Gruppu « Madricale » : tramandà a pulifunia tradiziunale
Creatu in l’anni ottanta da Iviu Pasquali è qualchì passiunatu di cantu tradiziunale, issa struttura hè monda più chè un gruppu. U scopu hè di mantene un certu usu è di tramandà u cantu in paghjella…
Gruppu « Madricale » : tramandà a pulifunia tradiziunale
Creatu in l’anni ottanta da Iviu Pasquali è qualchì passiunatu di cantu tradiziunale, issa struttura hè monda più chè un gruppu. U scopu hè di mantene un certu usu è di tramandà u cantu in paghjella…
Semu in l’anni ottanta, in pienu riacquistu. Iviu Pasquali, pueta, mette in piazza in Fulelli, a prima scola di cantu tradiziunale dedicata à i ghjovani. « Si trattava tandu, spiega u so autore, di u cantu in paghjella, vale à dì tuttu ciò chì si cantava in pulifunia : paghjella, terzetti, madricali, versi currentini senza sminticà u cantu sacru. »
In issa struttura quì-micca un gruppu-, zitelli è ghjovani d’ottu à sedeci anni, ghjunghjianu ogni settimana à amparà i versi è masimu i versi orezzinchi-ma micca solu- chè Iviu Pasquali hè di San Damianu. « Di fattu, aghjusta u cantadore, a pulifunia hè assai cuncentrata in a Castagniccia, chì hè, d’una certa manera, e so radiche. È s’è noi ritruvemu dinò issu modu di cantu altrò (versi d’Ascu, Castiglione, in Balagna…), sò pastori è mulatteri chì l’anu purtatu. »
Mantene un usu anticu
À pocu à pocu, a scola di cantu face a so strada, i zitelli crescenu è a necessità d’allargà l’andatura di a struttura s’impone di manera naturale. « Sò i ghjovani chì mi dumandonu di creà un gruppu. Ma subbitu, u scopu ùn era micca di cantà per cullà nantu à una scena, solu d’esse prisente in i paesi per assicurà u mantenimentu di u cantu tradiziunale... »
Cusì, è dopu avè sceltu à « Madricale » cum’è nome-una di e forme di u cantu tradiziunale in paghjella-, u gruppu face a so strada circhendu à travaglià versi anziani, pochi sviluppati. Tandu, si cantanu i versi orezzinchi, bella sicura ma dinò quelli di Tagliu, San Damianu, Alesgiani, Rusiu è Sermanu (i più cunnisciutu). « Avemu fattu ricerche in San Damianu è u circondu per ritruvà versi appena spariti. »
Dui primi dischetti escenu in u 1992 è 1995 : « Madricale, polyphonies corses » è « Madricale, chants polyphoniques de la Corse profonde ». « Micca fà un discu per fà un discu, ma circà à lascià una traccia d’issa manera di cantà chì, ci vole, à ricunnoscelu, si perde à pocu à pocu cù a mudernisazione. In a paghjella, ci hè qualcosa chì và, aldilà d’una sola nota di musica. Porta a lingua, una manera d’esse, un estru anticu. Hè què chì si perde oghje, chì ci vole à mantene è tramandà. »
S’ellu sò setti, oghje, vinticinque anni dopu à a creazione di a struttura, « Madricale » hè una sperienza musicale induve sò passati guasgi quaranta persone. Sempre intornu à u listessu spiritu. Anu fattu centenaie di cuncerti in Corsica è altrò (Paese Bascu, Sardegna…). Iviu Pasquali, ellu, cuntinueghja, à tempu, e so ricerche. Cusì, sò esciuti qualchì libru : « Paghjelle è puesie di Castagniccia » (2002, edizione Matina Latina) « Polyphonies, hier, aujourd’hui, demain » (2006 edizione Matina Latina) induve si tratta di e radiche e più sputiche di u cantu in paghjella, Frà tempu, in u 2012, a struttura esce « Sempre Fidi », un dischettu di canti tradiziunali sacri è prufani di a Castagniccia. L’occasione di misurà u so percorsu...
