U catenacciu ca, tatu da u core di l'omi di Sartè
A struttura nata à fine di l'anni novanta prisenta dapoib trè anni u so spettaculu << U Catinacciu di Sartè >>
U catenacciu cantatu da u core di l’omi di Sartè
A struttura nata à fine di l’anni novanta prisenta dapoi trè anni u so spettaculu « U Catinacciu di Sartè ». Una quindecina di testi scritti è cumposti da i membri di a squadra nantu à a tematica di u Catenacciu. Un spettaculu ghjucatu a settimana scorsu in a Catedrale d’Aiacciu…
In u 1987, è dopu à una piccula carriera solu, Ghjuvan Paulu Poletti, famosu cantadore è fundatore di Canta u populu corsu, apre una scola di cantu in Sartè. Una scola diventa qualchì tempu dopu u Centru d’Arte Polifonicu. Poletti, chì ne hè u direttore, gestisce dopu u core « Granitu Maggiore » è sopratuttu « U core di l’omi di Sartè ». Cumpostu da sei omi, face à pocu à pocu a so strada à mezu à canti tradiziunali adattati à modu più classicu. U repertoriu di a squadra induve ritruvemu intornu à Ghjuvan Paulu Poletti, membri chì sò sempre quì oghje (Ghjacumu Tramoni è Stefanu Paganelli). «L’idea di principiu, spiega Ghjacumu Tramoni, era di fà cori dedicati à l’omi ma dinò i donni è i ziteddi. Prima, a struttura era assai impurtanti (Granitu Maggiore), è à pocu à pocu, semi passati à u Cori d’omi cù sei parsonni. »
Da « Granitu Maggiore » à « U Core di l’omi di Sartè »
« Granitu Maggiore » era un cori amatori cù ghjenti di Sartè in di u rughjoni, aghjusta Stefanu Paganelli, era quantunqua un gruppu strasordinariu. Sò pertuti in Rumania, ani registratu a famosa « Cantata », una messa, ani cantatu à u Palazzu di i festivali in Cannes, in Parrighji. »
In a prima squadra di u Core di l’Omi di Sartè, ritruvemu ghjente cum’è Cyril Lovichi, Jean-Marc Jonca, Marc Valentini, Yvan Giovanangeli, Saveriu Chaniot, Ghjacumu è Ghjuvan Claudiu Tramoni...Pocu creazione, piuttostu canti tradiziunali ripigliati à modu soiu. A ghjunta di Stefanu Paganelli è Ghjuvan Lavighju Blaineau, à l’iniziu di l’anni 2000, marca una tapa nova in u percorsu di a squadra, cascata à cinque elementi. « Aghju purtatu à me petra, spiega Ghjuvan Lavighju Blaineau, è semi passati à un usu più classicu. A me furmazioni è dinò quidda di Ghjuvan Paulu ani datu issu mischiu di cantu tradiziunali è classichi.Canti muderni cù una sunurità più classica. »
Cusì, è dopu à « Pulifunie corse » (1997), Polyphonies franciscaines (1997), Fiori di a memoria (1999), Cantata corsa (2000) esciute cù l’anziana squadra in u 1996, d’altri dischetti sò nati sempre intornu à u classicu, a creazione è u tradiziunale ripigliatu à modu soiu : Messa sulenna (2002), Canti di a tarra (2003), Caminendu (2006), Oratorio Terra Mea (2006), vinti anni (2015). L’ultimu « U Catinacciu di Sartè » (2020) marca un mumentu maiò in u campà di a squadra. « Di fattu, spiega Stefanu Paganelli, cantemi per a settimana santa cù a cunfraternita è cù Ceccè Lanfranchi è Ceccè Ferrara di u gruppu « Pumonti ». Hè qualcosa chì ci hà purtatu è ci hà datu l’idea d’una creazioni nova nantu à u Catinacciu. Frà tempu, Ceccè Lanfranchi hè ghjuntu à allargà a noscia squadra. »
U Catenacciu di Sartè : À e radiche di a fede cristiana
« U Catinacciu di Sartè » si cumpone di quindeci tituli, creazione di Ceccè Ferrara (Via Cruci), Ceccè Lanfranchi (In Ghezzemanì, Inciampu, Maria Matalena, Simonu), Stefanu Paganelli (Chjassu), Ghjuvan Paulu Poletti (T’amu o Terra) Ghjacumu Fusina (Stantarati). « Sartè hè nanzi à tuttu, u Catinacciu, aghjusta Stefanu Paganelli, hè cunnisciutu in u mondu sanu. Ma testimonii cantati, ùn ci n’era. Avemi vulsutu purtà a noscia petra à issa tradizioni viva dapoi cinqui seculi. I dui Ceccè ci ani datu una mani nantu à issa creazioni. Da testi è musichi, hè nata un’opara cumuna. Dopu Ghjuvan Paulu è Ghjuvan Lavighju anu cumpostu musichi. L’insemi hè qualcosa di putenti. Avemi cantatu u Catinacciu in l’Auropa sana. Hè una manera, par nò, di purtà issa tradizioni sartinesi aldilà di a Corsica.Ùn semi più in a religioni. Hè monda più impurtanti. »
Natu trè anni fà, u spettaculu gira dapertuttu in Corsica è altrò…
Ph.P.
