A Guardia Papale vole mantene a fiara
Nata in u 2014 da a vulintà d’Iviu Pasquali, u so capimachja, l’associu « A Guardia Papale », chì hà fattu un travaglione nantu à sti Corsi ch’eranu i guardiani di u Papa in tempi di a Roma antica,
A Guardia Papale vole mantene a fiara
Nata in u 2014 da a vulintà d’Iviu Pasquali, u so capimachja, l’associu « A Guardia Papale », chì hà fattu un travaglione nantu à sti Corsi ch’eranu i guardiani di u Papa in tempi di a Roma antica, cuntinueghja a so strada. Cù l’urganisazione, tutti l’anni d’una messa celebrata in u quartieru corsu, cunferenze è animazione diverse in Corsica è altrò, cerca à mantene issa fiara…
« A Guardia Papale » era un’unità militaria di i Stati Puntificali cumposta di Corsi in serviziu in a Roma antica. Aviamu dighjà messu in vale st’omi inde u JDC l’annnu scorsu, pochi tempi nanzu à a ghjunta di u Papa Francescu. Cusì, è tutti l’anni dapoi u 2014, una messa hè celebrata è cantata in a ghjesgia San Crisocono, a « ghjesgia di i Corsi », piazzata in core di u quartieru Trastevere, u quartieru di i Corsi. Un rituale chì si mantene dapoi dodeci anni è chì s’appronta bè nanzu. « Tuttu hè dighjà accunciatu, spiega Iviu Pasquali, respunsevule di l’associu chì gestisce issi spiazzamenti, ci hè a messa u sabbatu, un ripastu a sera è a prucessiò a dumenica. Eramu pertuti à guasgi 700 u primu annu. Dopu, u numeru hè calatu appena ; hè statu più difficiule in tempi di u Covid. Avà, circhemu à mantene issa fiara. »
U 25 è u 26 di lugliu
Appuntamentu maiò di l’associu-ci n’hè d’altri-, e celebrazione sò priviste u 25 è u 26 di lugliu. È per avà, sò dighjà più di 200 à avè datu u so accunsentu. « L’appuntamentu hè datu per issu ghjornu quì, aghjusta Iviu Pasquali, a ghjente ponu vene in battellu da Livurna o in avviò da Aiacciu o Bastia. Ci hè dighjà assai reservazione. Avemu i biker corsi ch’anu da vene in motò, l’associu « a spassighjata » cù dui bus è persone chì ci anu chjamatu. Hè una manifestazione monda aspettata chì s’appronta, tutti l’anni di ghjennaghju è ferraghju. »
Persone nuvelle, curiosi è ancu « abituati » -cum’è u diacunu di Vicu, Francescu Amatu Arrighi seranu di u viaghju.
U « rituale », ellu, ùn scambierà micca. A messa celebrata a matina in u quartieru di i Corsi, una cena a sera rigalata da l’associu-cù canti è musiche-, è una prucessìò tamanta a dumenica. « Questu annu, ci serà una serata cantata u vennari, diffusata nantu à « radiu Vatican ». Ci serà dinò l’arci cunfraternita del Carmine di Roma, liata, ci vole à dilla, cù a cunfraternita San Ghjaseppu di Bastia. »
Una ricunniscenza in Roma
À traversu l’associu, a Corsica è masimu a « Guardia Papale », hè cunnisciuta in Roma. « Sò statu ricivutu da u Cardinale Parolin, assai vicinu di u Papa, spiega torna Iviu Pasquali, u Papa hè à capu di l’esistenza di l’associu è, di sicuru, di a Guardia Papale… »
A squadra d’Iviu Pasquali cerca, avà, una ricunniscenza in Corsica. Era prisenti quand’ellu ghjunse u Papa Francescu in Aiacciu u 15 di dicembre di u 2024, Iviu Pasquali li vulia dà una canzona dedicata à a Guardia, « l’avemu cantata ma ùn l’aghju pussutu rimette à u Papa. Mi seria piaciutu à salutà lu, micca à nome meiu ma à quellu di a Guardia Papale…Forse, ghjunghjerà un ghjornu. »
Aspettendu, l’associu cuntinueghja a so strada fendu cunnosce a storia in e scole, à traversu cunferenze in Roma è altrò, cù a cappella di Piedicroce induve issa storia quì hè spiegata…I Corsi, elli, s’approntanu à parte in Roma u 25 di lugliu. È seranu, torna una volta, belli numarosi…
F.P.