Per travaglià, un gruppu s’arremba nantu à a tradizione urale, quella tramandata da i nostri vechji è dinò nantu à i fondi sunori lasciati da etnomusicologhi famosi cum’è Quilici, Laade, Rohmer, Flori. Una manera di mantenu un filu anticu…
Ph.P.
Creatu in l’anni ottanta da Iviu Pasquali è qualchì passiunatu di cantu tradiziunale, issa struttura hè monda più chè un gruppu. U scopu hè di mantene un certu usu è di tramandà u cantu in paghjella…
Semu in l’anni ottanta, in pienu riacquistu. Iviu Pasquali, pueta, mette in piazza in Fulelli, a prima scola di cantu tradiziunale dedicata à i ghjovani. « Si trattava tandu, spiega u so autore, di u cantu in paghjella, vale à dì tuttu ciò chì si cantava in pulifunia : paghjella, terzetti, madricali, versi currentini senza sminticà u cantu sacru. »
In issa struttura quì-micca un gruppu-, zitelli è ghjovani d’ottu à sedeci anni, ghjunghjianu ogni settimana à amparà i versi è masimu i versi orezzinchi-ma micca solu- chè Iviu Pasquali hè di San Damianu. « Di fattu, aghjusta u cantadore, a pulifunia hè assai cuncentrata in a Castagniccia, chì hè, d’una certa manera, e so radiche. È s’è noi ritruvemu dinò issu modu di cantu altrò (versi d’Ascu, Castiglione, in Balagna…), sò pastori è mulatteri chì l’anu purtatu. »
Mantene un usu anticu
À pocu à pocu, a scola di cantu face a so strada, i zitelli crescenu è a necessità d’allargà l’andatura di a struttura s’impone di manera naturale. « Sò i ghjovani chì mi dumandonu di creà un gruppu. Ma subbitu, u scopu ùn era micca di cantà per cullà nantu à una scena, solu d’esse prisente in i paesi per assicurà u mantenimentu di u cantu tradiziunale... »
Cusì, è dopu avè sceltu à « Madricale » cum’è nome-una di e forme di u cantu tradiziunale in paghjella-, u gruppu face a so strada circhendu à travaglià versi anziani, pochi sviluppati. Tandu, si cantanu i versi orezzinchi, bella sicura ma dinò quelli di Tagliu, San Damianu, Alesgiani, Rusiu è Sermanu (i più cunnisciutu). « Avemu fattu ricerche in San Damianu è u circondu per ritruvà versi appena spariti. »
Dui primi dischetti escenu in u 1992 è 1995 : « Madricale, polyphonies corses » è « Madricale, chants polyphoniques de la Corse profonde ». « Micca fà un discu per fà un discu, ma circà à lascià una traccia d’issa manera di cantà chì, ci vole, à ricunnoscelu, si perde à pocu à pocu cù a mudernisazione. In a paghjella, ci hè qualcosa chì và, aldilà d’una sola nota di musica. Porta a lingua, una manera d’esse, un estru anticu. Hè què chì si perde oghje, chì ci vole à mantene è tramandà. »
S’ellu sò setti, oghje, vinticinque anni dopu à a creazione di a struttura, « Madricale » hè una sperienza musicale induve sò passati guasgi quaranta persone. Sempre intornu à u listessu spiritu. Anu fattu centenaie di cuncerti in Corsica è altrò (Paese Bascu, Sardegna…). Iviu Pasquali, ellu, cuntinueghja, à tempu, e so ricerche. Cusì, sò esciuti qualchì libru : « Paghjelle è puesie di Castagniccia » (2002, edizione Matina Latina) « Polyphonies, hier, aujourd’hui, demain » (2006 edizione Matina Latina) induve si tratta di e radiche e più sputiche di u cantu in paghjella, Frà tempu, in u 2012, a struttura esce « Sempre Fidi », un dischettu di canti tradiziunali sacri è prufani di a Castagniccia. L’occasione di misurà u so percorsu...
Per travaglià, un gruppu s’arremba nantu à a tradizione urale, quella tramandata da i nostri vechji è dinò nantu à i fondi sunori lasciati da etnomusicologhi famosi cum’è Quilici, Laade, Rohmer, Flori. Una manera di mantenu un filu anticu…
Ph.P.
