Sapè Fà : Carulu Biancducci , bugnaghjolu, una passione antica
Stallatu in Cuttuli induve ellu t’hà e so radiche, Carulu Biancucci hà fattu a scelta d’esse bugnaghjolu per fà una leia cù a so tradizione familiale…
Carulu Biancucci, bugnaghjolu, una passione antica
Stallatu in Cuttuli induve ellu t’hà e so radiche, Carulu Biancucci hà fattu a scelta d’esse bugnaghjolu per fà una leia cù a so tradizione familiale…
A famiglia Biancucci hè monda cunnisciuta in Corsica per via di Ghjuvanni, elettu dapoi tanti anni è dinò Paulu, cultellaghju. Ci hè dinò Solimea, prufessore di corsu, tutti di ceppu cuttulese. À mezu à elli, Carulu, bugnaghjolu dapoi quattru anni è stallatu in paese cù Véronique, a so moglia. Bugnaghjolu, una passione ma, à tempu, una tradizione antica. « Semi d’una famidda di bugnaghjoli, spiega u Cuttulese, aghju vulsutu ripiddà issa pratica chì s’era piantata quand’i bugni di u me missiavu erani stati brusgiati à a fini di l’anni settanta. »
Primi passi in u 2016
Cum’è tutta a so famiglia, Carulu hè cresciutu in paese fendu a so scularità quallà nanzu d’andà in San Paulu in Aiacciu è di compie u so percorsu studientinu à u LEP di i Salini.
« Dopu, aghju fattu parechji mistieri, aghjusta u bugnaghjolu, aghju travagliatu à a CAPA, è in tantu chè cunduttore di vitturoni. Un’attività ch’eu cuntinueghju sempri avali. »
U mondu di l’ape, ellu, si prisente in u 2016. « Ci voli à dì chè da sempri, vuliu fà issu mistieru quì, masimu cù issa radica ch’è noi t’avemi cù i nosci anziani. Una matina, un amicu mi chjama è mi prupona di travaddà intornu à i bugni. Tandu, mi sò messu à iss’attività quì. Aghju piddatu qualchì tarreni da sopra à u paesi. »
Duie tonne di mele à l’annu
Dui anni dopu, Carulu, chì s’hè furmatu à u misteriu, si stalla in paese cù a so moglia. Principia cù qualchì bugnu è una piccula pruduzzione. « Aviami una sala dedicata à l’attività, ind’a noscia casa. Prestu, hè diventata troppu chjuca. Tandu, avemi fattu un attellu appena più sopra. Hè quì chì tuttu si faci : u travaddu di pruduzzioni, a messa in cippighji, l’appicicatoghji, a vendita. Aghju principiatu cù una piccula pruduzzioni di qualchì chilò. Ne semi oghji, à dui tonni di meli à l’annu. »
Particularità di Carulu, hà fattu da per ellu è durante parechji anni i so bugni cù pezzi di legnu accunciati. « Aviu sin’à 600 casci. Ma dapoi qualchì tempu, u prezzu di u legnu hè cresciutu Semi passati da 11 à 23 euros, hè un costu troppu impurtanti. Tandu, mi sò rimessu à cumprà i bugni. »
Cinque varietà di mele
U bugnaghjolu hà mantenutu a so attività intornu à e vitturone, chì oghji, ùn si pò campà d’un’attività artisgianali sola. Hè un travaddu chì pidda morri tempu. Aghju a pussibilità di finiscia à ondeci ori a mani, ciò chì mi permetta d’essa bugnaghjolu tuttu u restu di u tempu. Eppo, ci hè a me moglia chì m’aiuta assai. »
U bugnaghjolu prupone dunque cinque varietà di mele : veranu (racolte à u principu d’aprile), machja di veranu (tuttu u veranu), miellat di a machja (da maghju à settembre), vaghjime (à partesi di nuvembre), castagnettu (à partesi di lugliu). È face, à tempu, un acetu di mele. Un’attività chì li piglia guasgi tuttu u so tempu, masimu cù a vendita. « Ci sò qualchì magazeni è dinò a grandi distribuzioni. Osinnò, femi i fieri cum’è quidda di Murzu à a fini di sittembri,chì hè dedicata à u meli. »
Un’attività chì dipende, quantuque, di e cundizione climatiche ma micca sole. « Hè duru di campà solu di què, ci sò i periodi di sicchina, u vesponi aurupeu chì faci assai disguasti è un altru mignoculu dinò chì impesdicia di fà l’ovi. Iss’ultimi tempi, aghju persu sin’à 30 bugni. Hè monda pà una piccula attività cum’è a noscia. »
Ph.P.
