U liceu San Paulu d'Aiacciu in core d'una pulemica
Dopu à a dettezzione di cinque sculari di u liceu San Paulu , ...
U liceu San Paulu d’Aiacciu in core d’una pulemica
Dopu à a dettezzione di cinque sculari di u liceu San Paulu, pusitivi à u Covid 19 in Aiacciu, a settimana scorsa, a direzzione di u stabulimente è l’Associu di i Parenti Corsi si sò aduniti per fà u puntu…
Ci era à l’iniziu qualchì casu pusitivu di Covid-19, cum’è d’altronde in parechje cità o stabilimenti sculari da per tuttu in Francia è in altrò. Ma cù assai timori, oghje intornu à tuttu ciò chì tocca à quellu siscu chì mette à paghjola u mondu sanu, un evenimentu minore piglia subbitu cunsequenze tamante...Saria ciò chì hè accadutu a settimana scorsa à u liceu San Paulu d’Aghjacciu.
Di fattu, l’affare principia quindeci ghjorni fà. Cinque sculari d’una classa sò ricunnisciuti pusitivi à u Covid-19. Subbitu, l’inseme di i zitelli di a classa sò spiccati da l’altri in tantu chè casi cuntatti. Voltanu ind’è elli, u tempu di misurà e cunsequenze è passà i cuntrolli necessarii. Quelli pusitivi, elli, devenu aspettà qualchì ghjornu è sò messi à l’isulamentu durante sette ghjorni.
Zitelli tocchi in u quadru spurtivu ?
Iss’evenimentu marca, ci vole à dilla, u liceu. Subbitu, a paura si sviluppa in tuttu u stabilimentu. Ind un scrittu, Gilles Belloni, respunsevule di l’Associu di i Parenti Corsi è Francescu Grimaldi d’Esdra, direttore aghjuntu di San Paulu, facenu u puntu è danu u so parè. « I casi di Covid sò stati ricunnisciuti fora di u quadru sculare è semu, avà, in core d’una pulemica. A scola si piglia, oghje, tutti i guai di a sucetà, masimu quandu s’agisce di u Covid. Quessu, ùn lu pudemu accettà ! »
I sculari cuncernati sarianu stati tocchi da u siscu in u quadru spurtivu è micca à a scola. Ma facianu parte, tutti, d’una classa specifica dedicata à u ghjocu à ballò chì a maiò parte sò scritti à l’ACA è u GFCA. È s’ampara, tandu, chè a sparghjera di u siscu puderia esse pertuta da quallà. À l’ACA, dece frà i vinti ghjucadore di u centru di furmazione, sò stati cuntrullati pusitivi è piazzati à l’isulamentu per sette ghjorni in a so stanza di u CSJC. In tuttu, sò settanta persone chì sò state cuntrullate ind’è i « bianchi è rossi » (tutte negative). Per ciò chì tocca à u GFCA, cinque adulescente è un educatore sò stati dinò cuntrullati pusitivi. Un’inchietudine maiò per e duie squadre cuncernate. Per l’ACA, si tratta di l’inseme di a furmazione.
D’un altru cantu, ùn si pò dì, di manera precisa s’è i ghjucadori cuncernati sò stati tocchi in u quadru scularu (cusì dicenu à l’ACA) o spurtivu (secondu à u stabilimentu è l’APC). Secondu à l’ARS, ùn anu micca i sintumi, hè dunque difficiule à verificà. Frà u tempu u centru di furmazione di l’ACA hè statu chjosu sin’à u 20 di ghjennaghju. Nanzu à cuntrolli novi.
Una situazione ammaestrata
Da u so cantu, i respunsevuli di u stabilimentu volenu mantene un certu quadru di travagliu. « Dapoi u principiu di a crisa, avemu pigliatu e nostre respunsabilità per assicurà un cuntenutu pedagogicu di qualità. Avemu fattu dinò, sforzi maiò per ciò chì tocca à l’urganisazione di a vita sculara (tendita maiò per duppià u spaziu di a cantina, gesti per privene, maschere per i zitelli, spazii in più per a recreazione... »
S’è a crisa sanitaria cuntinueghja à spavintà a ghjente, è masimu in u quadru scularu, l’accademia di Corsica saria forse una di e sole à prinsità un bilanciu cusì pusitivu (21 casi pusitivi nantu à 48000 sculari a settimana scorsa). Hè segnu, ancu s’ellu ci vole à avanzà pian, pianinu, ch’è noi t’avemu per avà, a maestria di a situazione…
F.P.
