issi canti anu accumpagnatu i Corsi dapoi più di dui seculi. A crunulugia permette di parte da l’iniziu è rispetta e date precise di scrittura... »
Da eri à oghje
« À l’alba di u cantu » ci permette di ciuttà nentru à ogni puesia, di scopre i so sicreti, Da « Terzetti di u Piuvanu » sin’à u famosu « O Generale » di u gruppu Voce Ventu, sfugliemu cù trecentu pagine, a storia di l’Isula. Si principia dunque cù u cantu tradiziunale, quellu chì ghjunse sin’à d’oghje cù l’uralità nanzu à u scrittu è Internet. Quì dinò, cu vulia à fà una scelta. L’autore tratta dunque di « Terzetti di u Piuvanu », una pulifunia tradiziunale ripigliata da « Canta u Populu Corsu », « Terzetti Rusinchi », un cantu d’amore o « Barbara Furtuna » chì tratta di l’esiliu. Dopu, ghjunghjenu duie di e nanne e più famose di u repertoriu tradiziunale : « O Ciucciarella » è « Sottu à lu ponte ».
Sempre intornu à a tradizione, i più famosi lamenti, quellu di « Ghjuvan Camellu », u « Castagnu », o « Petrucciu ». Passemu, subbitu dopu à canzone nate nanzu à u riacquistu : l’epica di « Chì fà », « Bonghjornu Madamicella » o « Ti Tengu cara ». Hè l’occasione, per u ghjurnalistu, di mintuà artisti rinumati : César Vezzani, i fratelli Vincenti, Antoine Ciosi, Charles Rocchi. Eppo, ghjunghjemu à l’epica di u Riacquistu da « Corsica Nostra » à « Scrivu à tè ». Sta volta, sò i gruppi nati in sti tempi quì chì sò messi in vale : Canta u Populu corsu, i Chjami Aghjalesi, a Filetta, i Surghjenti, i Voci di a Gravona, Diana di l’Alba (e duie squadre). Scupremu, tandu, e più famose canzone di i quaranti anni passati, liate à un fattu storicu o puliticu, «Vogliu scrive u to nome », « Clandestinu », « L’armata di l’ombra », l’avvene o a fratellanza « Amaremi », « Companero », « Amicu ci sì tù », « Ci hè dinò »...À mezu, ghjuvelli cum’è « Ghjochi », « Sintineddi », « Sumiglia » o « L’anniversariu di Minetta ».
È si finisce cù gruppi ughjinchi (Voce Ventu, Attalà, Novi)…U tutti spiccatu, à a fine, in sei tematiche : storia, ritratti, rivindicazione, amore, natura, tradiziunale...
Un’opera da scopre...Aspettendu, forse, una seguita
Ghjurnalistu, cantadore è musicante, Ghjilormu Padovani hà esciutu, di dicembre scorsu, un libru « À l’Alba di u Cantu ». Fruttu di croniche scritte da u 2015 à u 2018 nantu à « Settimana », issu travagliu ci permette di sfuglià più di dui seculi di a storia di Corsica à traversu parechje tematiche : umagiu è ritratti, rivindicazione, amore, natura, storia, tradiziunale…
Cuntà a storia d’una canzona intornu à e cundizione di a so scrittura, l’evenimenti storichi, culturali, suciali u pulitichi di l’epica, eccu u scopu di Ghjilormu Padovani quand’ellu sceglie di publicà, in u 2015, una cronica nantu à « Settimana », ogni venneri. « Quandu aghju riflettutu à iss’idea quì, spiega l’autore, era per sfruttà e canzone, cuntendu a so storia è u cuntestu di a so scrittura... »
Un travagliu di trè anni
Cusì, è sin’à u 2018, u ghjurnalistu scriverà centutrenta sturiette intornu à canzone corse è tutte e tematiche. « Ogni volta, aghjusta l’autore, è fora di i canti tradiziunali, aghju pussutu scopre u sicretu d’ogni canzona da quelli chì l’avianu scritta. Ma, tandu, u cantu pò perde un pocu d’ellu stessu, aghju cercatu sopratuttu à cunvince l’autori di a me demarchja d’omu passiunatu di musica è di u cantu corsu. »
Ghjurnalistu, ma ellu stessu cantadore è musicante, Ghjilormu Padovani ùn hà micca avutu troppu difficultà à trattà di canzone o canti ch’ellu cunniscia monda, per a maiò parte. « Ciò chì hè statu più difficiule era piuttostu di fà una scelta ogni volta nantu à ste croniche... »
Incù « À l’alba di u cantu », l’autore hà vulsutu fà una racolta di u so travagliu, ripigliendulu, ogni volta guasgi tale è quale ma cù una crunulugia. « Di fattu, hè stata una scelta persunale, quella di i canti. Ci n’hè centenaie. Aghju sceltu quelle chì mi « parlavanu » u più. Tutti issi canti anu accumpagnatu i Corsi dapoi più di dui seculi. A crunulugia permette di parte da l’iniziu è rispetta e date precise di scrittura... »
Da eri à oghje
« À l’alba di u cantu » ci permette di ciuttà nentru à ogni puesia, di scopre i so sicreti, Da « Terzetti di u Piuvanu » sin’à u famosu « O Generale » di u gruppu Voce Ventu, sfugliemu cù trecentu pagine, a storia di l’Isula. Si principia dunque cù u cantu tradiziunale, quellu chì ghjunse sin’à d’oghje cù l’uralità nanzu à u scrittu è Internet. Quì dinò, cu vulia à fà una scelta. L’autore tratta dunque di « Terzetti di u Piuvanu », una pulifunia tradiziunale ripigliata da « Canta u Populu Corsu », « Terzetti Rusinchi », un cantu d’amore o « Barbara Furtuna » chì tratta di l’esiliu. Dopu, ghjunghjenu duie di e nanne e più famose di u repertoriu tradiziunale : « O Ciucciarella » è « Sottu à lu ponte ».
Sempre intornu à a tradizione, i più famosi lamenti, quellu di « Ghjuvan Camellu », u « Castagnu », o « Petrucciu ». Passemu, subbitu dopu à canzone nate nanzu à u riacquistu : l’epica di « Chì fà », « Bonghjornu Madamicella » o « Ti Tengu cara ». Hè l’occasione, per u ghjurnalistu, di mintuà artisti rinumati : César Vezzani, i fratelli Vincenti, Antoine Ciosi, Charles Rocchi. Eppo, ghjunghjemu à l’epica di u Riacquistu da « Corsica Nostra » à « Scrivu à tè ». Sta volta, sò i gruppi nati in sti tempi quì chì sò messi in vale : Canta u Populu corsu, i Chjami Aghjalesi, a Filetta, i Surghjenti, i Voci di a Gravona, Diana di l’Alba (e duie squadre). Scupremu, tandu, e più famose canzone di i quaranti anni passati, liate à un fattu storicu o puliticu, «Vogliu scrive u to nome », « Clandestinu », « L’armata di l’ombra », l’avvene o a fratellanza « Amaremi », « Companero », « Amicu ci sì tù », « Ci hè dinò »...À mezu, ghjuvelli cum’è « Ghjochi », « Sintineddi », « Sumiglia » o « L’anniversariu di Minetta ».
È si finisce cù gruppi ughjinchi (Voce Ventu, Attalà, Novi)…U tutti spiccatu, à a fine, in sei tematiche : storia, ritratti, rivindicazione, amore, natura, tradiziunale...
Un’opera da scopre...Aspettendu, forse, una seguita
