Antone Marielli : un dizziunariu per tramandà a parolla corsa.....
Esciutu pochi tempi fà à « Scudu Edizione », un primu dizziunariu d’Antone Marielli- ci ne serà trè in tuttu- mette in vale parechje tematiche : a persona umana, a sessualità, l’amore, a salute, e pene, e malatie, i cinque sensi è i sintimi.
Antone Marielli : un dizziunariu per tramandà a parolla corsa…
Esciutu pochi tempi fà à « Scudu Edizione », un primu dizziunariu d’Antone Marielli- ci ne serà trè in tuttu- mette in vale parechje tematiche : a persona umana, a sessualità, l’amore, a salute, e pene, e malatie, i cinque sensi è i sintimi. Un travaglione, fruttu di più di trentacinque anni di racolte…
Per quelli chì u cunnoscenu pocu, Antone Marielli hè, di sicuru, u famosu artistu, pueta, cantadore è sunadore (urganettu, ghitarra, fiati…) di Diana di l’Alba. E duie squadre, quella di u principiu in l’anni settanta è quella di a generazione di u novanta. Fora d’issa passione, l’omu, di ceppu sartinese, hè arradicatu à a so lingua è a so cultura. Un percorsu chì l’hà purtatu d’una manera logica, à insegnà-piuttostu tramandà- a lingua corsa durante quaranta anni.
Ma da zitellu, hè sempre statu passiunatu da a parolla. « A parolla hè un segnu. U segnu hè a scrittura...Ziteddu, aghju sempri seguitatu à babbu. Era eletricistu. Tirava i fili è l’aiutava ogni vacanzi. Un mesi d’estati ! Vulia ch’eo amparessi un mistieru manuali. Ma u destinu n’hà decisu altrimenti... »
Zitellu, Antone hè sempre à mezu à l’anziani è, sicura, ind’un bagnu linguisticu naturale ch’ellu si parlava, per a maiò parte, in corsu. Porta cun ellu, un picculu quaternu rossu è scrive parolle ch’ellu ùn cunnosce micca o chì sò perse. È cusì, u libracciolu, seguitatu da altri ch’ellu era carcu – face a so strada accumpagnendu u prufessore – cantadore – durante anni è anni.
Trentacinque anni di racolte
L’idea di publicà un dizziunariu hè ghjunta. « Una logica ch’eo vulia tramandà tuttu què. Fora di i mei, aghju fattu u giru di a Corsica, cù Diana di l’Alba o in tantu chè guida di muntagna, scuntrendu tanta ghjenti. Ci era sempri una parolla persa o ch’ùn cunniscia micca. Tandu, tuttu u mondu parlaia corsu. Aghju vulsutu dopu à un travaddonu, metta l’insemi à dispusizioni di a ghjenti. Trentacinqui anni di racolti ! »
Per una « messa in suchju », l’autore- chì hà dighjà publicatu « E fole di Ziu Antone – per i zitelli in u 2015, esce trè anni fà, un primu libru « Buccate, scappate, detti è parolle scarse ». In tuttu, ci truveremu guasgi 20000 parolle o spressione. Ma t’hà sempre u so filu in capu : publicà una spezia d’enciclopedia cù un vucabulariu abbastanza precisu nantu à tutte e tematiche. « Hè un travaddu di monacu, ci hè vulsutu à fighjulà, fà i currezzioni, aghju travaddatu tutti i mani chè babbu dicia sempri : « a menti hè fresca ! »
Cusì, ghjè un primu toma esciutu à u principiu di marzu. Dedicatu, quessu quì à tematiche precise : a persona umana, a sessualità, l’amore, a salute, e pene, e malatie, i cinque sensi è i sintimi. Per fà ne a prumuzione, l’artistu publicheghja, ogni ghjorni, una pagina nantu à u so Facebook.
1200 pagine, 250000 parolle è spressione
Dui altri anu da seguità d’ottobre (a famiglia, a scola, i panni, u manghjà, a religione, e credenze, a morte, l’allevu, i ghjochi, l’agricultura) è di ferraghju l’annu chì vene (u mare, i pesci, i mistieri, l’ecunumia, a vittura, u drittu, i culori, a pittura, a tecnica di u sonu, stampa, a natura (piante, mignoculi…), e muntagne, a caccia, u tempu chì passa, u tempu chì face, i Santi, e stelle, u ventu, detti persi…
Un travagliu chì adunisce à pocu pressu 1200 pagine è 250000 parolle o detti. L’autore, ellu, hè « vittimu » di u successu, postu chè, per via d’una vendita maiò, l’edizione sò custrette di stampà dinò. Una manera di misurà, cù l’interessu di u publicu, u travagliu di l’autore…
Ph.P.
