Filippu Mondoloni : l’arte di tramandà
À trentanovi anni, stu Bicchisgianincu chì t’hà e so radiche in u paisolu di a Penta, travaglia dapoi a so ghjuventù à a prumuzione è a difesa di a lingua è di a cultura corsa.
Intervenante in e scola di u circondu aiaccinu, titulariu d’una licenza di storia, militante culturale di prima trinca, travaglia, dapoi qualchì tempu à a creazione di filmetti per i più chjuchi…
Filippu Mondoloni, per quelli chì u cunnoscenu, face parte di iss’omi ch’ùn cercanu mai à mettesi in valore o passà davanti à l’altri. Eppuru, cumpetenze è passione, ùn li mancanu micca. Di fattu, hà bagnatu, da zitellu, ind’u mezu di a lingua… « Aghju amparatu u corsu subbitu, fù a me prima lingua, spiega u ghjovanu, l’impegnu hè statu pà mè, naturali. I nosci vechji parlaiani corsu in paesi…Aghju seguitatu stu filu… »
Cum’è monda altri corsi, facia, zitellu è ancu più tardi, u pass’è vene trà Afà, induve ellu campava cù a so famiglia è a Penta-paisolu trà Petretu è Casalabriva- « Aghju principiatu à impegnà mi à l’età di quattordici anni, à u cullegiu è dopu à u liceu. Prima cù u cantu ma dinò u mezu assuciativu cù a Scola di Cantu è l’Associu di i Liceani Corsi »
1999 : u premiu Andria Fazi
Un percorsu è cumpetenze chì li permetteranu, appena più tardi d’ottene u premiu Andria Fazi à u basciliè. Cù a nota a più alta à u scrittu di a prova corsa (18/20). « Stu parcorsu m’hà seguitatu dopu à l’università cù sta volta un impegnu studientinu. Pà ciò chì tocca à i studii, aviu fattu a scelta di a storia. »
Titulariu d’una licenza, è à tempu, d’un master 2 in cumunicazione, diventa, qualchì annu dopu, intervenante in lingua corsa. « Un statutu ch’ùn scambia micca malgratu i nosci dumandi. Tuttu u mondu hè ubligatu di travaddà accantu. Oghji, a noscia situazioni, nimu, à dilla franca, ùn la pidda in contu. C’erani i bisogni, vinti anni fà, ci ani chjamatu è oghji, malgratu deci o quindici anni di sperienza nantu à u tarrenu pà certi, l’affari ùn busgiani micca. »
Cù un cuntrattu in CDI, Filippu Mondoloni face cusì diciottu ore à settimana in u circondu aiaccinu (Afà, Alata Prunu, Alata Trova…). Ghjè in stu quadru quì, ch’ellu hà avutu l’idea, qualchì tempu fà, di creà filmetti per i più chjuchi. « I maestri m’aviani dumandatu traduzioni. Eppo una m’hà dumandatu un’adattazioni in corsu di dui libretti. Aghju travaddatu à nantu è cù i me cunniscenzi in cumunicazioni aghju avutu l’idea di creà dui filmetti fendu tuttu da l’adattazioni à i muntami, registramenti ecc. »
U resultatu hè propiu bè : dui filmetti « U mascettu famitu » è « u culori di l’emuzioni… » chì custituisce un arnese di travagliu per l’insegnanti. « I maestri sò cuntenti, forsi ch’eu pudaraghju travaddà nantu à un terzu librettu di sittembri. »
Aspettendu, Filippu face a so strada. Dapoi dui anni, t’hà una croneca (nantu à a storia) nantu à a radiu Frequenza Nostra, s’impegna dinò cù a casa di a lingua (attelli in lingua corsa) è cerca, à tempu, à tramandà stu filu linguisticu è culturale à Ghjuvan Battistu, u so figliolu…Una manera di mantene, à traversu a lingua, u spiritu nustrale…
Filippu Mondoloni, per quelli chì u cunnoscenu, face parte di iss’omi ch’ùn cercanu mai à mettesi in valore o passà davanti à l’altri. Eppuru, cumpetenze è passione, ùn li mancanu micca. Di fattu, hà bagnatu, da zitellu, ind’u mezu di a lingua… « Aghju amparatu u corsu subbitu, fù a me prima lingua, spiega u ghjovanu, l’impegnu hè statu pà mè, naturali. I nosci vechji parlaiani corsu in paesi…Aghju seguitatu stu filu… »
Cum’è monda altri corsi, facia, zitellu è ancu più tardi, u pass’è vene trà Afà, induve ellu campava cù a so famiglia è a Penta-paisolu trà Petretu è Casalabriva- « Aghju principiatu à impegnà mi à l’età di quattordici anni, à u cullegiu è dopu à u liceu. Prima cù u cantu ma dinò u mezu assuciativu cù a Scola di Cantu è l’Associu di i Liceani Corsi »
1999 : u premiu Andria Fazi
Un percorsu è cumpetenze chì li permetteranu, appena più tardi d’ottene u premiu Andria Fazi à u basciliè. Cù a nota a più alta à u scrittu di a prova corsa (18/20). « Stu parcorsu m’hà seguitatu dopu à l’università cù sta volta un impegnu studientinu. Pà ciò chì tocca à i studii, aviu fattu a scelta di a storia. »
Titulariu d’una licenza, è à tempu, d’un master 2 in cumunicazione, diventa, qualchì annu dopu, intervenante in lingua corsa. « Un statutu ch’ùn scambia micca malgratu i nosci dumandi. Tuttu u mondu hè ubligatu di travaddà accantu. Oghji, a noscia situazioni, nimu, à dilla franca, ùn la pidda in contu. C’erani i bisogni, vinti anni fà, ci ani chjamatu è oghji, malgratu deci o quindici anni di sperienza nantu à u tarrenu pà certi, l’affari ùn busgiani micca. »
Cù un cuntrattu in CDI, Filippu Mondoloni face cusì diciottu ore à settimana in u circondu aiaccinu (Afà, Alata Prunu, Alata Trova…). Ghjè in stu quadru quì, ch’ellu hà avutu l’idea, qualchì tempu fà, di creà filmetti per i più chjuchi. « I maestri m’aviani dumandatu traduzioni. Eppo una m’hà dumandatu un’adattazioni in corsu di dui libretti. Aghju travaddatu à nantu è cù i me cunniscenzi in cumunicazioni aghju avutu l’idea di creà dui filmetti fendu tuttu da l’adattazioni à i muntami, registramenti ecc. »
U resultatu hè propiu bè : dui filmetti « U mascettu famitu » è « u culori di l’emuzioni… » chì custituisce un arnese di travagliu per l’insegnanti. « I maestri sò cuntenti, forsi ch’eu pudaraghju travaddà nantu à un terzu librettu di sittembri. »
Aspettendu, Filippu face a so strada. Dapoi dui anni, t’hà una croneca (nantu à a storia) nantu à a radiu Frequenza Nostra, s’impegna dinò cù a casa di a lingua (attelli in lingua corsa) è cerca, à tempu, à tramandà stu filu linguisticu è culturale à Ghjuvan Battistu, u so figliolu…Una manera di mantene, à traversu a lingua, u spiritu nustrale…