Nata in u 2014 da a vulintà d’Iviu Pasquali, u so capimachja, l’associu « A Guardia Papale », chì hà fattu un travaglione nantu à sti Corsi ch’eranu i guardiani di u Papa in tempi di a Roma antica, cuntinueghja a so strada. Cù l’urganisazione, tutti l’anni d’una messa celebrata in u quartieru corsu, cunferenze è animazione diverse in Corsica è altrò, cerca à mantene issa fiara…
« A Guardia Papale » era un’unità militaria di i Stati Puntificali cumposta di Corsi in serviziu in a Roma antica. Aviamu dighjà messu in vale st’omi inde u JDC l’annnu scorsu, pochi tempi nanzu à a ghjunta di u Papa Francescu. Cusì, è tutti l’anni dapoi u 2014, una messa hè celebrata è cantata in a ghjesgia San Crisocono, a « ghjesgia di i Corsi », piazzata in core di u quartieru Trastevere, u quartieru di i Corsi. Un rituale chì si mantene dapoi dodeci anni è chì s’appronta bè nanzu. « Tuttu hè dighjà accunciatu, spiega Iviu Pasquali, respunsevule di l’associu chì gestisce issi spiazzamenti, ci hè a messa u sabbatu, un ripastu a sera è a prucessiò a dumenica. Eramu pertuti à guasgi 700 u primu annu. Dopu, u numeru hè calatu appena ; hè statu più difficiule in tempi di u Covid. Avà, circhemu à mantene issa fiara. »
U 25 è u 26 di lugliu
Appuntamentu maiò di l’associu-ci n’hè d’altri-, e celebrazione sò priviste u 25 è u 26 di lugliu. È per avà, sò dighjà più di 200 à avè datu u so accunsentu. « L’appuntamentu hè datu per issu ghjornu quì, aghjusta Iviu Pasquali, a ghjente ponu vene in battellu da Livurna o in avviò da Aiacciu o Bastia. Ci hè dighjà assai reservazione. Avemu i biker corsi ch’anu da vene in motò, l’associu « a spassighjata » cù dui bus è persone chì ci anu chjamatu. Hè una manifestazione monda aspettata chì s’appronta, tutti l’anni di ghjennaghju è ferraghju. »
Persone nuvelle, curiosi è ancu « abituati » -cum’è u diacunu di Vicu, Francescu Amatu Arrighi seranu di u viaghju.
U « rituale », ellu, ùn scambierà micca. A messa celebrata a matina in u quartieru di i Corsi, una cena a sera rigalata da l’associu-cù canti è musiche-, è una prucessìò tamanta a dumenica. « Questu annu, ci serà una serata cantata u vennari, diffusata nantu à « radiu Vatican ». Ci serà dinò l’arci cunfraternita del Carmine di Roma, liata, ci vole à dilla, cù a cunfraternita San Ghjaseppu di Bastia. »
Una ricunniscenza in Roma
À traversu l’associu, a Corsica è masimu a « Guardia Papale », hè cunnisciuta in Roma. « Sò statu ricivutu da u Cardinale Parolin, assai vicinu di u Papa, spiega torna Iviu Pasquali, u Papa hè à capu di l’esistenza di l’associu è, di sicuru, di a Guardia Papale… »
A squadra d’Iviu Pasquali cerca, avà, una ricunniscenza in Corsica. Era prisenti quand’ellu ghjunse u Papa Francescu in Aiacciu u 15 di dicembre di u 2024, Iviu Pasquali li vulia dà una canzona dedicata à a Guardia, « l’avemu cantata ma ùn l’aghju pussutu rimette à u Papa. Mi seria piaciutu à salutà lu, micca à nome meiu ma à quellu di a Guardia Papale…Forse, ghjunghjerà un ghjornu. »
Aspettendu, l’associu cuntinueghja a so strada fendu cunnosce a storia in e scole, à traversu cunferenze in Roma è altrò, cù a cappella di Piedicroce induve issa storia quì hè spiegata…I Corsi, elli, s’approntanu à parte in Roma u 25 di lugliu. È seranu, torna una volta, belli numarosi…
F.P.