U dizziunariu tematicu
Antonu Marielli
Scudu Edizione
400 p. 25 euros
Esciutu pochi tempi fà à « Scudu Edizione », un primu dizziunariu d’Antone Marielli- ci ne serà trè in tuttu- mette in vale parechje tematiche : a persona umana, a sessualità, l’amore, a salute, e pene, e malatie, i cinque sensi è i sintimi. Un travaglione, fruttu di più di trentacinque anni di racolte…
Per quelli chì u cunnoscenu pocu, Antone Marielli hè, di sicuru, u famosu artistu, pueta, cantadore è sunadore (urganettu, ghitarra, fiati…) di Diana di l’Alba. E duie squadre, quella di u principiu in l’anni settanta è quella di a generazione di u novanta. Fora d’issa passione, l’omu, di ceppu sartinese, hè arradicatu à a so lingua è a so cultura. Un percorsu chì l’hà purtatu d’una manera logica, à insegnà-piuttostu tramandà- a lingua corsa durante quaranta anni.
Ma da zitellu, hè sempre statu passiunatu da a parolla. « A parolla hè un segnu. U segnu hè a scrittura...Ziteddu, aghju sempri seguitatu à babbu. Era eletricistu. Tirava i fili è l’aiutava ogni vacanzi. Un mesi d’estati ! Vulia ch’eo amparessi un mistieru manuali. Ma u destinu n’hà decisu altrimenti... »
Zitellu, Antone hè sempre à mezu à l’anziani è, sicura, ind’un bagnu linguisticu naturale ch’ellu si parlava, per a maiò parte, in corsu. Porta cun ellu, un picculu quaternu rossu è scrive parolle ch’ellu ùn cunnosce micca o chì sò perse. È cusì, u libracciolu, seguitatu da altri ch’ellu era carcu – face a so strada accumpagnendu u prufessore – cantadore – durante anni è anni.
Trentacinque anni di racolte
L’idea di publicà un dizziunariu hè ghjunta. « Una logica ch’eo vulia tramandà tuttu què. Fora di i mei, aghju fattu u giru di a Corsica, cù Diana di l’Alba o in tantu chè guida di muntagna, scuntrendu tanta ghjenti. Ci era sempri una parolla persa o ch’ùn cunniscia micca. Tandu, tuttu u mondu parlaia corsu. Aghju vulsutu dopu à un travaddonu, metta l’insemi à dispusizioni di a ghjenti. Trentacinqui anni di racolti ! »
Per una « messa in suchju », l’autore- chì hà dighjà publicatu « E fole di Ziu Antone – per i zitelli in u 2015, esce trè anni fà, un primu libru « Buccate, scappate, detti è parolle scarse ». In tuttu, ci truveremu guasgi 20000 parolle o spressione. Ma t’hà sempre u so filu in capu : publicà una spezia d’enciclopedia cù un vucabulariu abbastanza precisu nantu à tutte e tematiche. « Hè un travaddu di monacu, ci hè vulsutu à fighjulà, fà i currezzioni, aghju travaddatu tutti i mani chè babbu dicia sempri : « a menti hè fresca ! »
Cusì, ghjè un primu toma esciutu à u principiu di marzu. Dedicatu, quessu quì à tematiche precise : a persona umana, a sessualità, l’amore, a salute, e pene, e malatie, i cinque sensi è i sintimi. Per fà ne a prumuzione, l’artistu publicheghja, ogni ghjorni, una pagina nantu à u so Facebook.
1200 pagine, 250000 parolle è spressione
Dui altri anu da seguità d’ottobre (a famiglia, a scola, i panni, u manghjà, a religione, e credenze, a morte, l’allevu, i ghjochi, l’agricultura) è di ferraghju l’annu chì vene (u mare, i pesci, i mistieri, l’ecunumia, a vittura, u drittu, i culori, a pittura, a tecnica di u sonu, stampa, a natura (piante, mignoculi…), e muntagne, a caccia, u tempu chì passa, u tempu chì face, i Santi, e stelle, u ventu, detti persi…
Un travagliu chì adunisce à pocu pressu 1200 pagine è 250000 parolle o detti. L’autore, ellu, hè « vittimu » di u successu, postu chè, per via d’una vendita maiò, l’edizione sò custrette di stampà dinò. Una manera di misurà, cù l’interessu di u publicu, u travagliu di l’autore…
Ph.P.
U dizziunariu tematicu
Antonu Marielli
Scudu Edizione
400 p. 25 euros