Carulu Biancucci
20167 Cuttuli
Cuntattu : 06-35-49-55-35
mail : biancuccicarulu@gmail.com
Pagina instagram
www.miel-biancucci.com
Stallatu in Cuttuli induve ellu t’hà e so radiche, Carulu Biancucci hà fattu a scelta d’esse bugnaghjolu per fà una leia cù a so tradizione familiale…
A famiglia Biancucci hè monda cunnisciuta in Corsica per via di Ghjuvanni, elettu dapoi tanti anni è dinò Paulu, cultellaghju. Ci hè dinò Solimea, prufessore di corsu, tutti di ceppu cuttulese. À mezu à elli, Carulu, bugnaghjolu dapoi quattru anni è stallatu in paese cù Véronique, a so moglia. Bugnaghjolu, una passione ma, à tempu, una tradizione antica. « Semi d’una famidda di bugnaghjoli, spiega u Cuttulese, aghju vulsutu ripiddà issa pratica chì s’era piantata quand’i bugni di u me missiavu erani stati brusgiati à a fini di l’anni settanta. »
Primi passi in u 2016
Cum’è tutta a so famiglia, Carulu hè cresciutu in paese fendu a so scularità quallà nanzu d’andà in San Paulu in Aiacciu è di compie u so percorsu studientinu à u LEP di i Salini.
« Dopu, aghju fattu parechji mistieri, aghjusta u bugnaghjolu, aghju travagliatu à a CAPA, è in tantu chè cunduttore di vitturoni. Un’attività ch’eu cuntinueghju sempri avali. »
U mondu di l’ape, ellu, si prisente in u 2016. « Ci voli à dì chè da sempri, vuliu fà issu mistieru quì, masimu cù issa radica ch’è noi t’avemi cù i nosci anziani. Una matina, un amicu mi chjama è mi prupona di travaddà intornu à i bugni. Tandu, mi sò messu à iss’attività quì. Aghju piddatu qualchì tarreni da sopra à u paesi. »
Duie tonne di mele à l’annu
Dui anni dopu, Carulu, chì s’hè furmatu à u misteriu, si stalla in paese cù a so moglia. Principia cù qualchì bugnu è una piccula pruduzzione. « Aviami una sala dedicata à l’attività, ind’a noscia casa. Prestu, hè diventata troppu chjuca. Tandu, avemi fattu un attellu appena più sopra. Hè quì chì tuttu si faci : u travaddu di pruduzzioni, a messa in cippighji, l’appicicatoghji, a vendita. Aghju principiatu cù una piccula pruduzzioni di qualchì chilò. Ne semi oghji, à dui tonni di meli à l’annu. »
Particularità di Carulu, hà fattu da per ellu è durante parechji anni i so bugni cù pezzi di legnu accunciati. « Aviu sin’à 600 casci. Ma dapoi qualchì tempu, u prezzu di u legnu hè cresciutu Semi passati da 11 à 23 euros, hè un costu troppu impurtanti. Tandu, mi sò rimessu à cumprà i bugni. »
Cinque varietà di mele
U bugnaghjolu hà mantenutu a so attività intornu à e vitturone, chì oghji, ùn si pò campà d’un’attività artisgianali sola. Hè un travaddu chì pidda morri tempu. Aghju a pussibilità di finiscia à ondeci ori a mani, ciò chì mi permetta d’essa bugnaghjolu tuttu u restu di u tempu. Eppo, ci hè a me moglia chì m’aiuta assai. »
U bugnaghjolu prupone dunque cinque varietà di mele : veranu (racolte à u principu d’aprile), machja di veranu (tuttu u veranu), miellat di a machja (da maghju à settembre), vaghjime (à partesi di nuvembre), castagnettu (à partesi di lugliu). È face, à tempu, un acetu di mele. Un’attività chì li piglia guasgi tuttu u so tempu, masimu cù a vendita. « Ci sò qualchì magazeni è dinò a grandi distribuzioni. Osinnò, femi i fieri cum’è quidda di Murzu à a fini di sittembri,chì hè dedicata à u meli. »
Un’attività chì dipende, quantuque, di e cundizione climatiche ma micca sole. « Hè duru di campà solu di què, ci sò i periodi di sicchina, u vesponi aurupeu chì faci assai disguasti è un altru mignoculu dinò chì impesdicia di fà l’ovi. Iss’ultimi tempi, aghju persu sin’à 30 bugni. Hè monda pà una piccula attività cum’è a noscia. »
Ph.P.
Carulu Biancucci
20167 Cuttuli
Cuntattu : 06-35-49-55-35
mail : biancuccicarulu@gmail.com
Pagina instagram
www.miel-biancucci.com