A struttura nata à fine di l’anni novanta prisenta dapoi trè anni u so spettaculu « U Catinacciu di Sartè ». Una quindecina di testi scritti è cumposti da i membri di a squadra nantu à a tematica di u Catenacciu. Un spettaculu ghjucatu a settimana scorsu in a Catedrale d’Aiacciu…
In u 1987, è dopu à una piccula carriera solu, Ghjuvan Paulu Poletti, famosu cantadore è fundatore di Canta u populu corsu, apre una scola di cantu in Sartè. Una scola diventa qualchì tempu dopu u Centru d’Arte Polifonicu. Poletti, chì ne hè u direttore, gestisce dopu u core « Granitu Maggiore » è sopratuttu « U core di l’omi di Sartè ». Cumpostu da sei omi, face à pocu à pocu a so strada à mezu à canti tradiziunali adattati à modu più classicu. U repertoriu di a squadra induve ritruvemu intornu à Ghjuvan Paulu Poletti, membri chì sò sempre quì oghje (Ghjacumu Tramoni è Stefanu Paganelli). «L’idea di principiu, spiega Ghjacumu Tramoni, era di fà cori dedicati à l’omi ma dinò i donni è i ziteddi. Prima, a struttura era assai impurtanti (Granitu Maggiore), è à pocu à pocu, semi passati à u Cori d’omi cù sei parsonni. »
Da « Granitu Maggiore » à « U Core di l’omi di Sartè »
« Granitu Maggiore » era un cori amatori cù ghjenti di Sartè in di u rughjoni, aghjusta Stefanu Paganelli, era quantunqua un gruppu strasordinariu. Sò pertuti in Rumania, ani registratu a famosa « Cantata », una messa, ani cantatu à u Palazzu di i festivali in Cannes, in Parrighji. »
In a prima squadra di u Core di l’Omi di Sartè, ritruvemu ghjente cum’è Cyril Lovichi, Jean-Marc Jonca, Marc Valentini, Yvan Giovanangeli, Saveriu Chaniot, Ghjacumu è Ghjuvan Claudiu Tramoni...Pocu creazione, piuttostu canti tradiziunali ripigliati à modu soiu. A ghjunta di Stefanu Paganelli è Ghjuvan Lavighju Blaineau, à l’iniziu di l’anni 2000, marca una tapa nova in u percorsu di a squadra, cascata à cinque elementi. « Aghju purtatu à me petra, spiega Ghjuvan Lavighju Blaineau, è semi passati à un usu più classicu. A me furmazioni è dinò quidda di Ghjuvan Paulu ani datu issu mischiu di cantu tradiziunali è classichi.Canti muderni cù una sunurità più classica. »
Cusì, è dopu à « Pulifunie corse » (1997), Polyphonies franciscaines (1997), Fiori di a memoria (1999), Cantata corsa (2000) esciute cù l’anziana squadra in u 1996, d’altri dischetti sò nati sempre intornu à u classicu, a creazione è u tradiziunale ripigliatu à modu soiu : Messa sulenna (2002), Canti di a tarra (2003), Caminendu (2006), Oratorio Terra Mea (2006), vinti anni (2015). L’ultimu « U Catinacciu di Sartè » (2020) marca un mumentu maiò in u campà di a squadra. « Di fattu, spiega Stefanu Paganelli, cantemi per a settimana santa cù a cunfraternita è cù Ceccè Lanfranchi è Ceccè Ferrara di u gruppu « Pumonti ». Hè qualcosa chì ci hà purtatu è ci hà datu l’idea d’una creazioni nova nantu à u Catinacciu. Frà tempu, Ceccè Lanfranchi hè ghjuntu à allargà a noscia squadra. »
U Catenacciu di Sartè : À e radiche di a fede cristiana
« U Catinacciu di Sartè » si cumpone di quindeci tituli, creazione di Ceccè Ferrara (Via Cruci), Ceccè Lanfranchi (In Ghezzemanì, Inciampu, Maria Matalena, Simonu), Stefanu Paganelli (Chjassu), Ghjuvan Paulu Poletti (T’amu o Terra) Ghjacumu Fusina (Stantarati). « Sartè hè nanzi à tuttu, u Catinacciu, aghjusta Stefanu Paganelli, hè cunnisciutu in u mondu sanu. Ma testimonii cantati, ùn ci n’era. Avemi vulsutu purtà a noscia petra à issa tradizioni viva dapoi cinqui seculi. I dui Ceccè ci ani datu una mani nantu à issa creazioni. Da testi è musichi, hè nata un’opara cumuna. Dopu Ghjuvan Paulu è Ghjuvan Lavighju anu cumpostu musichi. L’insemi hè qualcosa di putenti. Avemi cantatu u Catinacciu in l’Auropa sana. Hè una manera, par nò, di purtà issa tradizioni sartinesi aldilà di a Corsica.Ùn semi più in a religioni. Hè monda più impurtanti. »
Natu trè anni fà, u spettaculu gira dapertuttu in Corsica è altrò…
Ph.P.
