Voce ventu canta à u nritimu di e sperenze
Esce à u principiu di ghjugnu u cinquesimu dischettu di u gruppu isulanu.
Voce ventu canta à u ritimu di e sperenze
Esce à u principiu di ghjugnu u cinquesimu dischettu di u gruppu isulanu. Vinticinque canzone par marcà in vinticinque anni di a squadra. Quattordeci tituli novi nove è ondeci « anziani » accunciati nantu à un versu diferente. Ma sempre u listessu spiritu…
Voce ventu hà fattu a so strada dapoi u 1995. Quattru dischetti sò nati : « rughju di vita », « tessi, tessi » cù l’artista giappunese Mieko Miyasaki, «Di culori è di sonnii » è l’ultimu « Ci serà sempre un cantu »...Un gruppu diventatu, à pocu à pocu unu di i più famosi di l’isula cù tituli chì anu fattu a so nuturietà : « rughju di vita », « Corsica meia », « Da u sperà », « O Generale »...Una squadra pertuta cù sei amichi : Fred Poggi, Saveriu Tavera, Eric Ressouche, Antò Geronimi, Fred Sini è Andria Fazi. S’è, frà tempu, i trè ultimi anu pigliatu un’altra strada, d’altri sò ghjunti à purtà a so petra : Lionel Giacomini, Ghjuvan Filippu Martini, Dumè Casalonga, Michele Tomei...Senza cuntà nantu à musicanti chì ghjunghjenu, di tantu in tantu, accuncià si : Celia Picciochi (viulinu), Pierre Michelangeli (percussione), Tony Falone (ghitarra) è ancu Bernard Ferrari (ghitarra)...L’inseme dà, oghje, un soffiu novu sempre arrimbatu nantu à listessu spiritu. Cusì, u gruppu hà vulsutu marcà i so vinticinque anni cù un dischettu novu privistu l’annu scorsu ma ch’ùn s’hè pussutu fà per via di a crisa sanitaria. « L’idea hè nata in pienu cunfinamentu, spiega Fred Poggi, unu di i fundatori di u gruppu, cuntaiamu di fà lu esce di ghjugnu di u 2020. È s’ùn avemu riesciutu à fà lu, l’avemu quantunque appruntatu bè, accunciatu di manera precisa. Hè statu arregistratu per, in fine, fà lu esce un annu dopu. »
Qualchì cuncertu d’estatina
Cusì, u dischettu, chì marca i vinticinque anni di u gruppu, escerà per u so vintiseiesimu anniversariu. Vinticinque canti, unu per ogni annu. « U discu vene à puntellà a nostra strada dapoi u 1995. Tandu, ghjè un discu cù vinticinque pezzi. Sò quattordeci creazione nove è avemu fattu a scelta di mette ondeci pezzi più classichi di u gruppu, chì sò stati appena accunciati à modu novu, à u nivellu strumentale o vucale. »
Fred Poggi hà scrittu è cumpostu a maiò parte di i tituli ma ritruvemu dinò à Lionel Giacomini o Ghjuvan Filippu Martini. « Ognunu porta a so petra è u gruppu s’arricchisce di i talenti d’ognunu. Hè cusì ch’ella si face a ricchezza è a variatezza d’una squadra... »
Sperendu a fine di a crisa sanitaria, u gruppu s’appronta dighjà à girà d’estatina per prisentà u so dischettu novu (à u ritimu di e sperenze…). « Per avà, avemu dighjà qualchì data, ma hè trà virgulette, chì hà da dipende di a situazione è di ciò chì serà impostu da u Statu. Ma semu pronti...Ci hè cinque o sei date, n’aspettemu di più forse, a ghjente ci chjama dighjà per u 2022, hè una bona. »
Senza cunnosce, per avà, u cuntenutu di u dischettu, ci saria quantunque u filu melodicu di a squadra intornu una tematica allargata. « À u ritimu di e sperenze, hè appena a nostra musa...Chì ghjè chì porta l’omu à scrive, à cumpone canti d’issu stile quì ? Chì sò canti cù un fondu indiatu, sò e nostre sperenze di corsu, di populu ma dinò d’umanu. Hè què chì ci hà purtatu à scrive è à sceglie issu titulu. Hè u ritimu di e nostre sperenze chì ci hà fattu scrive, cumpone è cantà dapoi 25 anni. Aldilà di què, semu andati à apreci à e sperenze di l’altri populi di manera à universalizà a nostra demarchja... »
U dischettu monda aspettatu da tutti.