Dopu à a dettezzione di cinque sculari di u liceu San Paulu, pusitivi à u Covid 19 in Aiacciu, a settimana scorsa, a direzzione di u stabulimente è l’Associu di i Parenti Corsi si sò aduniti per fà u puntu…
Ci era à l’iniziu qualchì casu pusitivu di Covid-19, cum’è d’altronde in parechje cità o stabilimenti sculari da per tuttu in Francia è in altrò. Ma cù assai timori, oghje intornu à tuttu ciò chì tocca à quellu siscu chì mette à paghjola u mondu sanu, un evenimentu minore piglia subbitu cunsequenze tamante...Saria ciò chì hè accadutu a settimana scorsa à u liceu San Paulu d’Aghjacciu.
Di fattu, l’affare principia quindeci ghjorni fà. Cinque sculari d’una classa sò ricunnisciuti pusitivi à u Covid-19. Subbitu, l’inseme di i zitelli di a classa sò spiccati da l’altri in tantu chè casi cuntatti. Voltanu ind’è elli, u tempu di misurà e cunsequenze è passà i cuntrolli necessarii. Quelli pusitivi, elli, devenu aspettà qualchì ghjornu è sò messi à l’isulamentu durante sette ghjorni.
Zitelli tocchi in u quadru spurtivu ?
Iss’evenimentu marca, ci vole à dilla, u liceu. Subbitu, a paura si sviluppa in tuttu u stabilimentu. Ind un scrittu, Gilles Belloni, respunsevule di l’Associu di i Parenti Corsi è Francescu Grimaldi d’Esdra, direttore aghjuntu di San Paulu, facenu u puntu è danu u so parè. « I casi di Covid sò stati ricunnisciuti fora di u quadru sculare è semu, avà, in core d’una pulemica. A scola si piglia, oghje, tutti i guai di a sucetà, masimu quandu s’agisce di u Covid. Quessu, ùn lu pudemu accettà ! »
I sculari cuncernati sarianu stati tocchi da u siscu in u quadru spurtivu è micca à a scola. Ma facianu parte, tutti, d’una classa specifica dedicata à u ghjocu à ballò chì a maiò parte sò scritti à l’ACA è u GFCA. È s’ampara, tandu, chè a sparghjera di u siscu puderia esse pertuta da quallà. À l’ACA, dece frà i vinti ghjucadore di u centru di furmazione, sò stati cuntrullati pusitivi è piazzati à l’isulamentu per sette ghjorni in a so stanza di u CSJC. In tuttu, sò settanta persone chì sò state cuntrullate ind’è i « bianchi è rossi » (tutte negative). Per ciò chì tocca à u GFCA, cinque adulescente è un educatore sò stati dinò cuntrullati pusitivi. Un’inchietudine maiò per e duie squadre cuncernate. Per l’ACA, si tratta di l’inseme di a furmazione.
D’un altru cantu, ùn si pò dì, di manera precisa s’è i ghjucadori cuncernati sò stati tocchi in u quadru scularu (cusì dicenu à l’ACA) o spurtivu (secondu à u stabilimentu è l’APC). Secondu à l’ARS, ùn anu micca i sintumi, hè dunque difficiule à verificà. Frà u tempu u centru di furmazione di l’ACA hè statu chjosu sin’à u 20 di ghjennaghju. Nanzu à cuntrolli novi.
Una situazione ammaestrata
Da u so cantu, i respunsevuli di u stabilimentu volenu mantene un certu quadru di travagliu. « Dapoi u principiu di a crisa, avemu pigliatu e nostre respunsabilità per assicurà un cuntenutu pedagogicu di qualità. Avemu fattu dinò, sforzi maiò per ciò chì tocca à l’urganisazione di a vita sculara (tendita maiò per duppià u spaziu di a cantina, gesti per privene, maschere per i zitelli, spazii in più per a recreazione... »
S’è a crisa sanitaria cuntinueghja à spavintà a ghjente, è masimu in u quadru scularu, l’accademia di Corsica saria forse una di e sole à prinsità un bilanciu cusì pusitivu (21 casi pusitivi nantu à 48000 sculari a settimana scorsa). Hè segnu, ancu s’ellu ci vole à avanzà pian, pianinu, ch’è noi t’avemu per avà, a maestria di a situazione…
F.P.
