Paoli dopu à Ponte Novu ?
S’è a battaglia di u Ponte Novu, u nove di maghju di u 1769 marca a scunfitta di i suldati di Paoli di fronte à quelli di Francescu u Primu, tutti ùn s’hè micca arrestatu quì.
Da u 1769 à u 1795 (fine di a so « carriera » pulitica ), Paoli hà cuntinuatu à impegnà si…
Dapoi anni è anni, l’usu, in Corsica, hè di fà a cummemurazione di a battaglia di u Ponte Novu u nove di maghju di u 1769. Cusì, tutti l’anni, à listessa epica, i Corsi sò unurati per via d’una battaglia chì marcò a fine di u Guvernu di Paoli è, di sicuru, di a Republica di Corsica. Ma, à dilla franca, tuttu ùn s’hè micca piantatu u nove di maghju. Si sà chè u scopu di i Francesi, pochi abituati, hè vera, à battesi in a machja, era di ghjunghje sin’à Corti. Ciò chè a vittoria di Ponte Novu li permette di fà. Masimu chè a cità hè, à l’epica, a Capitale di l’Isula cù u Palazzu Naziunale induva stà Pasquale Paoli. « Di fattu, spiega Antone Maria Graziani, sturianu cunnisciutu, i Francesi vulianu piglià à Paoli. Ùn anu micca avutu troppu difficultà à entre in Corti dopu à Ponte Novu chè Gaffori, vicinu di Paoli avia fattu pocu per difendela. »
Ponte vechju : prutegge Paoli
Ghjunti in Corti, i suldati francesi cercanu à Paoli. Quellu appronta dighjà a so partenza ver di a Tuscana. Tandu, passa da Corti à Vivariu cù uni pochi di i so suldati per piglià u battellu in Purtivechju è parte sin’à Livurna. I Francesi avanzanu à pocu à pocu è cascanu nantu à un passaghju ch’ùn esiste più oghje : u Ponte vechju. « Ùn hà nulla à chì vede, aghjusta u sturianu, cù u ponte d’oghje alzatu à un XIXu seculu. U ponte vechju era più sottu. »
Mentre chè Paoli piglia a direzzione di Purti Vechju cù suldati chì s’anu da adunisce à partesi d’Aiacciu, l’altri assicureghjanu a so prutezzione nantu à u Ponte Vechju. « Ùn hà nulla à chì vede cù a battaglia di Ponte Novu, ùn hè mancu una battaglia, solu un territoriu chè i suldati di Paoli divianu prutegge. » Qualchì centenai cascheranu quantunque nantu à u ponte.
Da Livurna à…Londres
Semu u tredeci di ghjugnu. Un mese hè passatu dopu à Ponte Novu. Ghjuntu in Purti Vechju, Paoli imbarca per andà in Livurna. Ci hè dui battelli, u soiu in punta è un secondu daretu à ellu cù trè centu suldati. U capitanu di u battellu hè un civile inglese. Paoli avaria sceltu Livurna per via di a so cumunità corsa. Ci sò dinò assai suldati inglesi. È si sà, ch’à l’epica, L’ingliterra hè nemica cù a Francia di Choiseul. Dopu à a visita di Boswell in Corsica- mintuerà e nuzione di patria è di libertà- i rapporti si stringhjenu cù l’Ingliterra.