Ph.P.
Esce à u principiu di ghjugnu u cinquesimu dischettu di u gruppu isulanu. Vinticinque canzone par marcà in vinticinque anni di a squadra. Quattordeci tituli novi nove è ondeci « anziani » accunciati nantu à un versu diferente. Ma sempre u listessu spiritu…
Voce ventu hà fattu a so strada dapoi u 1995. Quattru dischetti sò nati : « rughju di vita », « tessi, tessi » cù l’artista giappunese Mieko Miyasaki, «Di culori è di sonnii » è l’ultimu « Ci serà sempre un cantu »...Un gruppu diventatu, à pocu à pocu unu di i più famosi di l’isula cù tituli chì anu fattu a so nuturietà : « rughju di vita », « Corsica meia », « Da u sperà », « O Generale »...Una squadra pertuta cù sei amichi : Fred Poggi, Saveriu Tavera, Eric Ressouche, Antò Geronimi, Fred Sini è Andria Fazi. S’è, frà tempu, i trè ultimi anu pigliatu un’altra strada, d’altri sò ghjunti à purtà a so petra : Lionel Giacomini, Ghjuvan Filippu Martini, Dumè Casalonga, Michele Tomei...Senza cuntà nantu à musicanti chì ghjunghjenu, di tantu in tantu, accuncià si : Celia Picciochi (viulinu), Pierre Michelangeli (percussione), Tony Falone (ghitarra) è ancu Bernard Ferrari (ghitarra)...L’inseme dà, oghje, un soffiu novu sempre arrimbatu nantu à listessu spiritu. Cusì, u gruppu hà vulsutu marcà i so vinticinque anni cù un dischettu novu privistu l’annu scorsu ma ch’ùn s’hè pussutu fà per via di a crisa sanitaria. « L’idea hè nata in pienu cunfinamentu, spiega Fred Poggi, unu di i fundatori di u gruppu, cuntaiamu di fà lu esce di ghjugnu di u 2020. È s’ùn avemu riesciutu à fà lu, l’avemu quantunque appruntatu bè, accunciatu di manera precisa. Hè statu arregistratu per, in fine, fà lu esce un annu dopu. »
Qualchì cuncertu d’estatina
Cusì, u dischettu, chì marca i vinticinque anni di u gruppu, escerà per u so vintiseiesimu anniversariu. Vinticinque canti, unu per ogni annu. « U discu vene à puntellà a nostra strada dapoi u 1995. Tandu, ghjè un discu cù vinticinque pezzi. Sò quattordeci creazione nove è avemu fattu a scelta di mette ondeci pezzi più classichi di u gruppu, chì sò stati appena accunciati à modu novu, à u nivellu strumentale o vucale. »
Fred Poggi hà scrittu è cumpostu a maiò parte di i tituli ma ritruvemu dinò à Lionel Giacomini o Ghjuvan Filippu Martini. « Ognunu porta a so petra è u gruppu s’arricchisce di i talenti d’ognunu. Hè cusì ch’ella si face a ricchezza è a variatezza d’una squadra... »
Sperendu a fine di a crisa sanitaria, u gruppu s’appronta dighjà à girà d’estatina per prisentà u so dischettu novu (à u ritimu di e sperenze…). « Per avà, avemu dighjà qualchì data, ma hè trà virgulette, chì hà da dipende di a situazione è di ciò chì serà impostu da u Statu. Ma semu pronti...Ci hè cinque o sei date, n’aspettemu di più forse, a ghjente ci chjama dighjà per u 2022, hè una bona. »
Senza cunnosce, per avà, u cuntenutu di u dischettu, ci saria quantunque u filu melodicu di a squadra intornu una tematica allargata. « À u ritimu di e sperenze, hè appena a nostra musa...Chì ghjè chì porta l’omu à scrive, à cumpone canti d’issu stile quì ? Chì sò canti cù un fondu indiatu, sò e nostre sperenze di corsu, di populu ma dinò d’umanu. Hè què chì ci hà purtatu à scrive è à sceglie issu titulu. Hè u ritimu di e nostre sperenze chì ci hà fattu scrive, cumpone è cantà dapoi 25 anni. Aldilà di què, semu andati à apreci à e sperenze di l’altri populi di manera à universalizà a nostra demarchja... »
U dischettu monda aspettatu da tutti.
Ph.P.