« Ci hè un episodiu pocu cunnisciutu : Di fattu, u Rè di Francia face pressione nantu à u Duca di Tuscana per impediscelu d’accoglie à Paoli. È cusì ch’ellu hà sceltu di parte in Ingliterra… »
Durante trenta trè anni, sin’à a so morte in u 1807, quellu chì fù più un Capu di Statu chè un generale di guerra, hè statu esiliatu in Ingliterra fora d’un rolu à l’epica di a Revuluzione francese (1790-1794, credia in i so idee) è di u Regnu trà a Corsica è l’Ingliterra (1794-1796), hè statu rispettatu quant’è i più grande nobili inglesi. Per prove, un bustu di u Generale hè statu sculpitu hè stallatu in a ghjesgia di Westminster, à mezu à tutti quelli ch’anu fattu a storia di l’Ingliterra…
Dapoi anni è anni, l’usu, in Corsica, hè di fà a cummemurazione di a battaglia di u Ponte Novu u nove di maghju di u 1769. Cusì, tutti l’anni, à listessa epica, i Corsi sò unurati per via d’una battaglia chì marcò a fine di u Guvernu di Paoli è, di sicuru, di a Republica di Corsica. Ma, à dilla franca, tuttu ùn s’hè micca piantatu u nove di maghju. Si sà chè u scopu di i Francesi, pochi abituati, hè vera, à battesi in a machja, era di ghjunghje sin’à Corti. Ciò chè a vittoria di Ponte Novu li permette di fà. Masimu chè a cità hè, à l’epica, a Capitale di l’Isula cù u Palazzu Naziunale induva stà Pasquale Paoli. « Di fattu, spiega Antone Maria Graziani, sturianu cunnisciutu, i Francesi vulianu piglià à Paoli. Ùn anu micca avutu troppu difficultà à entre in Corti dopu à Ponte Novu chè Gaffori, vicinu di Paoli avia fattu pocu per difendela. »
Ponte vechju : prutegge Paoli
Ghjunti in Corti, i suldati francesi cercanu à Paoli. Quellu appronta dighjà a so partenza ver di a Tuscana. Tandu, passa da Corti à Vivariu cù uni pochi di i so suldati per piglià u battellu in Purtivechju è parte sin’à Livurna. I Francesi avanzanu à pocu à pocu è cascanu nantu à un passaghju ch’ùn esiste più oghje : u Ponte vechju. « Ùn hà nulla à chì vede, aghjusta u sturianu, cù u ponte d’oghje alzatu à un XIXu seculu. U ponte vechju era più sottu. »
Mentre chè Paoli piglia a direzzione di Purti Vechju cù suldati chì s’anu da adunisce à partesi d’Aiacciu, l’altri assicureghjanu a so prutezzione nantu à u Ponte Vechju. « Ùn hà nulla à chì vede cù a battaglia di Ponte Novu, ùn hè mancu una battaglia, solu un territoriu chè i suldati di Paoli divianu prutegge. » Qualchì centenai cascheranu quantunque nantu à u ponte.
Da Livurna à…Londres
Semu u tredeci di ghjugnu. Un mese hè passatu dopu à Ponte Novu. Ghjuntu in Purti Vechju, Paoli imbarca per andà in Livurna. Ci hè dui battelli, u soiu in punta è un secondu daretu à ellu cù trè centu suldati. U capitanu di u battellu hè un civile inglese. Paoli avaria sceltu Livurna per via di a so cumunità corsa. Ci sò dinò assai suldati inglesi. È si sà, ch’à l’epica, L’ingliterra hè nemica cù a Francia di Choiseul. Dopu à a visita di Boswell in Corsica- mintuerà e nuzione di patria è di libertà- i rapporti si stringhjenu cù l’Ingliterra.
« Ci hè un episodiu pocu cunnisciutu : Di fattu, u Rè di Francia face pressione nantu à u Duca di Tuscana per impediscelu d’accoglie à Paoli. È cusì ch’ellu hà sceltu di parte in Ingliterra… »
Durante trenta trè anni, sin’à a so morte in u 1807, quellu chì fù più un Capu di Statu chè un generale di guerra, hè statu esiliatu in Ingliterra fora d’un rolu à l’epica di a Revuluzione francese (1790-1794, credia in i so idee) è di u Regnu trà a Corsica è l’Ingliterra (1794-1796), hè statu rispettatu quant’è i più grande nobili inglesi. Per prove, un bustu di u Generale hè statu sculpitu hè stallatu in a ghjesgia di Westminster, à mezu à tutti quelli ch’anu fattu a storia di l’Ingliterra…
